Foto: Pangaji-aji Internasional Bali-Bhuwana Nata Kerthi Nugraha.
Anggen muat/nghurmati dedikasi lan mumpunnyane sosok sane bereputasi, ISI BALI ngicenin penghargaan/pangaji-aji nasional lan internasional nyabran warsa. Ring sajeroning energisitas “warsa kuda api” puniki, kaicen pangaji-aji nasional Bali-Dwipantara Nata Kerthi Nugraha VI lan pangaji-aji internasional Bali-Bhuwana Nata Kerthi Nugraha VI Warsa 2026. Pangaji-aji nasional kakasihan serangkaian Wisuda Sarjana, Sarjana Terapan, Magister, lan Doktor ke-40 Semester Genap, ring rahina Wraspati (27/8) puniki. Sadurungne, ring serangkaian Dies Natalis XXIII ring rahina Sukra, 27 Februari 2026.
Pangaji-aji Nasional Bali Dwipantara Nata Kerthi Nugraha warsa puniki kaicen majeng ring lima tokoh kapilih sane maderbe reputasi sapunika ugi dedikasi, rasa kangen, lan spirit panglimbakan seni budaya. Makalima tokoh punika, inggih punika Jero Gede Duhuran Batur (tokoh pengayom seni budaya Bali), ABG Satria Naradha (tokoh pers nasional lan pencinta seni budaya), Luh Made Asmariani Budhi (entrepreneur lan pencinta seni), I Nyoman Sudiana, S.Skar., M.Si (tokoh pembina Karawitan Bali), Wahyu Indira, S.Sn., M.Sn (Dosen Penggerak – Desainer Komunikasi Visual).
Sadurungne, ring Dies Natalis XXIII sane ugi marupa pamungkah Festival Internasional Bali Padma Bhuwana VI, 27 Februari 2026, kaicen pangaji-aji internasional Bali-Bhuwana Nata Kerthi Nugraha majeng ring lima tokoh seni lan budaya sane kagatos maderbe kontribusi ageng ring nitenin, nglimbakang, sapunika ugi ngewarwarang seni lan budaya Bali ring wewidangan global.
Lima sane ngamolihang pangaji-aji punika, inggih punika Dr. Mochammad Fadjroel Rachman, S.E., M.H., (sastrawan lan Duta Besar Luar Biasa lan Berkuasa Penuh Indonesia majeng Kazakhstan merangkap Tajikistan); Jeon Dongsu (seniman sapunika ugi Chairman Committee of Artist for World Peace, Korea Selatan); Mohd Asri Bin Abdul Ghafar (maesenas seni pertunjukan, Malaysia); Prof. Dr. Ni Made Arshiniwati, SST., M.Si., (akademisi lan seniman tari, Indonesia); sapunika ugi Drs. I Made Bendi Yudha, M.Sn., (akademisi lan perupa, Indonesia).
Maka kalih pangaji-aji prestisius ISI BALI punika katatanin ring Peraturan Rektor ISI Denpasar Nomor 2 Warsa 2022 sakadi sane sampun kacasang, pinih pungkasan antuk Peraturan Rektor ISI Denpasar Nomor 1 Warsa 2024 indik Perubahan Ketiga atas Peraturan Rektor ISI Denpasar Nomor 2 Tahun 2022 Tentang Penghargaan Institut Seni Indonesia Denpasar.
