Foto : Pambukaan Pameran Désain Internasional B-GIDME ring N-CAS ISI Bali, Rahina Soma (27/10).
Institut Seni Indonesia Bali (ISI BALI) malih pisan ngaturang pameran internasional sane mamurda Bali-Global Innovative Design Map Exhibition (B-GIDME) 2025, pinaka pahan saking Bali-Global Axis of Arts and Design (B-GAAD) II 2025. Pameran sane magenah ring Nata Citta Art Space (N-CAS), ISI BALI puniki sampun resmi kabungkah ring rahina Soma (27/10) olih Rektor ISI Bali, Prof Dr.I Wayan ‘Kun’ Adnyana.
Ngusung tema ageng “Tutur Bhuwana Tuwuh (Myths–World–Memories)”, pameran sane kakurator olih Tjok Istri Ratna CS lan Pande Made Artadi-Bali, taler Prof. Loyce Arthur-USA, dados ruang dialog dialéktis sane nyanggrahangang panglimbakang pengalaman autentik miwah pagelangan perspektif ring indik ketahanan tur inovasi ring mitos sakadiangang. Mitos punika kapidabdabang dados warisan kawicaksanan luhur saking bangsa-bangsa Asia-Pasifik, sane sampun saking jaman kuna dados titiang penghubung antuk manusa miwah alam.
B-GIDME 2025 nyinahang pakaryan 108 desainer sane kasub saking Indonesia, Malaysia, Thailand, Jepang, lan India, sane khusus kapilih antuk kawagedannyane antuk nafsirang tema Myths–World–Memories malarapan antuk perspektif inovatif. Malarapan antuk karya-karya punika, kaaptiang prasida kawentuk memori kolektif sane ngukuhang komitmen bersama majeng ring kasukertan manusa, pelestarian budaya lokal, miwah keseimbangan ekologi.
Ring warsa puniki, ISI BALI ngaturang uratian khusus majeng ring panyelenggaraan B-GIDME antuk ngamargiang renovasi ageng ring ruang pameran Ruang Seni Nata-Citta (N-CAS). Langkah puniki ngawetuang visi ISI Bali mangda B-GIDME dados pameran terkemuka sane nyihnayang inovasi desain sane anyar.
Selanturnyane, apresiasi sane ageng katur majeng ring para kurator, desainer, maestro, dosen tamu, mitra media, miwah makasami panitia sane dedikasi, tresna, lan semangatnyane mapica kontribusi majeng ring kasuksesan B-GIDME 2025. Malarapan antuk parikrama puniki, ISI Bali ngaptiang mangda prasida ngukuhang platform seni sane tegeh lan kolaborasi ring ring wewidangan Asia-Pasifik.
Pameran B-GIDME 2025 puniki pacang mamargi ngawit tanggal 26 Oktober kantos 26 November 2025, ring N-CAS ISI BALI. (ISIBALI/Humas)
