Foto: Delegasi ISI BALI ring Festival Kesenian Indonesia (FKI+) XIII Warsa 2026 sane mamargi tanggal 20–24 Oktober 2026 ring Institut Seni Indonesia Padangpanjang.
Mahasiswa ISI BALI ngamolihang solas (delapan) gelar juara ring Festival Kesenian Indonesia (FKI+) XIII Warsa 2026 sane mamargi ring tanggal 20–24 Oktober 2026 ring Institut Seni Indonesia Padangpanjang, Sumatera Barat. Prestasi sane pateh ugi kakedeng ring ajang Pekan Seni Mahasiswa Nasional (PEKSIMINAS) XVIII Warsa 2026 sane kalaksanayang ring Universitas Jember, Jawa Timur, 7–10 September 2026, ngamolihang patang juara.
Ring FKI+ XIII, solas juara sane kapolihang, inggih punika Juara I Lomba Menyanyi Solo olih mahasiswa Program Studi Musik, Marcella Gracia Joana Tasya miwah juara I Lomba Musik Kontemporer olih mahasiswa lintas program studi, inggih punika Ketut Yogi Wiriatama, I Gede Galih Sastrawan, I Gede Nova Surya Rahmadi saking Program Studi Seni Karawitan, Ni Luh Putu Marselina Damayanti saking Program Studi Pendidikan Seni Pertunjukan, miwah Ni Kadek Thaly Titi Kasih saking Program Studi Teater. Juara II Lomba Sketsa Arsitektur kapolihang olih mahasiswa Prodi Desain Interior I Kadek Wantaro, Juara II Lomba Lukis olih mahasiswa Prodi Seni Murni I Kadek Agus Aditya Pratama. Juara II Lomba Desain Poster olih mahasiswa Prodi Desain Komunikasi Visual I Nyoman Jati Sumarsana. Sapunika, Ni Made Suanditari saking Program Studi Desain Mode ngamolihang Juara III Lomba Desain Fashion, lan Laetitia Gabriella saking Program Studi Animasi ngamolihang Juara III Lomba Lukis Digital. Ring widang perfilman, tim mahasiswa saking Prodi Produksi Film dan Televisi (PFTV) sane kawangun antuk Kanaya Khumaira Aisya, I Dewa Putu Nova Andika Putra, I Gede Wikram Aditya Baruna, I Komang Mahkota Rama Adinata, lan Naufall Adithya Islami Pasya prasida molihang Juara III Lomba Film Pendek.
Ring PEKSIMINAS XVIII Warsa 2026, prestasi pinih tegeh kapolihang olih Sri Agung Wulandewi Putri Laksana, mahasiswa Prodi Musik sane prasida molihang Juara I Pahan Lomba Menyanyi Keroncong Putri. Mahasiswa Prodi Fotografi ISI BALI Insan Kamil ngamolihang Juara II Pahan Lomba Fotografi Jurnalistik Dokumenter. Sapunika, Ni Luh Made Bindi Hita saking Prodi Animasi prasida molihang Harapan II ring Pahan Lomba Komik Strip. Ring pahan lomba Tari, kontingen ISI BALI prasida molihang Harapan I antuk karya mamurda “Ngetug Bumi” olih mahasiswa Prodi Tari. Dane, inggih punika I Putu Gede Pradipta Utama, Ni Kadek Dhya Sumitha Apsari, Made Githa Sanjiwani, I Made Wahyu Danurtha, Ida Ayu Adi Tri Wiranti, Ni Nengah Diah Tantri, miwah Gusti Ngurah Bagus Andika Prasetya.
