Foto: Parikrama Bali-Global Axis of Arts and Design (B-GAAD).
Ajang sane kadiapanin olih ekosistem inovasi seni lan desain Asia-Pasifik, inggih punika Bali-Global Axis of Arts and Design (B-GAAD). Risampunne ping kalih parikrama sane polih apresiasi saking perguruan tinggi penyelenggara pendidikan seni lan desain ring Asia-Pasifik, ISI BALI ngrawuhang B-GAAD III antuk kebak rasa optimisme lan empati pasametonan pantaraning bangsa.
Ngusung murda “Roh-Rong-Reh: Soul-Space-Sincerity utawi Jiwa-Jagat-Junjung”, B-GAAD III dados genah matukaria gatra/pikayunan, jejaring, sapunika ugi komunikasi strategis pantaraning lembaga pendidikan tinggi seni lan desain ring kawasan Asia-Pasifik. Kalaksanayang tanggal 27 – 30 Oktober 2026 ring Kampus Meraya Citta ISI BALI, Neka Art Museum, Komaneka Art Gallery, sapunika ugi makudang genah budaya ring Bali.
B-GAAD II Warsa 2025 kasarengin 11 perguruan tinggi saking makudang negara, minakadi Malaysia, Kazakhstan, Singapura, Thailand, Australia, Jepang, Amerika Serikat, Bangladesh, lan Republik Korea. Parikrama punika ngrawuhang makudang program unggulan, sakadi Bali-Global Arts and Design Symposium (B-GADS) antuk 26 pembicara internasional, Bali-Global Art Map Exhibition (B-GAME) sane nyarengang 60 perupa berpengaruh, sapunika ugi Bali-Global Innovative Design Map Exhibition (B-GIDME) sane nyarengang 108 desainer saking Indonesia lan dura negara.
Ring pamargin warsa puniki, B-GAAD III nglimbakang wewidangan kolaborasi liatin kutus program unggulan, inggih punika B-GAAD’s Leader Summit, Bali-Global Arts and Design Symposium (B-GADS), Bali-Global Performing Arts Map (B-GPAM), Bali-Global Art Map Exhibition (B-GAME), Bali-Global Innovative Design Map Exhibition (B-GIDME), Bali-Global Encounter Figure (B-GEF), Bali-Global Authentic Trip (B-GAT), sapunika ugi Bali-Global Expo and Job Fair (B-GEJF).
Ketua Panitia Pelaksana B-GAAD III, Dr. Kadek Dwiyani nguningayang, makudang perguruan tinggi lan institusi internasional sampun nyaknin kasarenganipun, minakadi Dongduck Women’s University lan Sungkyunkwan University, Republik Korea; Brigham Young University, Amerika Serikat; University of Canterbury, Selandia Baru; Graduate Institute of Musicology, National Taiwan University, Taiwan; LASALLE College of the Arts, Singapura; sapunika ugi Universiti Malaysia Kelantan lan Akademi Seni Budaya dan Warisan Kebangsaan (ASWARA), Malaysia.
