Foto: Workshop Beatbox kasarengin Mad Twinz ring Gedung Natya Mandala, ISI BALI, Buda (7/10).
Institut Seni Indonesia (ISI) BALI berkolaborasi antuk Komite Ekonomi Kreatif Dinas Pariwisata Kabupaten Badung lan Beatland ngawentenang Workshop Beatbox ring Gedung Natya Mandala, ISI BALI, Buda (7/10). Kegiatan puniki menghadirkan duo beatboxer kembar saking Rusia, Pavel Frolikov utawi Pash lan Evgeny Frolikov utawi Jayton, sane magabung ring grup Mad Twinz.
Workshop kasarengin puluhan mahasiswa ISI BALI, utamannyane saking Program Studi Karawitan lan Program Studi Musik. Kegiatan memargi secara interaktif antuk ngatutang sesi pengenalan teknik dasar beatbox, demonstrasi, nganti praktik langsung kasarengin para peserta.
Mad Twinz memperkenalkan beatbox pinaka bentuk eksplorasi musikal sane ngamupatnag suara manusa antuk ngasilang makudang-kudang elemen ritmis lan bunyi. Para mahasiswa nenten ja wantah kadauhng ngacingin teknik sane kaperagayang, nanging taler nyoba secara langsung makudang-kudang teknik beatbox antuk arahan Pash lan Jayton.
Suasana workshop sayan menarik rikala Mad Twinz berkolaborasi antuk mahasiswa ISI BALI antuk ngeksplorasi perpaduan beatbox antuk alat musik tradisional Bali, Jegog. Eksperimen punika ngatetukang karakter bunyi vokal beatbox antuk warna suara tiing Jegog, ngawenang pengalaman musikal sane matiosan sekaligus ngebak ruang eksplorasi majeng kemungkinan baru ring pengembangan musik.
Foto: Workshop Beatbox kasarengin Mad Twinz ring Gedung Natya Mandala, ISI BALI, Buda (7/10).
Wakil Dekan Bidang Kemahasiswaan lan Kerja Sama Fakultas Seni Pertunjukan ISI BALI, Dr. I Kadek Widnyana, sane ngebukak kegiatan ngasampang bahwasanya workshop punika kaabih dados ngicenin pengalaman baru sekaligus ngewangsitang mahasiswa antuk setata ngalimbakang kreativitas.
“Majalaran workshop puniki, astungkara para peserta nenten ja wantah ngemanggihin kaweruhan lan keterampilan teknis indik beatbox, nanging taler ngemanggihin inspirasi antuk setata berkarya lan ngalimbakang potensi diri,” atur dané.
Manut dané, kegiatan punika taler nyihnayang mabuatnyane kolaborasi pantaraning makudang-kudang unsur ring pengembangan ekosistem kreatif. Kolaborasi pantaraning pelaku kreatif, institusi pendidikan, komunitas, lan pemerintah dados ruang strategis antuk ngatetukang kaweruhan, pengalaman, serta gagasan baru.
“Tiyang taler ngacingin bahwasanya kegiatan sekadi puniki pinaka bentuk kolaborasi sane becik pisan pantaraning pelaku kreatif, institusi pendidikan, komunitas, lan pemerintah. Kolaborasi sekadi puniki sane kaperluang setata kabanjarang antuk ngewangsitang ekosistem ekonomi kreatif ring Kabupaten Badung lan Bali secara luwih amba,” katatan dané.
Majeng mahasiswa ISI BALI, kawentenan Mad Twinz ngicenin kesempatan antuk ngewikanin teknik lan pendekatan musikal sane kalimbak ring budaya beatbox secara langsung saking praktisi. Sajabaning punika, eksplorasi kasarengin Jegog dados bagian menarik saking workshop santukan nyihnayang sapunapi musik tradisional dados kapetukang antuk bentuk ekspresi musik kontemporer.
Interaksi pantaraning narasumber lan peserta memargi cair lan komunikatif. Mahasiswa kaacing antusias ngantutin demonstrasi, nyoba teknik beatbox, serta terlibat ring sesi kolaborasi. Workshop puniki dados ruang transfer keterampilan serta dados genah antuk bereksperimen lan ngemanggihin kemungkinan-kemungkinan musikal baru.(ISIBALI/Humas)
