Foto: Pameran Desain Internasional Bali-Global Innovative Design Map Exhibition (B-GIDME) ring Neka Art Museum (NAM), Soma, 26 Oktober 2026.
Serangkaian B-GAAD III Warsa 2026, ISI BALI ngaturang Pameran Seni Rupa Internasional Bali-Global Art Map Exhibition (B-GAME) miwah Pameran Desain Internasional Bali-Global Innovative Design Map Exhibition (B-GIDME). Pameran seni rupa ngaturang pikolihan-pikolihan artistika rupa anyar, sementata wujud desain ngaturang keberagaman visual mangkin berbasis makudang medium.
B-GIDME sane mamurda “Soulful Space on Design Innovation Now” ngaluyur paiketan pantaraning genah, emosi, lan nilai-nilai kemanusiaan liatin makudang karya desain kontemporer. Pameran sane kakuratori olih Anak Agung Bagus Udayana, Melati Blanca Danes, miwah Loyce L. Arthur, kabukak olih Dewan Penasihat ISI BALI, Drs. Tjokorda Gde Putra Sukawati, ring rahina Soma (26/10/2026) ring Neka Art Museum (NAM), Bali. B-GIDME ngrauhang karya saking 53 desainer bereputasi internasional sane mawit saking limang negara ring wewidangan Asia-Pasifik, inggih punika Indonesia, Malaysia, Thailand, Jepang, lan India. Pameran seni rupa internasional B-GAME, kalaksanayang ring tigang genah, inggih punika Nata-Citta Art Space (N-CAS) ISI BALI, Komaneka Art Gallery Ubud, miwah Komaneka Art Gallery Keramas. Pamukakan pameran kalaksanayang ring N-CAS ISI BALI, rahina Anggara, 27 Oktober 2026 olih pendiri Museum ARMA, Anak Agung Gde Rai. B-GAME 2026 kasarengin olih 135 karya saking 108 perupa limang negara, inggih punika Australia, Indonesia, Iran, Korea Selatan, lan Malaysia. Kurator pameran, Wayan Kun Adnyana, Jeon Dongsu, miwah Warih Wisatsana ngetengahang pemikiran Soul and Sincerity in the Creation of Now Metaphor ngenahang jiwa lan ketulusan pinaka daya kreatif ring nanggepin pangalaman personal, pangaruh sosial, miwah kenyataan kauripan kontemporer.
