Foto: Pameran Bali–Dwipantara Adirupa VI mairah-irah “Rupa Jnana Rasmi: Pendar Mahaindah Karisma Pengetahuan”, Buda (26/8) ring Nata-Citta Art Space, ISI BALI.
Institut Seni Indonesia Bali (ISI BALI) mewali ngawentenang ruang perjumpaan majeng para perupa lan desainer majalaran Pameran Bali–Dwipantara Adirupa VI mairah-irah “Rupa Jnana Rasmi: Pendar Mahaindah Karisma Pengetahuan”. Pameran sane pinaka rangkaian program Bali Sangga Dwipantara VI puniki kabukak secara resmi ring Buda (26/8) ring Nata-Citta Art Space, ISI BALI, lan jagi kalaksanayang nganti 25 September 2026.
Pameran kabukak olih Ida Bagus Sidharta Putra, maesenas sekaligus pecinta seni, serta kadatengin olih Rektor ISI BALI Prof. Dr. Wayan ‘Kun’ Adnyana, para perupa lan desainer, sivitas akademika, pemerhati seni, serta undangan lianan. Kawentenan pameran puniki dados bagian saking usaha ISI BALI antuk setata ngewangsitang ekosistem seni sane ngatetukang praktik penciptaan, kaweruhan, kreativitas, lan apresiasi publik.
Ngunggahang tema “Rupa Jnana Rasmi” sane kamaknai pinaka “Pendar Mahaindah Karisma Pengetahuan”, pameran puniki ngeksplorasi hubungan pantaraning rupa lan kaweruhan majalaran makudang-kudang karya seni visual. Rupa nenten ja wantah kagenahang pinaka bentuk estetik, nanging taler pinaka medium antuk merefleksikan pengalaman, gagasan, tradisi, kalimbakannyane teknologi, serta makudang-kudang persoalan sane wenten ring kauripan sehari-hari.
Foto: Pameran Bali–Dwipantara Adirupa VI mairah-irah “Rupa Jnana Rasmi: Pendar Mahaindah Karisma Pengetahuan”, Buda (26/8) ring Nata-Citta Art Space, ISI BALI.
Kurator pameran, Arif B. Prasetyo, Warih Witsastana, lan Ni Wayan Idayati, ngimpungang karya-karya sane nyihnayang keberagaman perspektif lan pendekatan artistik. Arif B. Prasetyo ring sambutan kuratorial ngasampang bahwasanya Pameran BALI–DWIPANTARA ADIRUPA VI warsa puniki kasarengin 147 perupa lan desainer sane menghadirkan 117 karya.
Manut Arif, karya-karya sane katampilang memargi saking beragam latar penciptaan lan cara pengolahan medium. Keragaman punika sekaligus mencerminkan pengalaman personal maupun kolektif para seniman, serta persinggungan antuk tradisi, teknologi, lan dinamika persoalan keseharian. Antuk sapunika, pameran dados ruang antuk ngacingin sapunapi kaweruhan lan pengalaman dados katerjemahang nanjing ring bahasa rupa sane beragam.
Rektor ISI BALI, Prof. Dr. Wayan ‘Kun’ Adnyana, ngawangiang mabuatnyane ruang pamer pinaka wahana apresiasi. Manut dané, apresiasi ring dasarnyane bertumpu ring semangat persahabatan utawi brotherhood, sane lantas bertemali antuk pertukaran ide lan gagasan.
“Ruang pameran inggih punika wahana apresiasi. Apresiasi dasarnyane inggih punika persahabatan, brotherhood. Persahabatan sane bertemali antuk ide-ide ngawenang makasami bergerak, makasami hidup,” atur Prof. Kun.
Dané ngewehin, ruang pamer nenten ja wantah dados genah antuk menampilkan karya, nanging taler dados ruang perjumpaan sane ngalungang seniman, akademisi, masyarakat, lan makudang-kudang pemangku kepentingan seni antuk saling bertukar gagasan. Saking perjumpaan punika, seni kaabih setata tumbuh, bergerak, lan ngicenin dampak sane luwih amba majeng kauripan masyarakat.
Sajabaning punika, Ida Bagus Sidharta Putra ngapresiasi konsistensi ISI BALI ring menghadirkan ruang-ruang seni sekaligus ngambil peran ring pelestarian lan promosi seni serta budaya Bali. Manut dané, kawentenan institusi pendidikan seni madue posisi strategis ring ngerajegang kalanggengan kekayaan seni budaya Bali di tengah perkembangan zaman.
Pameran BALI–DWIPANTARA ADIRUPA VI dados silih tunggil usaha ISI BALI ngewangsitang ekosistem seni majalaran pertemuan pantaraning penciptaan, kaweruhan, lan apresiasi. Antuk nyarengang ratusan perupa lan desainer serta menghadirkan karya-karya saking beragam latar penciptaan, pameran puniki kaabih ngebak ruang dialog sane luwih amba indik kalimbakannyane seni visual sekaligus ngewangsitang posisi Bali pinaka ruang mabuat majeng pertumbuhan lan perjumpaan seni.
Foto:Workshop Survey, Statistik, lan Pelacakan Alumni ring Ruang Vicon ISI BALI, Sukra (21/8).
Institut Seni Indonesia Bali (ISI BALI) ngamargiang Workshop Survey, Statistik, lan Pelacakan Alumni pinaka pahan saking parikrama Program Bali Citta Samasta (Festival Seni Alumni) Warsa 2026. Parikrama puniki kalaksanayang ring Ruang Vicon ISI BALI, Sukra (21/8), tur karauhin olih papucuk pimpinan ISI BALI, koordinator program studi, sapunika ugi tim survei.
Workshop kabungkah olih Wakil Rektor Bidang Akademik lan Sistem Informasi ISI BALI, Prof. Dr. AA Gde Bagus Udayana. Parikrama puniki ngarauhang Statistisi Ahli Madya BPS Provinsi Bali, Dewa Ayu Eka Sumarningsih, SST, SAB, M.Stat., kasarengin Kepala Pusat Survey lan Statistik ISI BALI, I Nyoman Payu Yasa, S.Pd., M.Pd., sapunika ugi Kepala Bagian Umum LPMPP ISI BALI, I Gede Indra Suwija Putra, S.H., pinaka narasumber.
Kepala Lembaga Penjaminan Mutu dan Pengembangan Pembelajaran (LPMPP) ISI BALI, Prof. Dr. I Wayan Setem, ring laporan dane nlantarang indik Bali Citta Samasta puniki pinaka silih tunggil wangun pamargin misi ISI BALI liatin Astha Mahacitta Bali. Pamarginipun nuju ring ketentuan Pasal 4 Peraturan Menteri Pendidikan Tinggi, Sains, lan Teknologi Nomor 50 Warsa 2025 indik Statuta Institut Seni Indonesia Bali, sapunika ugi manut ring regulasi indik pelacakan alumni utawi tracer study ring wewidangan ISI BALI.
Manut dane, Bali Citta Samasta karancang pinaka genah interaksi sapunika ugi sarana kolaborasi pantaraning ISI BALI lan para alumninipun. Liatin parikrama punika, kampus nenten wantah ngwangun gatra/jejaring ring para lulusan, nanging ugi ngukuhang sistem pendataan lan pelacakan alumni pinaka pahan mabuat ring ngukur kasuksesan pendidikan tinggi.
“Pamargin Bali Citta Samasta matatujon maicen genah interaksi lan sarana kolaborasi pantaraning ISI BALI lan alumni sane pungkasanipun nuju ring pemenuhan IKU 2,” baos Prof. I Wayan Setem.
IKU 2 mapaiketan ring persentase lulusan pendidikan tinggi sane ring amasa awarsa risampunne lulus sampun mekarya, berwirausaha, utawi nglanturang studi, ngranjing lulusan sane sampun mekarya utawi berwirausaha sadurung muasangan pendidikan. Santukan punika, kepastian (akurasi) data alumni lan pamargin tracer study dados pahan mabuat ring ngukuhang pencapaian indikator punika prasida kaukur antuk becik.
Selanturnyane, Bali Citta Samasta ugi kadiapanin prasida maicen kontribusi majeng penyusunan Laporan Pemenuhan Indikator Dampak Sosial, Ekonomi, lan Lingkungan Perguruan Tinggi ring wewidangan Kementerian Pendidikan Tinggi, Sains, lan Teknologi. Kontribusi punika minakadi mapaiketan ring dampak sosial liatin pendidikan inklusif lan afirmasi, sapunika ugi dampak ekonomi sane ngranjing kontribusi ekonomi saking mahasiswa lan krama sane rauh utawi malancaran nuju perguruan tinggi maupun parikrama sane kalaksanayang olih perguruan tinggi.
Tiosan ring punika, parikrama puniki ugi katatujonang anggen ngukuhang ekosistem kewirausahaan lan spin-off/start-up sane ngamolihang sokongan utawi fasilitasi saking perguruan tinggi. Antuk punika, kawentenan alumni kadiapanin nenten marupa hubungan risampunne lulus wantah, nanging nglimbak dados jejaring sane maicen dampak majeng institusi, alumni, krama, lan perekonomian.
Ring sambutan dane, Prof. Dr. AA Gde Bagus Udayana ngatasang mabuatnyane pengelolaan data sane akurat pinaka dasar nentenang kebijakan akademik lan panglimbakan institusi. Dane ngabiapara mangda workshop puniki prasida nginggilang kapasitas tim survei lan program studi ring ngamargiang pengumpulan, pengolahan, analisis, lan pemanfaatan data alumni secara sistematis.
Dane ugi ngrangsang mangda pelacakan alumni nenten kacingak wantah pinaka kewajiban administratif anggen ngagingin indikator kinerja, nanging dados instrumen strategis majeng ISI BALI anggen uning ring relevansi pendidikan kalawan kaperluan dunia kerja, panglimbakan karier lulusan, sapunika ugi kontribusi alumni ring tengahing krama.
Liatin workshop puniki, ISI BALI kadiapanin sayan prasida ngwangun sistem survey lan pelacakan alumni sane terintegrasi, akurat, lan berkelanjutan. Data sane kawetu selanturnyane dados pijakan ring nginggilang kualitas papelajaran, ngukuhang hubungan kalawan alumni, sapunika ugi nitenin kawentenan ISI BALI pinaka kampus berdampak sane maicen mupakat nyata majeng krama.(ISIBALI/Humas)
Poto: Upacara bendera ngingetang HUT ke-81 Kemerdekaan RI ring Lapangan Widya Mahardika ISI BALI, Soma (17/8).
Institut Seni Indonesia Bali (ISI BALI) ngamargiang upacara bendera ngingetang Hari Ulang Tahun (HUT) ke-81 Kemerdekaan Republik Indonesia ring Lapangan Widya Mahardika ISI BALI, Soma (17/8). Ngambil tema “Indonesia Berdaulat, Adil, dan Makmur”, upacara mamargi khidmat miwah kasarengin olih jajaran pimpinan ISI BALI, dosen, tenaga kependidikan, taler mahasiswa.
Rektor ISI BALI, Prof. Dr. Wayan ‘Kun’ Adnyana, bertindak pinaka pembina upacara mawijil ngaturang amanat Menteri Pendidikan Tinggi, Sains, dan Teknologi. Sajeroning amanat punika kategasang indik perguruan tinggi madue peran strategis sajeroning ngalanturang cita-cita kemerdekaan miwah nyiayang masa depan Indonesia.
Poto: Upacara bendera ngingetang HUT ke-81 Kemerdekaan RI ring Lapangan Widya Mahardika ISI BALI, Soma (17/8).
Kemerdekaan Indonesia sane sampun kamargiang antuk kewantenan, pengorbanan, pasikian, taler getih miwah toya mata para pahlawan, dados tanggung jawab generasi mangkin sajeroning kaisiin antuk karya keras miwah karya nyata. Perguruan tinggi kaaptiang nenten wantah dados genah pendidikan, sakewanten taler nyarengin dados kekuatan mabuat sajeroning ngawujudang Indonesia sane berdaulat, maju, adil, makmur, miwah kasumbung ring dunia.
Sajeroning amanat punika, pemerintah setata ngukuhang makudang-kudang fondasi pembangunan nasional, kakawitin saking ketahanan pangan miwah energi, ngelimbakang layanan pendidikan miwah kesehatan, ngatutang tata kelola, kantos hilirisasi miwah industrialisasi. Ring tengahing makudang tantangan sane kantun kaadapin, perguruan tinggi kadorong mangda ngambil peran aktif ngliwatin penglimbakan talenta, riset, inovasi, teknologi, taler pemikiran sane mampun masahaut kebutuhan bangsa.
Perguruan tinggi, lantur amanat punika, nenten cukup wantah ngasilang lulusan miwah ngewentenang gelar. Kampus patut dados ruang embasnyane sumber daya manusia sane unggul miwah berintegritas, ngawasain ilmu pengetahuan, tresna ring bangsa, taler madue keberanian ngambil tanggung jawab majeng pamajuan Indonesia. Riset miwah inovasi taler kaaptiang nenten berhenti ring laporan utawi publikasi semanten, sakewanten dados nglimbak dados prototipe, paten, produk, teknologi, miwah solusi sane ngewentenang manfaat nyata majeng krama.
Sajeroning konteks punika, perguruan tinggi taler madue peran mabuat sajeroning nuntun kemandirian bangsa ring bidang sains, teknologi, miwah industri. Kampus kaaptiang mampu ngembasang makudang inovasi miwah talenta sane dados ngukuhang daya saing Indonesia, sekaligus ngembakang peluang kawentenan lapangan kerja berkualitas miwah industri anyar.
Amanat Menteri Pendidikan Tinggi, Sains, dan Teknologi taler menekang mabuatnyane kolaborasi. Perguruan tinggi patut ngewangun sinergi sareng pemerintah, industri, BUMN, pemerintah daerah, lembaga riset, taler krama. Binan disiplin ilmu, latar belakang, utawi wawidangan nenten sepatutnyane dados penghalang, sakewanten dados kekuatan sajeroning ngamolihang tujuan masikian, inggih punika pamajuan Indonesia.
Aptian ageng punika magenah ring pundak makasami sivitas akademika. Pimpinan perguruan tinggi madue tanggung jawab makta kampus dados kekuatan pembangunan bangsa, sawetara guru besar, dosen, peneliti, miwah tenaga kependidikan madue peran sajeroning ngajegang marwah keilmuan, ngajahin generasi penerus, ngasilang riset sane relevan, taler nitenin pamargi pendidikan tinggi mamargi antuk becik.
Mahasiswa pinaka generasi penerus taler ngamolihang perhatian khusus. Dania kadorong mangda berani mencoba, meneliti, menciptakan, miwah ngewangun sesuatu sane anyar. Ilmu pengetahuan sane kaamolihang ring perguruan tinggi kaaptiang nenten wantah kanggen majeng keberhasilan pribadi semanten, sakewanten taler ngewentenang manfaat majeng krama, bangsa, miwah negara.
Majeng ISI BALI pinaka perguruan tinggi seni, semangat punika dados dorongan mangda setata genahang kreativitas, ilmu pengetahuan, inovasi, miwah karya seni pinaka pahan saking kontribusi majeng pembangunan Indonesia. Seni miwah kreativitas madue ruang mabuat sajeroning ngewangun karakter, ngukuhang identitas budaya, sekaligus ngembasang gagasan miwah karya sane mampu ngewentenang nilai tambah majeng krama.
Sasampun pamargi upacara, rangkaian peringatan HUT ke-81 Kemerdekaan RI ring ISI BALI kalanturang antuk pasuecan makudang penghargaan pinaka wangun apresiasi majeng pengabdian miwah prestasi sivitas akademika.
Penghargaan Satyalancana Karya Satya kaserahang majeng dosen miwah tenaga kependidikan ISI BALI pinaka wangun penghargaan majeng dedikasi miwah pengabdian sajeroning ngamargiang tugas pinaka aparatur negara. Penghargaan punika dados simbol apresiasi majeng loyalitas, integritas, miwah pengabdian sane sampun katur sajeroning ngadukung pamargi pendidikan tinggi ring ISI BALI.
Salihan punika, penghargaan Sewaka Mahabakti Nugraha katur majeng dosen miwah tenaga kependidikan ISI BALI sane sampun ngeranjing masa purnabakti. Penghargaan puniki dados wangun penghormatan miwah apresiasi institusi majeng pengabdian sane sampun katur sajeroning ngamargiang tugas miwah dados pahan saking pamargi ISI BALI.
Apresiasi taler katur majeng mahasiswa ngliwatin penghargaan Mahasiswa Nata Kerthi Nugraha majeng mahasiswa berprestasi. Penghargaan punika dados wangun pengakuan majeng capaian miwah kontribusi mahasiswa, sekaligus ngewentenang motivasi mangda generasi muda ISI BALI setata nglimbakang potensi, kreativitas, prestasi, miwah karya sane makta aran becik almamater. (ISIBALI/Humas)
Foto: Yudisium Program Magister Semester Genap Tahun Akademik 2025/2026 ring Ruang Vicon, Gedung Citta Kelangen ISI BALI, Anggara (11/8).
Program Pascasarjana Institut Seni Indonesia (ISI) Bali ngalaksanayang Yudisium Program Magister Semester Genap Tahun Akademik 2025/2026 ring Ruang Vicon, Gedung Citta Kelangen ISI BALI, Anggara (11/8). Parikrama yudisium puniki ngambil tema “Weruh-Ranu-Wangi, Pengetahuan Mengalir Mewangi”.
Akeh lulusan sané nyarengin yudisium ring tahun akademik puniki wénten 60 diri mahasiswa Program Magister. Para lulusan punika kawangun saking 28 lulusan Program Studi Seni Program Magister, 15 lulusan Program Studi Desain Program Magister, 10 lulusan Program Studi Pendidikan Seni Program Magister, miwah 7 lulusan Program Studi Tata Kelola Seni Program Magister.
Direktur Program Pascasarjana ISI Bali, Nyoman Dewi Pebryani, ST., MA., Ph.D., sajeroning sambutannyané ngaturang rahajeng majeng makasami lulusan Magister. Dane mawasana mangda kawruhan (kawikanan) sané katatami sajeroning masekolah ring ISI Bali prasida terus ngaler-ngulon kalawan ngicenin kalihan (kegunaan) majeng krama akeh.
“Weruh” sajeroning tema yudisium puniki kaartayang pinaka kawruhan sané kapanggih sajeroning masa studi. Kawruhan punika kaaptiang setata ngalergang keberlimpahan miwah kalihan majeng krama, sakadi arti “Ranu”, miwah ngaba mawa wangi utawi “Wangi” kantos ring genah sané sayan jimbar.
Foto: Yudisium Program Magister Semester Genap Tahun Akademik 2025/2026 ring Ruang Vicon, Gedung Citta Kelangen ISI BALI, Anggara (11/8).
Salanturnyané, parikrama yudisium puniki kabungkah olih Wakil Rektor Bidang Akademik lan Sistem Informasi ISI Bali, Prof. Dr. Anak Agung Bagus Udayana, S.Sn., M.Si. Sajeroning sambutannyané, dane maosan mangda para lulusan Magister setata ngewangun kolaborasi miwah setata ngicen kontribusi masiyahan ring almamater ngalintangin jejaring alumni.
Manut dané, jejaring alumni sané kukuh prasida dados pahan mabuat sajeroning ngukuhang kahanan lan panglimbak Program Pascasarjana ISI Bali ring masa sané pacang rauh.
Samentara punika, piteket miwah rasa saking perwakilan mahasiswa katureksayang olih Ni Wayan Yuliani, mahasiswa Program Magister Tata Kelola Seni sané lebih kauningin antuk parab Ayu Saraswati. Sajeroning pidatonyané, Ayu Saraswati ngandikayang indik pengalaman masekolah Magister ring ISI Bali ngicenin pahan wénten pabuat (perubahan) sané lumaksana, pinih mabuat ring tata cara pikayunan lan ngewatara pinedar (pikir lan gagasan).
Kawruhan miwah pengalaman sané kapanggih sajeroning masa studi nenten wantah ngundahang kemampuan akademik, sakewanten taler ngicenin panglimbak sajeroning ngemanggahang pinedar antuk tulisan utawi ngundahang katekepan komunikasi.
Parikrama yudisium puniki taler kasarengin olih para pejabat struktural ring lingkungan ISI Bali miwah dosen pembimbing Program Pascasarjana ISI BALI. Kahanan para pimpinan, pejabat struktural, lan dosen puniki dados pahan mabuat sajeroning ngicen panyokong miwah apresiasi majeng para lulusan sané sampun ngewusang proses pendidikan ring jenjang Magister.
Yudisium Program Magister ISI Bali Semester Genap Tahun Akademik 2025/2026 puniki dados momentum mabuat majeng para lulusan antuk mamargi ring jenjang salanturnyané. Antuk bekel kawruhan, pengalaman, lan jejaring sané kapanggih sajeroning masekolah, para lulusan kaaptiang prasida ngawentenang kalihan majeng krama miwah ngaba parab melah ISI Bali ring makudang genah pengabdian lan profesional.(ISIBALI/Humas)
Foto: Inagurasi Mahasiswa Anyar ISI BALI ring Panggung Terbuka Nretya Mandala ISI BALI, Anggara (11/8).
Institut Seni Indonesia Bali (ISI BALI) ngalaksanayang inagurasi majeng 1.121 mahasiswa anyar Tahun Akademik 2026/2027 ring parikrama sané memurda “Carma-Jnana-Cita (Karisma Cita-Cita Mulia)” sané memargi ring Panggung Terbuka Nretya Mandala ISI BALI, Anggara (11/8). Pengesahan mahasiswa anyar puniki katandain antuk nganggenang jas almamater majeng perwakilan mahasiswa saking 19 program studi ring jenjang Sarjana lan Sarjana Terapan olih Rektor ISI BALI, Prof. Dr. Wayan ‘Kun’ Adnyana.
Rektor ISI BALI, Prof. Dr. Wayan ‘Kun’ Adnyana, ring sambutannyané ngaturang rahajeng rauh majeng sami mahasiswa anyar. Ida ngelingang indik ngranjing ring jenjang perguruan tinggi punika pinaka fase mabuat ring sajeroning kauripan, duaning mahasiswa ngawit ngranjing ring yusa sané sayan kelih, kalawan tanggung jawab sané sayan ageng.
Dane maosang ISI BALI puniki pinaka genah antuk ngembangang talenta lan ngemulihang katekuhan katekepan (keterampilan) mahasiswa kantos tumbuh dados pribadi sané kelih lan sadia ngicen kontribusi ring tengahing masyarakat. Mantuka ring punika, mahasiswa kaaptiang nenten wantah nggegep capaian akademik, sakewanten taler ngewangun karakter, kedisiplinan, lan tanggung jawab sajeroning ngemargiang proses pendidikan.
“ISI BALI dados genah ngembangang talenta lan ngemulihang skill kantos kelih. ISI BALI dados pahan saking perjuangan. Yusa sané sayan kelih maarti tanggung jawab iraga majeng krama akeh taler sayan ageng,” asapunika pangandikan dané.
Manut Prof. Kun Adnyana, tetatan antuk nempuh pendidikan ring ISI BALI punika pahan saking pemargi soang-soang mahasiswa. Ida ngajak mahasiswa anyar mangda ngandayang pamargi puniki pinaka momentum antuk mekarya lan berkompetisi secara sehat sajeroning ngemajuang seni, desain, lan inovasi digital.
“Pilih ISI BALI punika pinaka pinih sané diamatangkas olih semesta. Ngiring mablegan antuk kemajuan seni, desain, lan inovasi digital. Puniki karma baik iraga sareng sami kantos prasida matemu ring ISI BALI,” asapunika dané ngandikayang.
Foto: Inagurasi Mahasiswa Anyar ISI BALI ring Panggung Terbuka Nretya Mandala ISI BALI, Anggara (11/8).
Ring tahun akademik 2026/2027, ISI BALI taler ngereka kahanan kalih program studi anyar sané kapertama ngawit ngeranjingang mahasiswa. Kalih program studi punika inggih punika Program Studi Bahasa dan Kebudayaan Inggris antuk 28 mahasiswa lan Program Studi Pendidikan Vokasional Tata Rias antuk kutus (8) mahasiswa.
Antuk wewehan kalih program studi punika, ISI BALI terus ngalembangang ruang pendidikan sané nenten wantah berfokus ring bidang seni, sakewanten taler ngewaliang perkembangan kebutuhan keilmuan lan dunia kreatif sané sayan mawarna.
Akeh mahasiswa anyar ISI BALI warsa puniki taler ngalestariang peningkatan kabandingang warsa sadurungnyané. Ring warsa 2025, akeh mahasiswa anyar katercatat 1.043 diri, sedangkan ring warsa 2026 meningkat dados 1.121 diri. Akeh punika meweh 78 mahasiswa utawi sekitar 7,5 persen kabandingang warsa sadurungnyané.
Peningkatan akeh mahasiswa anyar punika dados silih tunggil gambaran sayan agengnyané minat majeng pendidikan sané katurang olih ISI BALI. Kahanan mahasiswa saking makudang-kudang latar belakang taler ngasriang ekosistem akademik lan kreativitas kampus sajeroning ngembangang seni, budaya, desain, lan inovasi.
Foto: Inagurasi Mahasiswa Anyar ISI BALI ring Panggung Terbuka Nretya Mandala ISI BALI, Anggara (11/8).
Parikrama inagurasi mahasiswa anyar puniki dados pahan saking rangkaian Pengenalan Kehidupan Kampus bagi Mahasiswa Baru (PKKMB) ISI BALI sané memargi ring tanggal 11–12 Agustus 2026. Sasampun punika, rangkaian penyambutan mahasiswa anyar kalanjutang antuk Student Day ring tanggal 13 Agustus 2026.
Sajeroning kegiatan PKKMB, mahasiswa anyar kaasriang antuk lingkungan kampus, tata kehidupan akademik, fasilitas, lan makudang-kudang sistem layanan sané wénten ring ISI BALI. Taler kaicen pembekalan saking makudang narasumber indik etika mahasiswa, bela negara, sistem terintegrasi ISI BALI, lan makudang materi lianan sané mabuat ring kauripan lan pengembangang diri pinaka mahasiswa.
Rangkaian kegiatan punika dados pemargi kapertama majeng 1.121 mahasiswa anyar antuk uning lingkungan akademiknya sekalian ngawiti pemargi pendidikan ring ISI BALI. Antuk semangat Carma-Jnana-Cita, ipun kaaptiang prasida tumbuh dados generasi sané nenten wantah maderbe kompetensi, sakewanten taler menjunjung tanggung jawab, ketekunan, lan cita-cita mulia sajeroning mekarya lan ngicen kontribusi majeng krama.(ISIBALI/Humas)
Poto: Diseminasi Penelitian, Penciptaan, miwah Diseminasi Seni-Desain (P2DSD) Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Institut Seni Indonesia Bali (ISI BALI) mawali nategasang komitmennyane sajeroning nglimbakang seni mawasana riset liwar pamargi Diseminasi Penelitian, Penciptaan, dan Diseminasi Seni-Desain (P2DSD) Warsa 2026. Ngambil momentum peringatan 100 Warsa Rarud Batur, ISI BALI ngaturang tiga karya pikolih penelitian miwah penciptaan seni, inggih punika Fragmen Tari Anyar “Ranu Saraswati Rena”, Tari Tengklung Kebah, miwah komposisi musik “Cipta Gamelan Saraswati”, sane kasolahang ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Maka tiga karya punika dados wangun diseminasi pikolih penelitian taler pinaka cihna pasedok miwah pasupati ring sejarah, spiritualitas, miwah sugih kawruhan krama Batur sane setata lestari kantos mangkin. Pergelaran puniki dados pahan saking parikrama peringatan 100 Warsa Rarud Batur, asiki momentum mabuat pisan pinih ngelingang satunggal abad gingsirnyane krama Desa Adat Batur saking wawidangan Batur Let nuju Batur Karangan Anyar sangkanin letusan ageng Gunung Batur ring Agustus 1926.
Poto: Rektor ISI BALI, Prof. Dr. Wayan ‘Kun’ Adnyana ngaturang sambutan sajeroning P2DSD Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Rektor ISI BALI, Prof. Dr. Wayan ‘Kun’ Adnyana, maosan indik wawidangan Batur punika mabuat pisan pinaka pancer kawruhan sane setata ngalir sekadi Toya Danu Batur. Kawruhan punika nenten wantah maurip sajeroning tradisi krama, sakewanten taler dados wit inspirasi majeng nglimbakang ilmu pengetahuan, penelitian, miwah penciptaan seni ring ISI BALI.
“ISI BALI ngelestariang miwah memuliakan kawruhan sane sanget sugih sekadi toya aliran Danau Batur. Kawruhan punika setata ngalir miwah ngalun ka makudang-kudang wawidangan, kaasuh dados wit inspirasi majeng ISI BALI,” asapunika pikarsannyane.
Manut Prof. Kun Adnyana, ngliwatin Program Diseminasi Penelitian, Penciptaan, dan Diseminasi Seni-Desain (P2DSD) Warsa 2026, ISI BALI ngamargiang petang judul penelitian sane nyarengang kirang langkung 175 diri, kawangun saking dosen, tenaga kependidikan, miwah mahasiswa. Petang penelitian punika kadulurin utawi kaledangang olih Prof. Dr. Wayan Suardana, Dr. Made Kartawan, Wayan Diana Putra, M.Sn., miwah AA Ayu Mayun Artati, M.Sn.
Poto: Diseminasi Penelitian, Penciptaan, dan Diseminasi Seni-Desain (P2DSD) Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Sida kategasang indik makasami karya sane kaaturang puniki dados wangun pemaknaan majeng embasnyane peradaban anyar krama Batur tan ngalempas saking hulunyane sane sampun kawangun saking taliang warsa sane sampun lintang ring Batur Let. Manut ida, ISI BALI madue ikatan sekala miwah niskala sareng Batur sane setata karawat ngliwatin pendidikan, penelitian, penciptaan, miwah pengabdian majeng krama.
Prof. Kun Adnyana taler nguningayang indik ISI BALI menyucikan sesuhunan “Ratu Ayu Mas Membah”, asiki tapel karya maestro Cok Alit Artawan sane kagawenang saking kayu Pura Dalem Serongga, silih tunggil pasihan Batur. Sesuhunan punika dados simbol sane diinternalisasikan olih sivitas akademika ISI BALI pinaka wit inspirasi mangda setata berkarya secara kreatif taler ngedalemang khazanah kawruhan warisan leluhur.
Poto: Diseminasi Penelitian, Penciptaan, dan Diseminasi Seni-Desain (P2DSD) Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Jro Penyarikan Duuran Batur ngaturang suksma miwah apresiasi majeng ISI BALI atang partisipasinyane sajeroning ngewangsit peringatan 100 Warsa Rarud Batur liwar karya-karya seni mawasana penelitian. Manut dane, gingsirnyane Desa Adat Batur santankan letusan Gunung Batur ring warsa 1926 nenten wantah sekadar gingsir genah jenek, sakewanten taler peristiwa sane nguji keteguhan budaya, spiritualitas, miwah rasa masikian krama adat.
Dane nategasang indik peringatan satunggal abad Rarud Batur nenten wantah dados seremoni ngelingang masa sane sampun lintang, sakewanten wangun gerakan masikian sajeroning merawat nilai-nilai luhur, ngewangun miwah ngukuhang identitas budaya, miwah ngewangun Batur sane lestari, harmonis, miwah berdaya majeng generasi sane pacang datang.
Silih tunggil karya utama sane kasolahang inggih punika Fragmen Tari Anyar “Ranu Saraswati Rena” sane ngentas gatra pamargi gingsirnyane krama Batur Let nuju Batur Karangan Anyar sasampun letusan Gunung Batur ring warsa 1926. Ngliwatin masikian tari, musik, miwah dramatika, karya puniki merefleksikan pamargi krama sane setata ngajegang sastra agama, Raja Purana, pratima, miwah sarana upacara pinaka simbol keberlanjutan peradaban miwah spiritualitas. Satus Warsa Rarud Batur kawangsiti pinaka pusaka kawruhan miwah bhakti majeng Hyang Dewi Danu sane dados spirit utama penciptaan karya punika. Fragmen tari puniki dikomposisikan olih Dr. Made Kartawan miwah Dr. I Nyoman Kariasa, antuk penata gerong Nyoman Nik Suasti, S.Sn., miwah koreografer AA Ayu Mayun Artati, M.Sn., I Gede Oka Surya Negara, S.ST., M.Sn., miwah Gede Radiana Putra, M.Sn.
Taler, ISI BALI ngediseminasikang Tari Tengklung Kebah sane kahenget saking gerak olahraga bela diri tradisional Bali, inggih punika tengklung utawi pencak silat. Karya tari puniki ngambarang semangat para yowana sajeroning mengasah ketangkasan, kekuatan, miwah ketangguhan ngliwatin gerakan-gerakan sane ngedengang kuda-kuda sane kokoh, tangkisan sane lincah, miwah langkah silat sane dinamis. Tari Tengklung Kebah dikoreografikan olih I Gede Oka Surya Negara, S.ST., M.Sn., antuk komposisi musik garapan I Wayan Diana Putra, S.Sn., M.Sn.
Poto: Diseminasi Penelitian, Penciptaan, dan Diseminasi Seni-Desain (P2DSD) Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
Pergelaran taler ngedengang komposisi musik “Cipta Gamelan Saraswati”, asiki karya sane embas saking kajian majeng Tabuh Pat Parianom pinaka warisan musikal krama Desa Adat Batur. Karya puniki ngandelang pemaknaan Dewi Saraswati pinaka simbol kawruhan sane setata ngalir miwah Betari Danu pinaka wit kesejahteraan, nganti ngedengang pikayunan indik kawruhan konservasi lingkungan dados fondasi sajeroning ngewangun peradaban.
Ngliwatin penglimbakan formulasi musikal Tabuh Pat Parianom ka sajeroning gramatika musikal anyar, “Cipta Gamelan Saraswati” ngedengang punapi kawruhan lokal sane maurip sajeroning ruang-ruang ritual krama Batur setata nglimbak miwah ngamolihang dimensi akademik Ngliwatin penelitian miwah penciptaan seni ring ISI BALI. Komposisi puniki digarap olih I Wayan Diana Putra, S.Sn., M.Sn., Dr. I Nyoman Kariasa, S.Sn., M.Sn., miwah I Made Dwi Andika Putra, S.Sn., M.Sn., antuk penata gerong Ni Komang Sekar Marheni, S.S.P., M.Si.
Ngliwatin makasami karya punika, ISI BALI nategasang indik pikolih penelitian miwah penciptaan seni nenten berhenti pinaka luaran akademik semanten, sakewanten didiseminasikan majeng krama pinaka media edukasi, pelestarian budaya, miwah ngukuhang memori kolektif majeng sejarah miwah kawruhan lokal. Momentum 100 Warsa Rarud Batur puniki dados ruang kolaborasi saking perguruan tinggi seni miwah masyarakat adat sajeroning menjaga kesinambungan warisan budaya Bali liwar pendekatan ilmiah, artistik, miwah spiritual. (ISIBALI/Humas)
Poto: Diseminasi Penelitian, Penciptaan, dan Diseminasi Seni-Desain (P2DSD) Warsa 2026 Ngwangsit 100 Warsa Rarud Batur ring Pura Kahyangan Jagat Ulun Danu Batur, Desa Adat Batur, Kintamani, Bangli, Soma (3/8).
