Foto: Rektor ISI BALI, Prof. Dr. Wayan Kun Adnyana pinaka pembicara ring simposium internasional Sea-ing The Land: Nyegara Gunung, 21-28 September 2026 ring Herbert F. Johnson Museum of Art, Cornell University.
The Southeast Asia Program (SEAP) Cornell University, Amerika Serikat ngaturang uleman majeng Rektor Institut Seni Indonesia Bali (ISI BALI), Prof. Dr. Wayan Kun Adnyana pinaka pembicara ring simposium internasional Sea-ing The Land: Nyegara Gunung, 21–28 September 2026. Acara simposium kalaksanayang ring Herbert F. Johnson Museum of Art, Cornell University.
Prof. Kun Adnyana ngaturang presentasi mamurda Nyegara Gunung: Flowing Lines and The Metaphor of The Vessel, sane ngabaosang ikonografi berbasis artistik garis indik yeh lan ombak ring makudang stilistika rupa seni lukis Bali. Simposium katuntun olih profesor sejarah seni Asia Tenggara, Prof. Dr. Kaja Maria McGowan.
Tiosan ring Prof. Kun Adnyana, dosen ISI Bali sane ugi Koordinator Prodi Teater, Dr. I Gusti Sudarta kaatengin anggen nyihnayang pertunjukan Wayang Plastik serangkaian acara simposium punika. Dr. Sudarta magandeng kasarengin profesor musik, Prof. Christopher J. Miller miwah komposer Peni Candra Rini. Pertunjukan punika kasambut antuk semangat oleh masyarakat kampus miwah alumni Cornell University, di kota Ithaca, New York.
Karya “Victory of Sailing” Prof. Kun Adnyana Kakoleksi Museum Cornell
Tiosan ring presentasi makalah, karya Prof. Kun Adnyana mamurda “Victory of Sailing”, ukuran 140 x 160 Cm, tinta cina dan acrylic pada kanvas kapilih dados koleksi tetep Herbert F. Johnson Museum of Art, Cornell University, masepukan kasarengin 40.000 karya seni rupa dan visual maestro dunia saking makudang negara, pantaraning punika pematung Alberto Giacometti (1901–1966), miwah pelukis Agostino Brunias (1730–1796).
Momentum uleman pinaka narasumber simposium, masi dimanfaatkan olih Rektor ISI BALI Prof. Kun Adnyana anggen ngabaosang kerja sama pantaraning ISI BALI kasarengin SEAP Cornell University. Prof. Kun Adnyana kasarengin Direktur SEAP, Prof. Eric Tagliacozzo, sampun menyepakati makudang program, ring sajeroning mahasiswa peserta SEAP benjang prasida ngiringin program internasional ISI BALI, rumasuk visiting profesor saking kalih perguruan tinggi.
