Mandala ISI Denpasar

Institut Seni Indonesia (ISI) Denpasar inggih punika perguruan tinggi seni sane kamargiang olih Kementerian Pendidikan Nasional ring sor lan langsung madue tanggung jawab majeng ring Menteri Pendidikan Nasional. ISI Denpasar fungsionalnyane kaawasi olih Dirjen Pendidikan Tinggi Kementerian Pendidikan Nasional. ISI Denpasar kawangun madasar antuk Keputusan Presiden RI Nomor 33 warsa 2003 pinanggal 26 Mei 2003, pinaka pikolih saking integrasi Sekolah Tinggi Seni Indonesia (STSI) Denpasar miwah Program Studi Seni Rupa dan Desain (PSSRD) Universitas Udayana. Ring masa kepemimpinan Prof. Dr I Wayan Rai S., MA dados Rektor ISI Denpasar antuk periode 2004 kantos 2013, dane prasida ngawewehin program studi Penciptaan dan Pengkajian Seni (S2) warsa 2011 ; Desain Fashion (D-IV) warsa 2012; Televisi dan Film (D-IV), Pendidikan Seni Drama, Tari, dan Musik (S1) dan Seni Musik (S1) warsa 2013, miwah ngawentenang gedung Citta Kelangen miwah Citta Hasta Mandala; salami kepemimpinan Prof. Dr. I Gede Arya Sugiartha, S.SKar., M.Hum dados Rektor ISI Denpasar antuk periode 2013 kantos 2021, dane prasida ngawewehin program studi Seni (S3) ring warsa 2017; Desain (S2) ring warsa 2020, miwah muputang gedung parkir miwah Gedung Studio Reneng; lan kepemimpinan Prof. Dr. I Wayan Adnyana, S.Sn., M.Sn pinaka Rektor ISI Denpasar antuk periode 2021-2025 prasida ngawewehin program studi Pendidikan Seni (S2), Desain Produk (S1), Animasi (D-IV) ring warsa 2022; Teater (S1), Tata Kelola Seni (S2) ring warsa 2023; Desain (S3) ring warsa 2024, miwah muputang gedung Desain Hub miwah Lab Terpadu; ngamecikang atap miwah jeroan gedung Latta Mahosadhi, ngamecikang Ruang Seni Nata Citta Art Space, ngamecikang Natya Mandala.