FAKULTAS
SENI RUPA DAN DESAIN
Fakultas Seni Rupa dan Desain (FSRD) kawangun duk pinanggal 26 Mei 2003, kadasarin antuk Keputusan Presiden No.33 warsa 2003, inggih punika silih sinunggil fakultas sane kautamayang ring Institut Seni Indonesia Bali (ISI Bali). FSRD madue dasa program studi sane kawangun antuk pitung program sarjana miwah tiga program sarjana terapan, sane sampun ngamolihang akreditasi internasional saking Badan Akreditasi Nasional Pendidikan Tinggi (BAN PT). Program studi sane wenten inggih punika: 1. Program Studi Seni Rupa Murni sampun kaakreditasi internasional tur ngamolihang peringkat unggul; 2. Program Studi Sarjana Kriya ngamolihang akreditasi A; 3. Program Studi Sarjana Desain Interior antuk peringkat unggul; 4. Program Studi Sarjana Desain Komunikasi Visual antuk peringkat unggul; 5. Program Studi Sarjana Fotografi antuk peringkat unggul; 6. Program Studi Sarjana Terapan Desain Mode sampun kaakreditasi internasional tur madue peringkat unggul; 7. Program Studi Sarjana Terapan Produksi Film lan Televisi sane sampun peringkat unggul; 8. Program Studi Sarjana Terapan Animasi sane sampun peringkat pinik becik; 9. Program Studi Sarjana Desain Produk antuk status sampun terdaftar; miwah 10. Program Studi Arsitektur antuk status sampun terdaftar.
Soang-soang program studi ring FSRD matetujon nyiagayang lulusan antuk kawagedan akademik lan profesional sane prasida nerapang, nglimbakang, miwah ngaryanin kawikanan, teknologi, miwah seni. Tetujon puniki manut sareng Peraturan Pemerintah No.60 warsa 1999 ngenenin indik Pendidikan Tinggi, sane ngutamayang peran pendidikan ring sajeroning nincapang kualitas kauripan miwah ngawi kasugihan budaya nasional malarapan antuk nglimbakang miwah nyebar kawikanan miwah seni.
VISI
Fakultas Seni Rupa dan Desain dados silih sinunggil pusat anggen ngaripta, ngulik, ngranjingang, miwah ngembahang seni rupa miwah desain sané utama kadasarin antuk kearifan lokal sajroning nangiang karakter bangsa miwah prasida nyarengin risajeroning persaingan global.
MISI
-
Ngamargiang pendidikan tinggi sane madue kualitas, sane ngawinang panglimbak pluralitas, pabinayan budaya lokal, miwah multikulturalisme, mangdané alumni sayaga masaih ring saing global;
-
Ngamedalang alumni sane madue moral becik, kreatif, degdeg, mautama, miwah majiwa wiraswasta;
-
Nincapang kualitas panelitikan miwah pangabdian ring parajana ring wewidangan seni miwah kawicaksanan kadasarin antuk teknologi sane pinih anyar;
-
Ngukuhang struktur miwah organisasi fakultas mangdane ngamolihang kinerja sane pinih becik sajeroning mayasin gatra panglimbak galah sane mabinayan.
PROGRAM STUDI
Program Studi Seni Murni
Program Studi Seni Rupa ring ISI Bali sane mangkin sampun madue Akreditasi Unggulan saking Badan Akreditasi Nasional Pendidikan Tinggi (BAN-PT) lan Akreditasi Internasional saking AQAS (Agentur Für Qualitätssicherung Durch Akkreditierung Von Studiengängen E.V.)
Program Studi Kriya
Program Studi Kriya puniki madue swadharma nuju nglestariang kasugihan budaya bangsa tur prasida dados parameter global ring sajeroning panglimbakan kerajinan, penguasaan multimedia miwah kawagedan komputer, sane manut ring kabuatan jagat pakaryan profesional.
Program Studi Desain Interior
Program Studi Desain Interior puniki ngaturang panglimbak wawasan desain sane madasar antuk kawicaksanaan lokal. Taler ngaturang kawagedan multimedia miwah komputer, sane manut ring kabuatan tenaga kerja profesional.
Program Studi Desain Komunikasi Visual (DKV)
Program Studi ISI Bali DKV puniki nyiagayang para mahasiswa mangda prasida ngamargiang karir ring widang desain, media, iklan, industri penerbitan, taler dados pengusaha ring widang desain komunikasi visual.
Program Studi Fotografi
Ngasilang lulusan sane andel, nguasayang ilmu pengetahuan lan teknologi lan kawagedan ring widang fotografi, ngasilang karya seni, malajahin karya seni, ngasilang makalah ilmiah, ngamargiang parikrama pameran, lan madue kemampuan mandiri.
Program Studi Desain Mode
Profil lulusan Program Studi Desain Mode FSRD ISI Bali madue peran sane dahat signifikan lan strategis sajeroning ngicenin pelayanan majeng ring krama pinaka utsaha ngawerdiang kauripan bangsa ring widang pendidikan seni budaya pamekasnyane ring widang desain mode.
Program Studi Film dan TV
Program studi Produksi Film lan Televisi (PFTV) ring ISI Bali wantah perguruan tinggi kesenian sane wenten ring Bali. Pinaka pusat kebudayaan jagat ngawit saking abad ke-7 (Bali Padma Bhuwana), Bali sampun ngicenin kontribusi sane strategis ring kawentenan program studi Produksi Film lan Televisi ring ISI Bali.
Program Studi Animasi
Program Animasi Sarjana Terapan ring ISI Bali puniki ngutamayang indik satua lokal, rumasuk satua-satua Bali sane mawit saking naskah-naskah lontar miwah satua-satua saking sajebag Nusantara. Animasi sane kapolihang nyihnayang karakter khas sane dados ciri khas budaya Indonesia.
Program Studi Desain Produk
Praktik kreatif lan inovatif ring widang desain produk lan telitik, becik tradisional, modern, lan kontemporer. Mapaiketan sareng segmen pasar miwah muputang pikobet teknis sane mapaiketan sareng kabutuhan masyarakat ring widang desain produk.
Program Studi Arsitektur
Program Studi Arsitektur Institut Seni Indonesia Bali, ngutamayang indik studi miwah desain arsitektur madasar antuk kawicaksanaan luhur perundagian Bali, arsitektur Nusantara, miwah desain lestari inovatif, nglimbakang keragaman Bali miwah kawicaksanaan luhur Nusantara, arsitektur Bali, arsitektur nusantara miwah arsitektur modern.