Poto: Rektor ISI BALI, Prof. Dr. Wayan Kun Adnyana pinaka narasumber sajeroning simposium internasional Sea-ing The Land: Nyegara Gunung, 21-28 September 2026 ring Herbert F. Johnson Museum of Art, Cornell University.
The Southeast Asia Program (SEAP) Cornell University, Amerika Serikat ngundang Rektor Institut Seni Indonesia Bali (ISI BALI), Prof. Dr. Wayan Kun Adnyana pinaka narasumber sajeroning simposium internasional Sea-ing The Land: Nyegara Gunung, 21-28 September 2026. Parikrama simposium kakawentenang ring Herbert F. Johnson Museum of Art, Cornell University.
Prof. Kun Adnyana ngaturang presentasi mamurda Nyegara Gunung: Flowing Lines and The Metaphor of The Vessel, sane ngenengang indik ikonografi berbasis artistik garis indik toya miwah ombak sajeroning makudang stilistika rupa seni lukis Bali. Simposium kadulurin olih profesor sejarah seni Asia Tenggara, Prof. Dr. Kaja Maria McGowan. Salihan saking ngaturang makalah, karya Prof. Kun Adnyana mamurda “Victory of Sailing”, ukuran 140 x 160 Cm, tinta cina miwah acrylic ring kanvas kapilih dados koleksi tetap Herbert F. Johnson Museum of Art, Cornell University, matatandhingan sareng karya seni rupa miwah visual maestro saking makudang negara.
Poto: Koordinator Prodi Teater, Dr. I Gusti Sudarta ngasolahang pertunjukan Wayang Plastik sajeroning simposium internasional Sea-ing The Land: Nyegara Gunung, 21-28 September 2026 ring Herbert F. Johnson Museum of Art, Cornell University.
Salihan Prof. Kun Adnyana, dosen ISI BALI sane taler Koordinator Prodi Teater, Dr. I Gusti Sudarta kaipuk sajeroning ngasolahang pertunjukan Wayang Plastik serangkaian parikrama simposium punika. Dr. Sudarta berkolaborasi sareng profesor musik, Prof. Christopher J. Miller miwah komponis Peni Candra Rini. Pertunjukan punika kasambut antusias olih krama kampus taler alumni Cornell University, ring kota Ithaca, New York.
Momentum kaundang pinaka narasumber simposium puniki kawangsitang taler olih Rektor ISI BALI Prof. Kun Adnyana sajeroning ngatutang kerja sama antara ISI BALI sareng SEAP Cornell University. Prof. Kun Adnyana kairing Direktur SEAP, Prof. Eric Tagliacozzo, sampun masikian pikayunan sajeroning makudang program, Maka silih tunggilnyane mahasiswa peserta SEAP kawekas dados nyarengin program internasional ISI BALI, rumasuk visiting professor sangking makatiga perguruan tinggi punika. (ISIBALI/Humas)
