Foto: Pamukakan B-GAAD III Warsa 2026 ring Panggung Terbuka Nretya Mandala, ISI BALI, Anggara, 27 Oktober 2026.
Makehan program Bali-Global Axis of Arts and Design (B-GAAD) III warsa 2026 inisiasi Institut Seni Indonesia Bali (ISI BALI) sane kalaksanayang ngawit tanggal 26–30 Oktober sampun mamargi antuk gelis lan ngawetuang bagia. Salami limang rahina pamargi, B-GAAD III sane mamurda Roh-Rong-Reh “Soul-Space-Sincerity (Jiwa-Jagat-Junjung)” ngamolihang apresiasi sane amba lan ngukuhang pasametonan sivitas akademika perguruan tinggi seni lan desain ring Asia-Pasifik.
Pamukakan B-GAAD III ring rahina Anggara, 27 Oktober 2026 ring Panggung Terbuka Nretya Mandala, ISI BALI, kaselehin antuk Konser Gamelan The Colossal World Gamelan Celebration sane mamurda Wakya-Rong-Wahyu (The Rhythm of the Universe). Konser puniki ngacampur lima komposisi gamelan karya komposer bereputasi internasional, inggih punika Nyoman Windha, Dewa Putu Berata, Ketut Suryatini, Ketut Garwa, lan Jeremy Grimshaw, miwah siki komposisi vokal karya Gusti Putu Sudarta.
Konser puniki ngaturang warnan musikal ensambel gamelan Bali, marupa barungan Gender Wayang, Selonding, Gong Gede, lan Gong Semara Dana “Damuh Tuwuh”. Barungan punika kaselehin antuk konfigurasi makudang instrumen gamelan lan musik etnik dunia (Jegog, Tawa-tawa, Neonolin, Busi, Selentem, Gambang Jawa, Jimbe Afrika, Rebana Nusantara, Seruling, Rebab, lan Biola).
“B-GAAD III ngutamang kasikian, keseksamaan, kaunggulan pikolihan, lan pasametonan lintas bangsa ring Asia-Pasifik. Tema Roh-Rong-Reh, sane ngikhtiari indik pemaknaan keberadaan jiwa lan angga matemali katulusan, monodualitas sane nggema ring sajeroning makasami eargian program,” baos Rektor ISI BALI, Prof. Dr. Wayan ‘Kun’ Adnyana.
Ketua panitia B-GAAD III, Dr. Kadek Dwiyani, ring laporannyane nguningayang, bahwa pamargi sanga program B-GAAD III, ngranjing Bali-Global Innovative Design Map Exhibition (B-GIDME), Bali-Global Art Map Exhibition (B-GAME), B-GAAD’s Leader Summit, Bali-Global Arts and Design Symposium (B-GADS), Bali-Global Performing Arts Map (B-GPAM), Bali-Global Encounter Figure (B-GEF), Bali-Global Authentic Trip (B-GAT), Bali-Global Expo and Job Fair (B-GEJF), miwah World Cultural Carnival, nyarengang 1.616 pamilet saking 12 negara, kawangun antuk delegasi perguruan tinggi jaba, pembicara simposium, pamilet leader summit, pamilet pameran desain/seni rupa, miwah panyaji konser, karnaval, lan workshop. Perayaan wengi pamukakan kaselehin antuk tayangan video mapping karya dosen lan mahasiswa ISI Bali ngelaborasi Candi Bhuwana Citta antuk kaluihan tata cahaya pilihan. Peresmian parikrama B-GAAD III kaselehin antuk penandatanganan poster adikarya olih pimpinan ISI BALI (Ketua Senat, Prof. Ketut Muka, Wakil Rektor Prof. Anak Agung Gde Bagus Udayana, Dr. Made Jodog, lan Prof. Komang Sudirga), dewan pertimbangan, miwah delegasi jaba. Kehangatan pasametonan B-GAAD ugi kacingak ring World Cultural Carnival sane kasarengin olih 240 pamilet saking program studi sarjana/sarjana terpan lan pascasarjana ISI BALI, miwah delegasi internasional saking Brigham Young University, USA, lan Phetchaburi Rajabhat University, Thailand.
