Ring pinanggal 6 November 2025, magenah ring Prime Plaza Hotel Sanur, Denpasar, Bali, SEVIMA (Sistem Evaluasi dan Informasi Manajemen Akademik) ngemargiang workshop sane mamurda “From Outcome to Outshine: Kupas Tuntas Kurikulum Outcome Based Education untuk Memimpin Kampus Menuju Kelas Dunia”. Acara puniki matatujon ngicenin pangresep sane sayan dalem indik kurikulum sane madasar antuk Outcome Based Education (OBE), sane karipta mangda nagingin standar akreditasi nasional miwah internasional ring jagat pendidikan tinggi.
Pamilet miwah Tetujon Workshop
Workshop puniki kasarengin olih 294 pamilet sane rauh saking makudang-kudang institusi pendidikan ring Indonesia. Parikrama sane memargi ngawit saking jam 09.00 nyantos 16.00 WITA puniki madue makudang-kudang tetujon utama, inggih punika nyobyahang gatra pinih anyar indik ngeripta kurikulum OBE, ngicenin pangresep indik aplikasi sane kekaryanang olih SEVIMA anggen nyokong efisiensi administrasi akademik, miwah nyiagayang genah mabebaosan majeng para pamilet indik kawigunan teknologi ring pendidikan.
Materi sané Kabaosang
Makudang-kudang materi utama sane karemba ring workshop puniki minakadi panguningan kurikulum OBE, sane karipta mangda ngawentuk lulusan sane unggul miwah sayaga nampi tantangan global. Para pamilet taler kauningayang indik SEVIMA, silih tunggil platform sane prasida ngawantu institusi pendidikan ngolah data akademik mangda efisien. Fitur-fitur utama SEVIMA, minakadi sistem informasi akademik, pangolahan nilai, miwah pendaftaran mata kuliah, taler katerangang, antuk nekanang ring kapiolihan platform puniki nincapang akurasi miwah gelisne ngolah data.
Siosan ring punika, kawentenan sesi studi kasus miwah best practices ngicenin conto pangalaksanan SEVIMA ring makudang-kudang perguruan tinggi. Para pamilet maka sami taler kapaica galah mataken indik pikobet sane kapolihang ri kala ngalaksanayang teknologi pendidikan.
Pikenoh sane Kapikolihang
Workshop puniki ngicenin pangweruhan anyar indik kabuatan digitalisasi ring pangolahan data akademik. Pamilet taler ngrasayang sayan sayaga ngalaksanayang kaweruhan sane kapikolihang, yadiastun ring sajeroning kurikulum OBE wiadin kawigunan platform SEVIMA. Bebaoasan sane kamargiang ngebukak pemineh anyar ring sajeroning mutusang pikobet administrasi akademik ring perguruan tinggi.
Makudang-kudang pikenoh sane kapikolihang inggih punika pangresep sane sayan dalem indik kurikulum OBE miwah fitur-fitur SEVIMA sane nyokong efisiensi pakaryan, taler galah matemu miwah mabebaosan sareng peserta saking institusi sane matiosan. Workshop puniki mabuat pisan anggen nincapang pangresep indik kawigunan teknologi ring manajemen administrasi akademik. SEVIMA sampun matiosan nyiayang solusi sane memargi becik majeng perguruan tinggi ring ngolah data akademik mangda sayan efisien. Pinaka pikolih saking workshop puniki, para pamilet ngrasayang sayan sayaga nyokong pangaleksanan kurikulum OBE miwah sistem manajemen sane kadasarin antuk teknologi ring kampus soang-soang.
Foto: ISI BALI tampil dalam Dekranasda Bali Fashion Week 2025, Jumat (4/12) di Gedung Ksirarnawa, Taman Budaya Provinsi Bali.
Institut Seni Indonesia Bali (ISI BALI) taler ngemiletin parikrama gelaran Dekranasda Bali Fashion Week warsa Duangtali Selae sane kekamargiang ring rahina Sukra (4/12) magenah ring i Gedung Ksirarnawa,Taman Budaya Provinsi Bali. Parikrama mabuat puniki kakinkinang olih Guru Wisesa Provinsi Bali mapaiketan sareng Dewan Kerajinan Nasional Daerah (Dekranasda) Bali sane kaabih olih makudang-kudang Dinas inggih puniika Dinas Perindustrian lan Perdagangan, Dinas Pertanian lan Ketahanan Pangan, miwah Dinas Koperasi lan UKM Provinsi Bali. Ring galah becik inucap, ISI BALI nyolahang 10 (adasa) karya busana pikenoh rariptan mahasisya Program Studi Desain Mode. Manggala Prodi Desain Mode Dr. Tjok Istri Ratna CS, nelatarang indik sasolahan busana punika maka sami pikenoh kerja kelompok mahasiswa tatkala muputang salwir titah-titah ri sajeroning mata kuliah Tayloring, ngawigunayang endek Bali pinaka material utama. Ngangobin wiyakti sajawaning ngaripta, para Model sane nyolahang rariptan busana punika taler mawit sakeng mahasisya ISI BALI lintas prodi-lintas fakultas.
Eedan parikrama Bali Fashion Week 2025 resmi kabungkah oleih Manggala Dekranasda Provinsi Bali, Ibu Putri Koster, Anggara Umanis Kuningan (2/12). Sajroning sambrama wacana Dane nugesang indik pabuat Dekranasda boya ja amung nureksa kautaman karya kemanten, kemawon, taler ngicenin pemargi asapunapi ngelimbakang tur ngawerdiang kewagedan para janane ri sajeroning fesyen lan hasta kriya. Mawit saking pagelaran busana (fshion show) lan pameran sane kacumawisang, UMKM Bali keaptiang sayan-sayan prasida nincapang kautaman produk sapisanan ngawerdiang pramana kawirausahaan ring soang-soang krama.
Manggala prajuru Dekranasda Provinsi Bali sane taler pinaka Manggala Dinas Perindustrian lan Perdagangan Provinsi Bali, I Gusti Ngurah Wiryanata, mawosang parikrama mabuat puniki nguwehin kawigunan langsung majeng para desainer miwah pamilet UMKM. Panyangaskaran tema “Wastra Hitakara”, sane mapiteges karasmian sapisan kawigunan, para rawuh, pamiarsa, kacumawisang rasa one stop shopping sane nyumawisang mole-mole (perhiasan), kriya, kerajinan, rawuhing busana ready to wear pakaryan para perajin lokal Baline.. Rektor ISI BALI, Prof. Dr. Wayan ‘Kun’ Adnyana, taler rawuh ngupasaksi sasolahan busana pakardin mahasisya, sepisan ngicen pamikukuh indik utsaha lan kaajegan ISI BALI sareng ngamiletin parikrama inucapo, anggen bantang geguwat nincapang raragragan lan rarikrikan anyar (kreativitas lan inovasi) para yowana ri sajeroning desain mode. (ISIBALI/Humas)
Institut Seni Indonesia Bali (ISI BALI) turut andil dalam gelaran Dekranasda Bali Fashion Week 2025 yang berlangsung pada Jumat (4/12) di Gedung Ksirarnawa, Taman Budaya Provinsi Bali. Ajang bergengsi yang diselenggarakan oleh Pemerintah Provinsi Bali ini merupakan wujud kolaborasi antara Dewan Kerajinan Nasional Daerah (Dekranasda) Bali dengan berbagai perangkat daerah, seperti Dinas Perindustrian dan Perdagangan, Dinas Pertanian dan Ketahanan Pangan, serta Dinas Koperasi dan UKM Provinsi Bali. Dalam kesempatan itu, ISI BALI menampilkan 10 karya busana hasil rancangan mahasiswa Program Studi Desain Mode. Koordinator Prodi Desain Mode, Dr. Tjok Istri Ratna CS, menjelaskan bahwa seluruh busana dirancang secara berkelompok dalam mata kuliah tailoring, dengan menggunakan Endek Bali sebagai material utama. Menariknya, para model yang memperagakan busana tersebut juga merupakan mahasiswa ISI BALI dari berbagai program studi.
Foto: ISI BALI tampil dalam Dekranasda Bali Fashion Week 2025, Jumat (4/12) di Gedung Ksirarnawa, Taman Budaya Provinsi Bali. Rangkaian kegiatan Bali Fashion Week 2025 resmi dibuka oleh Ketua Dekranasda Provinsi Bali, Ibu Putri Koster, Selasa (2/12). Dalam sambutannya, beliau menegaskan peran Dekranasda tidak hanya mengontrol kualitas karya, tetapi juga mendorong pengembangan sumber daya manusia di bidang fesyen dan kriya. Melalui peragaan busana dan pameran yang digelar, UMKM Bali diharapkan semakin mampu memperkuat kualitas produk sekaligus menumbuhkan jiwa kewirausahaan.
Ketua Harian Dekranasda Provinsi Bali yang juga Kepala Dinas Perindustrian dan Perdagangan Provinsi Bali, I Gusti Ngurah Wiryanata, mengatakan kegiatan ini memberikan manfaat langsung bagi para desainer maupun pelaku UMKM. Dengan mengusung tema “Wastra Hitakara”, yang bermakna keindahan sekaligus manfaat, pengunjung disuguhkan pengalaman one stop shopping yang menghadirkan perhiasan, kriya, kerajinan, hingga busana ready to wear karya para perajin lokal.
Rektor ISI BALI, Prof. Dr. Wayan ‘Kun’ Adnyana, turut hadir menyaksikan peragaan busana hasil karya mahasiswa, sekaligus memberikan dukungan atas partisipasi aktif ISI BALI dalam mendorong kreativitas dan inovasi generasi muda di bidang desain mode. (ISIBALI/Humas)
Foto: Penyerahan wantuan tunai marep para mahasisya ISI BALI sane katiben bencana Sumatera, Anggara (9/12) ring Kampus ISI BALI
Dosen lan pegawai Institut Seni Indonesia Bali (ISI BALI) sumanggem mupulang dana welas asih nyihnayang rasa kapariangenan marep ring krama sane keni panca baya Blabar Agung ring wawidangan Sumatra, utamin ipun Sivitas Akademika, ingihan punika mahasisya ISI BALI miwah kampus tiosan sane kapancabaya mekadi ring Aceh, Sumatera Utara, lan Sumatera Barat.
Dana punia sane kapupulang ngawit saking pinanggal 5 kantos 8 Desember 2025, sampun prasida mapikolih makwehnyane Rp122.455.000,-(satus dua likur yuta, samas seket lima tali rupiah). Dana punia puniki raris kasukserahang melantaran tigang geguat inggih punika: 1) katiwakang langsung marep 36 mahasisya ISI BALI sane pamngrawuhnyane mawit saking wewidangan sane ketiben pancabaya (daerah terdampak),makwehnyane Rp18.000.000,-(Plekutus yuta rupiah) soang-soang mahasisya narima marupa jinah Rp500 ribu (limangatus tali rupiah); 2) melantaran rekening Kementerian Pendidikan Tinggi, Sains, lan Teknologi Peduli seageng Rp75.000.000,-(telung benang yuta rupiah ; lan 3) melantaran rekening Infaq Sedekah ISI Padang Panjang-Sumatera Barat seageng Rp29.455.000,-(Sia likur yuta samas seket lima rupiah.
Foto: Penyerahan wantuan tunai marep mahasisya ISI BALI sane katiben Pancabaya Blabar Agung Sumatera, Anggara (9/12) di Kampus ISI BALI
Rektor ISI BALI Prof. Dr. Wayan ‘Kun’ Adnyana nyukserahang langsung wantuan jinah tunai marep ring 36 mahasisya ISI BALI sane pangrawuhnyane sakeng wewidangan sane ketiben pancabaya Sumatra, ring rahina Anggara (9/12) ring Kampus ISIBali. Dane mawosang “Dana punia puniki wantah cihna kaguyuban lan rasa kapariangenan dosen lan tenaga kependidikan (tendik) ISI BALI mantuke ring sasama wargi Nusantara sane katiben panca baya Blabar Agung Sumatera. Melarapan pangrastiti dumogi gelis mewali kadi jati mula, tur kramane mulatsarira metangi egar ngelanturang swadharma soang-soang tur bagia. Ring galah becik puniuki, titiang ngaturang suksamaning manah majeng ring angga dosen lan tendik ISI BALI sareng sami sane sampun saking lascarya mapunia.” Sukserah wantuan inucap taler kasarengin antuk Wakil Rektor Bidang Perencanaan, Keuangan, lan Umum, Dr. Made Jodog; Wakil Rektor Bidang Kemahasiswaan lan Kerja Sama, Prof. Komang Sudirga; Manggala Satuan Pengawas Internal, Dr. Made Bayu Pramana; miwah jejeran manggala Program Studi.
Prof. Kun Adnyana taler nguningayang rasa pariangen lan duhkita sane metu sakeng papusuh jeroning ati, mantuke ring sang palatra, taler ngaturang manah pariangen (bersimpati) mantuke ring kulawarga sane sedeng katiben pancabaya, sinambi ngerastiti dumoigi sang paltra landuh nyujur sunia, santa mapatungilan ring Ida Hyang Parama Wisesa /Tuhan Yang Maha Esa“ (ISIBALI/Humas)
Foto: Kunjungan Komisi Nasional Disabilitas RI lan Gerkatin Provinsi Bali, Jumat (5/12) Ring Ruang Nata Widya Sabha, ISI BALI.
Wakil Rektor Bidang Perencanaan, Keuangan, lan Umum Institut Seni Indonesia Bali (ISI BALI), Dr. I Made Jodog, nyanggra sapangrawuh Komisioner Komisi Nasional Disabilitas (KND) RI, Dr. Rachmita Maun Harahap, ST., M.Sn., Ring Rahina Sukra (5/12) ring Ruang Nata Widya Sabha ISI BALI.
Kunjungan puniki taler kamiletin manggala Gerakan untuk Kesejahteraan Tunarungu Indonesia (Gerkatin) Provinsi Bali, Staf Khusus KND RI Rafika Yanti, SKM. Taler prasida rawuh jejeran manggala ISI BALI, inggih punika Manggala Lembaga Penelitian dan Pengabdian kepada Masyarakat, Dr. Ketut Garwa, Wakil Dekan Bidang Kemahasiswaan dan Kerjasama Fakultas Seni Rupa dan Desain, Dr. Desi In Diana Sari, Manggala Program Studi Tari, Wayan Sutirtha, M.Sn., Manggala Desain Komunikasi Visual Gede Bayu Segara, M.Sn., Manggala Pokja Kemahasiswaan, Nyoman Wartana, miwah mahasisya tuna rungu (penyandang tuli), Putu Wahyu Putra Sudianta.
Sadu ajeng patemon memargi antar tur teleb sajeroning mligbagang indik nincapang utsaha nyangkepin napi sane dados pikobet para penyandang disabilitas ring Perguruan Tinggi. Silih sinunggil bantang babawosan sane mabuat inggih punika mligbagang pangrencana ngawentuk Unit Layanan Disabilitas pinaka wadah pendampingan, nyayagayang piranti sane dados pisarat mahasisya difabel, miwah nabdabin pusat koordinasi makudang layanan pendukung. Tiosansring punika, taler kabawosang indik asapunapi pidabdab nitenin nincapang inklusivitas, aksesibilitas, lan mutu layanan pendidikan ring ISI BALI.
Foto: Kunjungan Komisi Nasional Disabilitas RI lan Gerkatin Provinsi Bali, Jumat (5/12) Ring Ruang Nata Widya Sabha, ISI BALI.
Rikanjekan pemargin pabligbagan, silih sinunggil mahasisya tuna rungu, Putu Wahyu Putra Sudianta, kaicen galah nyobyahang pengalamannyane. Putu Wahyu, mahasiswa Program Magister Seni ISI BALI sane taler pinaka alumni S1 Seni Tari ring kampus sane pateh, nyaritayang asapunapi indik pikobet akademik sane kaparanin antuk ipun. Ipun nelatarang, inggih punika tugas-tugas kuliah sane mapiranti antuk nyurat pinaka pialang sane pinih mabuat. Indeike punika mawit sakeng tata cara basa sane kaanggen oleh sang tuna rungu mabinayan ring tata cara basa sane ketah keanggen antuk para jana sane sida mireng. Wicarane puniki seringan nenten kakantenang ring para janane. Yadyastun kadi asapunika, Putu Wahyu sampun prasida nginutin saurah arihnyane melarapan antuk utsaha dosen lan sawitrannyane. Palemahan paguruan sane someh taler ngewantu ipun werdhi lan ngelimbak, yata sajeroning pangweruh wiadin keasrian. Satwan ipun manados wimba asapunapi ayahan aguron-guron sebet inklusif lan gesit, urati ring pisarat sane dados pikobet mahasisya difabel.
ISI BALI nugesang satya wacana pacang ngelantur nincapang kautaman ayahan aguron-guron mantuke ring para mahasisya sami taler penyandang disabilitas, melarapan gotong royong saling tulung lan lan ayah-ayahan tan reredan mapaiketan sareng makudang sang sane pacang ngawigunayang (stakeholders). Parum puniki dados lampah mabuat ngungsi kampus sane sayan inklusif, someh, lan ngicenin galah asah mantuke ring mahasisya sami werdi lan jayanti. (ISIBALI/Humas).
Institut Seni Indonesia Bali (ISI BALI) ngukuhang kalih Guru Besar anyar malarapan antuk Inagurasi lan Sapa Publik Guru Besar Anyar “Karma-Citta-Waskita”, Anggara Pon Langkir pinanggal 2 Desember 2025 ring Auditorium Kirtya Sabha Mahottama, ISI BALI. Maka kalih professor anyar sane kakukuhang inggih punika Prof. Dr. I Gede Yudarta lan Prof. Dr. Ni Made Arshiniwati.
Rektor ISI BALI, Prof Dr Wayan ‘Kun’ Adnyana ring sajeroning pidartanyane nyobyahang kalih Profesor sane pinih anyar, inggih punika: Prof Dr I Gede Yudarta, ilmu/kepakaran Pengkajian Seni, malarapan antuk Keputusan Menteri Diktisaintek RI Nomor 43320/M/KPT.KP/2025 pinanggal 12 Oktober 2025, miwah Prof.Dr Ni Made Arshiniwati, ilmu/kepakaran Pengkajian Seni, malarapan antuk Keputusan Menteri Pendidikan Tinggi dan Teknologi Republik Indonesia Nomor 43317/M/KPT.KP/2025, pinanggal 12 Oktober 2025. Papat dosen Lektor Kepala sane sampun lulus uji kompetensi keprofesorannyane, wantah nyantos medal Surat Keputusan Menteri Diktisaintek RI. Malarapan antuk ngukuhang kalih guru besar anyar, ISI BALI mangkin sampun madrebe 23 Profesor saking 231 dosen tetap sane wenten ring ISI BALI. Pikolihang 10% Profesor puniki sane paling utama yening saihang sareng Perguruan Tinggi Seni ring Indonesia.
Prof Kun Adnyana ngawewehin pamargin makekalih professor anyar prasida ngamolihang Guru Besar puniki patut kadadosang sasuluh Dosen Lektor Kepala ISI BALI maka sami. Maka kalih Profesor anyar puniki sayan jemet mautsaha nagingin jurnal bereputasi, sapamargi sareng kawagedan akademik, taler nyumpunin dokumen pendukung madasar antuk paiketan kawagedan soang-soang anggen ngemajuang ISI BALI.
“Angayubagia, dinane mangkin, Anggara Pon Langkir pinanggal 2 Desember 2025, kalih profesor anyar kebanggaan ISI BALI, Prof. Yudarta miwah Prof. Arshiniwati sampun kainagurasi sapisanan kasobyahang ke para warga maka sami. Makakalih profesor puniki sampun ngabdi ring ISI BALI sawatara lintang saking 30 warsa, pinaka pakgukuh kemuliaan ISI BALI,”pangandikannyane.
Wakil Walikota Denpasar, I Kadek Agus Arya Wibawa, S.E., M.M, sane sampun prasida ngarawuhin tur nyaksinin micayang sambrama wacana ring galah pangukuhan guru besar puniki taler ngaturang suksmaning manah antuk kontribusi Prof. Yudarta miwah Prof. Arshiniwati ring sajeroning ngwerdiang miwah nglimbakang seni budaya Bali.
“Kami di Pemkot Denpasar sangat bangga dan terus berkomitmen untuk bersinergi dengan seluruh lembaga pendidikan, khususnya ISI Bali dalam mewujudkan Denpasar sebagai kota budaya, kreatif, dan berdaya saing global. Para guru besar yang baru dikukuhkan hari ini kami harapkan dapat menjadi obor pengetahuan yang menerangi perjalanan akademik mahasiswa, serta menjadi nakhoda pemikiran yang memandu perkembangan seni, budaya, dan ilmu pengetahuan Bali,” terangnya.
” Pemerintah Kota Denpasar dahat bangga lan tetep makomitmen pacang maprakanti sareng lembaga pendidikan makesami, pamekasnyane Institut Seni Indonesia (ISI) Bali, mangda prasida ngawujudang Denpasar pinaka kota sane madue budaya, kreatif, lan kompetitif global. Titiang ngaptiang mangda para profesor sane anyar sane wawu kakukuhang rahinane mangkin prasida dados sundih kawicaksanan sane prasida nyuluhang pamargin akademik mahasiswa , taler pinaka nahkoda pangidep sane prasida nuntun panglimbak seni, budaya miwah ilmu pengetahuann Bali”, teges dane.
Pada Sidang Senat Terbuka Inagurasi dan Sapa Publik Guru Besar Anyar ini, dua Profesor menyajikan orasi ilmiah, Prof. Yudarta mendedahkan Orasi “Modal Budaya dan Kooptasi Simbolik dalam Kontestasi Musik Nyongkolan di Lombok: Perspektif Pengkajian Seni” dan Prof. Arshiniwati, mempresentasikan Orasi “Tari Kirana Rasmi: Ekspresi Budaya dalam Seni”.
Ring Sidang Senat Terbuka Inagurasi lan Sapa Publik Guru Besar Anyar puniki, maka kalih profesor nguncarang orasi ilmiah, Prof. Yudarta antuk orasi ipun “Modal Budaya dan Kooptasi Simbolik dalam Kontestasi Musik Nyongkolan di Lombok: Perspektif Pengkajian Seni” lan Prof. Arshiniwati, ngaturang Orasi “Tari Kirana Rasmi: Ekspresi Budaya dalam Seni”.
Foto: Parikrama Wisata Adhyapaka Wara ring Taman Wisata Jatiluwih, Tabanan, Rahina Anggara (25/11).
Institut SeniIndonesia Bali (ISI BALI) malih pisan ngamargiang parikrama Wahana Adhyapaka Wara (Pembinaan Kapasitas), Saniscara-Wraspati (24-27/11), ring Kampus ISI BALI miwah Objek Wisata Jatiluwih (DTW), Tabanan. Parikrama sane mamurda “Bhakti-Bhuwana-Bhakta (Ngicenin Jagat Pengagungan)”, pinaka sarana strategis anggen ngukuhang karakter, solidaritas, miwah komitmen masyarakat akademik sajeroning ngamargiang akademisi sane ngayahin, madue dampak, miwah sayaga nyawis dinamika masa.
Ketua Panitia, Dr.Made Bayu Pramana, ring laporannyane nguningayang parikrama Peningkatan Kemampuan warsa puniki kasarengin olih 80 diri pamilet sane kawangun antuk pimpinan, dosen, miwah staf pendidikan (tendik) ISI BALI. Makasami pamilet kakepah dados dasa sekaa (kelompok), inggih punika Kelompok Kuas, Kipas angin, Panggul, Layar, Kamera, Pensil, Kanvas, Pahat, Seruling, miwah Kelompok Ukiran. Parikrama puniki taler kadukung olih 20 diri panitia sane makarya intensif ngawit saking tahap persiapan ngantos tahap pelaporan.
Foto: Sosialisasi miwah parikrama pokjar majeng ring Rangkaian Wahana Adhyapaka Wara ring Ruang Vicon ISI BALI, Saniscara (24/11).
Sampun petang rahina, pamilet ngamargiang pelatihan sane akehnyane 50 jam malarapan antuk makudang-kudang parikrama sane ngukuhang aspek fisik, mental, kepemimpinan, spiritualitas, miwah kreativitas. Makudang-kudang agenda sane kamargiang minakadi latihan semeng, pemeriksaan kesehatan, pembukaan lan presentasi Rektor ISI BALI, sosialisasi Pengelolaan Keuangan Negara Berdampak olih BPKP Provinsi Bali, sesi refleksi lan proyeksi “Dampak ISI BALI”, workshop kepemimpinan, Workshop Mars lan Hymne IS Bali, api unggun kebersamaan, doa lan persembahyangan, miwah makudang-kudang parikrama lapangan ring Jatiluwih minakadi Penjelajahan Arah miwah Penjelajahan Jejak Jatiluwih. Tiosan punika, pamilet nyarengin sesi Bhuwana Manah sane mencakup update LED, penyusunan peta bisnis, miwah studi akademik, kawewehin antuk workshop lukisan, Tirtha Yatra, Acara Sambung Ujung, miwah seminar manajemen pengelolaan daya tarik wisata.
Foto: Parikrama Api Unggun Kebersamaan ring rangkaian Kegiatan Wahana Adhyapaka Wara ring Lapangan Widya Mahardika ISI BALI, Saniscara (24/11), wengi.Pamargin Wahana Adhyapaka Wara 2025 kaaptiang prasida ngalimbakang mentalitas anyar sane sayan responsif sajeroning ngayah, sayan kreatif, miwah sayan berorientasi majeng ring dampak nyata majeng ring lembaga miwah krama. Semangat kebersamaan sane kapiara rikala parikrama punika taler ngukuhang paiketan para pemimpin, dosen, miwah staf pendidikan sajeroning ngawujudang ISI BALI pinaka Institut Seni sane unggul lan bermartabat.
Foto: Sesi Bhuwana Manah ring Parikrama Wahana Adhyapaka Wara ring Objek Wisata Jatiluwih, Tabanan, Buda (26/11).
Ri tepengan puniki, kewetuang Buku Suci ISI BALI, sane madaging mantra pengagungan sane dados sesuluh anggen ngadungang persepsi makasami krama, taler kamedalang taler Buku Saku Visi Dampak ISI BALI, sane nguningayang cita-cita sane luhur indik panglimbak lembaga punika benjang pungkur. Ketua Panitia muputang laporannyane antuk rasa suksma lan nunas ampura antuk kakirangan sane wenten salami parikrama, sinambi taler ngaturang pangapti mangda nilai-nilai sane sampun kaplajahin prasida terus kahuripang lan kalaksanayang olih makasami pamilet. (ISIBALI/Hubungan Masyarakat)
