Ni Kadek Ayu Devy Yanti, S.Sn. – Prodi Tari

ISI Bali puniki boya ja wantah kampus kemanten, nanging umah kaping kalih sane ngawentuk titiang dados jadma sane sayan wruh lan kreatif. Saking kelas ngantos panggung sasolahan, sabilang pengalaman ngajahin tiang peplajahan sane mawiguna lan nyiagayang titiang mangda prasida terus makarya lan nglimbak ring jagat seni. Ring ISI Bali, titiang nenten wantah malajah seni kemanten nanging taler ngasah kreativitas, karakter, lan kepekaan dewek titiang. Risampune lulus, titiang yukti ngrasayang sapunapi kaweruhan lan pengalaman sane kapolihang ring ISI Bali puniki micayang titiang pamargi ngawangun masa depan lan karir titiang.

Fauziah Shahab (Zee Zee Shahab) – Doktor Seni

Nyarengin Program Doktor (S3) ring ISI Bali wantah pengalaman sane pinih maaji majeng ring padewekan titiang. Lingkungan kampus sane asri, kasarengin antuk atmosfer budaya Bali sane kantun kental, ngicenin inspirasi sane pinih becik majeng ring paplajahan lan penelitian titiang. Dosen sane kompeten lan setata ngicenin dukungan sane ngawinang titiang sayan kritis, kreatif, lan teleb mapikayun. Fasilitas kampus sane jangkep lan suasana akademik sane kondusif ngawinang titiang prasida fokus lan termotivasi mangda prasida muputang studi. Sajabaning wantah malajah akademik kemanten, titiang taler ngamolihang pangresep sane dalem indik seni lan kawicaksanaan lokal, ngawinang nincap perspektif titiang lan nglimbakang cakrawala titiang pinaka seniman. Maplajahan ring ISI Bali nenten ja wantah nincapang kaweruhan titiang kemanten nanging taler ngwangun karakter, sensitivitas, lan kreativitas titiang makasami.

Mohammad Rivai Riza (Riri Riza) – Doktor Seni

Ring Program Studi Seni Doktor, ISI Bali sampun nyiagayang struktur ceramah tatap muka sane nyakup sejarah, filsafat, lan estetika seni, taler metodologi penelitian ring sajeroning sasuratan ilmiah. Titiang raris kaicen galah mangda prasida nentuang topik tetilik titiang newek manut ring minat lan widang studi titiang. Iraga taler katuntun olih promotor sane madue kawagedan lan pengalaman ring widang studi lan kreasi seni, mangda iraga prasida ngamedalang tetilik lan disertasi sane kukuh lan interdisipliner. Program Studi Seni Doktor ring ISI Bali pinaka genah majeng ring para praktisi miwah akademisi ring widang seni kreatif mangda prasida ngamargiang peran sane sayan jimbar sajeroning ngalimbakang budaya Indonesia

Anak Agung Bagus Harjunanthara, S.Sn., M.Sn – Tari

­Ngawit saking alit titiang sampun mapikayun jagi masekolah ring ISI BALI, duaning titiang nyingakin para pragina ISI BALI nenten wantah waged ring widang kesenian kemanten, nanging taler prasida ngemban misi budaya Bali ke tingkat nasional lan internasional. Titiang dahat ngaturang suksma santukan prasida ngamargiang ipian punika, malajah saking dosen sane kompeten, tur kaicen akeh galah mapentas ring panggung lokal miwah internasional. Pengalaman malajah ring ISI BALI sampun dados bekel sane mabuat ring pamargin karir titiang dados koreografer, juri, lan sutradara seni. Latar belakang akademik titiang dados lulusan ISI ngicenin nilai tambah lan kredibilitas ritatkala titiang kapercayain olih makudang-kudang pihak. Selanturnyane, jejaring sane kawangun titiang ngawit masekolah ring ISI BALI tetep dahat mawiguna nyantos mangkin, tur sampun dados silih sinunggil dasar sane mabuat pisan ring sajeroning nglimbakang karier titiang ring jagat kesenian.

Dewa Gede Raka Jana Nuraga, S.Sn – DKV

Melajah ring ISI Bali wantah sinalih tunggil pamargi  sane pinih utama ring kahuripan titiang. Ring kampus, titiang manggihin sawitra sane pateh pikayunannyane lan, sareng-sareng, ngalimbakang arah lan tatujon titiang ring seni. Bimbingan dosen sane berdedikasi sampun ngewangun karakter lan keyakinan titiang nyantos mangkin. ISI Bali nenten ja wantah genah malajah kemanten, nanging ekosistem kreatif sane ngicenin inspirasi, mendukung, lan ngicenin pamargi sane jimbar anggen berkarya lan berkarir ring industri.

Ni Putu Irma Maharani Sasmita, S.Tr.Ds., M.Sn. – Magister Seni

Dados pahan saking ISI BALI, khususnyane ring Program Studi Desain Mode, sampun dados pamargi sane mabuat pisan majeng ring padewekan titiang. Iriki, hobi tiange ngambar tumbuh dados passion sane ngukuhang pamargin akademik tiange, ngawinang tiang ngamolihang gelar sarjana antuk penghargaan cum laude. Kaweruhan punika ngawinang titiang nglanturang gelar Magister Seni ring perguruan tinggi puniki, sane mangkin titiang kapercayin dados sekretaris pimpinan ring Bank Indonesia.

Gede Bayu Segara Putra, S.Ds., M.Sn. – Magister Seni

Institut Seni Indonesia (ISI) Bali inggih punika genah sane pinih becik anggen malajahin seni lan budaya. Antuk palemahan sane kawangun olih tradisi Bali, ISI Bali ngicenin pengalaman pendidikan sane mabuat lan inspiratif. Dosen sane sampun madue pangalaman ngicenin tuntunan boyaja wantah keahlian teknis kemanten, sakewala taler pinih dalem ritatkala nglimbakan kreativitas lan pangresepan budaya sane teleb. ISI Bali nenten ja wantah genah malajah kemanten, nanging taler pinaka komunitas sane nukung padewekan mangda prasida tumbuh tur berinovasi ring jagat seni.