Sewaka Praja Ring Masyarakat

Pengabdian ring Masyarakat inggih punika wangun sane kongkrit saking pamargin Tri Dharma Perguruan Tinggi Institut Seni Indonesia (ISI) Bali malarapan antuk LPPM ISI Bali. Program puniki matetujon nenten wantah ngepah kaweruhan kemanten nanging taler anggen nukung pemberdayaan, nincapang kualitas, miwah ngaryanin solusi sane mapaiketan sareng seni, minakadi tari, karawitan, wayang, seni rupa, desain, kerajinan, mode, miwah seni sane lestari tiosan. Komunitas sane kasayagayang olih program puniki kabaos mitra. Output saking program puniki nenten nyaratang krama mangda produktif ring sajeroning ekonomi, sakewanten ngutamayang ngukuhang seni tradisional miwah SDM kelompok masyarakat ring widang kesenian, mangda kesenian sane kasayagayang antuk program puniki tetep ajeg, lestari, lan kapungkur wekas dumogi prasida ngamolihang pikenoh ekonomi. Program puniki kamargiang anggen pemberdayaan masyarakat ring kota miwah ring desa. Para pengusul katunasin mangda nlatarang sacara rinci pikobet mitra, miwah solusi sane pacang katawarin, mangda program puniki tepat ring sasaran lan sukses lan prasida kaukur.