Foto: Penyerahan wantuan tunai marep para mahasisya ISI BALI sane katiben bencana Sumatera, Anggara (9/12) ring Kampus ISI BALI
Dosen lan pegawai Institut Seni Indonesia Bali (ISI BALI) sumanggem mupulang dana welas asih nyihnayang rasa kapariangenan marep ring krama sane keni panca baya Blabar Agung ring wawidangan Sumatra, utamin ipun Sivitas Akademika, ingihan punika mahasisya ISI BALI miwah kampus tiosan sane kapancabaya mekadi ring Aceh, Sumatera Utara, lan Sumatera Barat.
Dana punia sane kapupulang ngawit saking pinanggal 5 kantos 8 Desember 2025, sampun prasida mapikolih makwehnyane Rp122.455.000,-(satus dua likur yuta, samas seket lima tali rupiah). Dana punia puniki raris kasukserahang melantaran tigang geguat inggih punika: 1) katiwakang langsung marep 36 mahasisya ISI BALI sane pamngrawuhnyane mawit saking wewidangan sane ketiben pancabaya (daerah terdampak),makwehnyane Rp18.000.000,-(Plekutus yuta rupiah) soang-soang mahasisya narima marupa jinah Rp500 ribu (limangatus tali rupiah); 2) melantaran rekening Kementerian Pendidikan Tinggi, Sains, lan Teknologi Peduli seageng Rp75.000.000,-(telung benang yuta rupiah ; lan 3) melantaran rekening Infaq Sedekah ISI Padang Panjang-Sumatera Barat seageng Rp29.455.000,-(Sia likur yuta samas seket lima rupiah.
Foto: Penyerahan wantuan tunai marep mahasisya ISI BALI sane katiben Pancabaya Blabar Agung Sumatera, Anggara (9/12) di Kampus ISI BALI
Rektor ISI BALI Prof. Dr. Wayan ‘Kun’ Adnyana nyukserahang langsung wantuan jinah tunai marep ring 36 mahasisya ISI BALI sane pangrawuhnyane sakeng wewidangan sane ketiben pancabaya Sumatra, ring rahina Anggara (9/12) ring Kampus ISIBali. Dane mawosang “Dana punia puniki wantah cihna kaguyuban lan rasa kapariangenan dosen lan tenaga kependidikan (tendik) ISI BALI mantuke ring sasama wargi Nusantara sane katiben panca baya Blabar Agung Sumatera. Melarapan pangrastiti dumogi gelis mewali kadi jati mula, tur kramane mulatsarira metangi egar ngelanturang swadharma soang-soang tur bagia. Ring galah becik puniuki, titiang ngaturang suksamaning manah majeng ring angga dosen lan tendik ISI BALI sareng sami sane sampun saking lascarya mapunia.” Sukserah wantuan inucap taler kasarengin antuk Wakil Rektor Bidang Perencanaan, Keuangan, lan Umum, Dr. Made Jodog; Wakil Rektor Bidang Kemahasiswaan lan Kerja Sama, Prof. Komang Sudirga; Manggala Satuan Pengawas Internal, Dr. Made Bayu Pramana; miwah jejeran manggala Program Studi.
Prof. Kun Adnyana taler nguningayang rasa pariangen lan duhkita sane metu sakeng papusuh jeroning ati, mantuke ring sang palatra, taler ngaturang manah pariangen (bersimpati) mantuke ring kulawarga sane sedeng katiben pancabaya, sinambi ngerastiti dumoigi sang paltra landuh nyujur sunia, santa mapatungilan ring Ida Hyang Parama Wisesa /Tuhan Yang Maha Esa“ (ISIBALI/Humas)
Foto: Kunjungan Komisi Nasional Disabilitas RI lan Gerkatin Provinsi Bali, Jumat (5/12) Ring Ruang Nata Widya Sabha, ISI BALI.
Wakil Rektor Bidang Perencanaan, Keuangan, lan Umum Institut Seni Indonesia Bali (ISI BALI), Dr. I Made Jodog, nyanggra sapangrawuh Komisioner Komisi Nasional Disabilitas (KND) RI, Dr. Rachmita Maun Harahap, ST., M.Sn., Ring Rahina Sukra (5/12) ring Ruang Nata Widya Sabha ISI BALI.
Kunjungan puniki taler kamiletin manggala Gerakan untuk Kesejahteraan Tunarungu Indonesia (Gerkatin) Provinsi Bali, Staf Khusus KND RI Rafika Yanti, SKM. Taler prasida rawuh jejeran manggala ISI BALI, inggih punika Manggala Lembaga Penelitian dan Pengabdian kepada Masyarakat, Dr. Ketut Garwa, Wakil Dekan Bidang Kemahasiswaan dan Kerjasama Fakultas Seni Rupa dan Desain, Dr. Desi In Diana Sari, Manggala Program Studi Tari, Wayan Sutirtha, M.Sn., Manggala Desain Komunikasi Visual Gede Bayu Segara, M.Sn., Manggala Pokja Kemahasiswaan, Nyoman Wartana, miwah mahasisya tuna rungu (penyandang tuli), Putu Wahyu Putra Sudianta.
Sadu ajeng patemon memargi antar tur teleb sajeroning mligbagang indik nincapang utsaha nyangkepin napi sane dados pikobet para penyandang disabilitas ring Perguruan Tinggi. Silih sinunggil bantang babawosan sane mabuat inggih punika mligbagang pangrencana ngawentuk Unit Layanan Disabilitas pinaka wadah pendampingan, nyayagayang piranti sane dados pisarat mahasisya difabel, miwah nabdabin pusat koordinasi makudang layanan pendukung. Tiosansring punika, taler kabawosang indik asapunapi pidabdab nitenin nincapang inklusivitas, aksesibilitas, lan mutu layanan pendidikan ring ISI BALI.
Foto: Kunjungan Komisi Nasional Disabilitas RI lan Gerkatin Provinsi Bali, Jumat (5/12) Ring Ruang Nata Widya Sabha, ISI BALI.
Rikanjekan pemargin pabligbagan, silih sinunggil mahasisya tuna rungu, Putu Wahyu Putra Sudianta, kaicen galah nyobyahang pengalamannyane. Putu Wahyu, mahasiswa Program Magister Seni ISI BALI sane taler pinaka alumni S1 Seni Tari ring kampus sane pateh, nyaritayang asapunapi indik pikobet akademik sane kaparanin antuk ipun. Ipun nelatarang, inggih punika tugas-tugas kuliah sane mapiranti antuk nyurat pinaka pialang sane pinih mabuat. Indeike punika mawit sakeng tata cara basa sane kaanggen oleh sang tuna rungu mabinayan ring tata cara basa sane ketah keanggen antuk para jana sane sida mireng. Wicarane puniki seringan nenten kakantenang ring para janane. Yadyastun kadi asapunika, Putu Wahyu sampun prasida nginutin saurah arihnyane melarapan antuk utsaha dosen lan sawitrannyane. Palemahan paguruan sane someh taler ngewantu ipun werdhi lan ngelimbak, yata sajeroning pangweruh wiadin keasrian. Satwan ipun manados wimba asapunapi ayahan aguron-guron sebet inklusif lan gesit, urati ring pisarat sane dados pikobet mahasisya difabel.
ISI BALI nugesang satya wacana pacang ngelantur nincapang kautaman ayahan aguron-guron mantuke ring para mahasisya sami taler penyandang disabilitas, melarapan gotong royong saling tulung lan lan ayah-ayahan tan reredan mapaiketan sareng makudang sang sane pacang ngawigunayang (stakeholders). Parum puniki dados lampah mabuat ngungsi kampus sane sayan inklusif, someh, lan ngicenin galah asah mantuke ring mahasisya sami werdi lan jayanti. (ISIBALI/Humas).
Institut Seni Indonesia Bali (ISI BALI) ngukuhang kalih Guru Besar anyar malarapan antuk Inagurasi lan Sapa Publik Guru Besar Anyar “Karma-Citta-Waskita”, Anggara Pon Langkir pinanggal 2 Desember 2025 ring Auditorium Kirtya Sabha Mahottama, ISI BALI. Maka kalih professor anyar sane kakukuhang inggih punika Prof. Dr. I Gede Yudarta lan Prof. Dr. Ni Made Arshiniwati.
Rektor ISI BALI, Prof Dr Wayan ‘Kun’ Adnyana ring sajeroning pidartanyane nyobyahang kalih Profesor sane pinih anyar, inggih punika: Prof Dr I Gede Yudarta, ilmu/kepakaran Pengkajian Seni, malarapan antuk Keputusan Menteri Diktisaintek RI Nomor 43320/M/KPT.KP/2025 pinanggal 12 Oktober 2025, miwah Prof.Dr Ni Made Arshiniwati, ilmu/kepakaran Pengkajian Seni, malarapan antuk Keputusan Menteri Pendidikan Tinggi dan Teknologi Republik Indonesia Nomor 43317/M/KPT.KP/2025, pinanggal 12 Oktober 2025. Papat dosen Lektor Kepala sane sampun lulus uji kompetensi keprofesorannyane, wantah nyantos medal Surat Keputusan Menteri Diktisaintek RI. Malarapan antuk ngukuhang kalih guru besar anyar, ISI BALI mangkin sampun madrebe 23 Profesor saking 231 dosen tetap sane wenten ring ISI BALI. Pikolihang 10% Profesor puniki sane paling utama yening saihang sareng Perguruan Tinggi Seni ring Indonesia.
Prof Kun Adnyana ngawewehin pamargin makekalih professor anyar prasida ngamolihang Guru Besar puniki patut kadadosang sasuluh Dosen Lektor Kepala ISI BALI maka sami. Maka kalih Profesor anyar puniki sayan jemet mautsaha nagingin jurnal bereputasi, sapamargi sareng kawagedan akademik, taler nyumpunin dokumen pendukung madasar antuk paiketan kawagedan soang-soang anggen ngemajuang ISI BALI.
“Angayubagia, dinane mangkin, Anggara Pon Langkir pinanggal 2 Desember 2025, kalih profesor anyar kebanggaan ISI BALI, Prof. Yudarta miwah Prof. Arshiniwati sampun kainagurasi sapisanan kasobyahang ke para warga maka sami. Makakalih profesor puniki sampun ngabdi ring ISI BALI sawatara lintang saking 30 warsa, pinaka pakgukuh kemuliaan ISI BALI,”pangandikannyane.
Wakil Walikota Denpasar, I Kadek Agus Arya Wibawa, S.E., M.M, sane sampun prasida ngarawuhin tur nyaksinin micayang sambrama wacana ring galah pangukuhan guru besar puniki taler ngaturang suksmaning manah antuk kontribusi Prof. Yudarta miwah Prof. Arshiniwati ring sajeroning ngwerdiang miwah nglimbakang seni budaya Bali.
“Kami di Pemkot Denpasar sangat bangga dan terus berkomitmen untuk bersinergi dengan seluruh lembaga pendidikan, khususnya ISI Bali dalam mewujudkan Denpasar sebagai kota budaya, kreatif, dan berdaya saing global. Para guru besar yang baru dikukuhkan hari ini kami harapkan dapat menjadi obor pengetahuan yang menerangi perjalanan akademik mahasiswa, serta menjadi nakhoda pemikiran yang memandu perkembangan seni, budaya, dan ilmu pengetahuan Bali,” terangnya.
” Pemerintah Kota Denpasar dahat bangga lan tetep makomitmen pacang maprakanti sareng lembaga pendidikan makesami, pamekasnyane Institut Seni Indonesia (ISI) Bali, mangda prasida ngawujudang Denpasar pinaka kota sane madue budaya, kreatif, lan kompetitif global. Titiang ngaptiang mangda para profesor sane anyar sane wawu kakukuhang rahinane mangkin prasida dados sundih kawicaksanan sane prasida nyuluhang pamargin akademik mahasiswa , taler pinaka nahkoda pangidep sane prasida nuntun panglimbak seni, budaya miwah ilmu pengetahuann Bali”, teges dane.
Pada Sidang Senat Terbuka Inagurasi dan Sapa Publik Guru Besar Anyar ini, dua Profesor menyajikan orasi ilmiah, Prof. Yudarta mendedahkan Orasi “Modal Budaya dan Kooptasi Simbolik dalam Kontestasi Musik Nyongkolan di Lombok: Perspektif Pengkajian Seni” dan Prof. Arshiniwati, mempresentasikan Orasi “Tari Kirana Rasmi: Ekspresi Budaya dalam Seni”.
Ring Sidang Senat Terbuka Inagurasi lan Sapa Publik Guru Besar Anyar puniki, maka kalih profesor nguncarang orasi ilmiah, Prof. Yudarta antuk orasi ipun “Modal Budaya dan Kooptasi Simbolik dalam Kontestasi Musik Nyongkolan di Lombok: Perspektif Pengkajian Seni” lan Prof. Arshiniwati, ngaturang Orasi “Tari Kirana Rasmi: Ekspresi Budaya dalam Seni”.
Foto: Parikrama Wisata Adhyapaka Wara ring Taman Wisata Jatiluwih, Tabanan, Rahina Anggara (25/11).
Institut SeniIndonesia Bali (ISI BALI) malih pisan ngamargiang parikrama Wahana Adhyapaka Wara (Pembinaan Kapasitas), Saniscara-Wraspati (24-27/11), ring Kampus ISI BALI miwah Objek Wisata Jatiluwih (DTW), Tabanan. Parikrama sane mamurda “Bhakti-Bhuwana-Bhakta (Ngicenin Jagat Pengagungan)”, pinaka sarana strategis anggen ngukuhang karakter, solidaritas, miwah komitmen masyarakat akademik sajeroning ngamargiang akademisi sane ngayahin, madue dampak, miwah sayaga nyawis dinamika masa.
Ketua Panitia, Dr.Made Bayu Pramana, ring laporannyane nguningayang parikrama Peningkatan Kemampuan warsa puniki kasarengin olih 80 diri pamilet sane kawangun antuk pimpinan, dosen, miwah staf pendidikan (tendik) ISI BALI. Makasami pamilet kakepah dados dasa sekaa (kelompok), inggih punika Kelompok Kuas, Kipas angin, Panggul, Layar, Kamera, Pensil, Kanvas, Pahat, Seruling, miwah Kelompok Ukiran. Parikrama puniki taler kadukung olih 20 diri panitia sane makarya intensif ngawit saking tahap persiapan ngantos tahap pelaporan.
Foto: Sosialisasi miwah parikrama pokjar majeng ring Rangkaian Wahana Adhyapaka Wara ring Ruang Vicon ISI BALI, Saniscara (24/11).
Sampun petang rahina, pamilet ngamargiang pelatihan sane akehnyane 50 jam malarapan antuk makudang-kudang parikrama sane ngukuhang aspek fisik, mental, kepemimpinan, spiritualitas, miwah kreativitas. Makudang-kudang agenda sane kamargiang minakadi latihan semeng, pemeriksaan kesehatan, pembukaan lan presentasi Rektor ISI BALI, sosialisasi Pengelolaan Keuangan Negara Berdampak olih BPKP Provinsi Bali, sesi refleksi lan proyeksi “Dampak ISI BALI”, workshop kepemimpinan, Workshop Mars lan Hymne IS Bali, api unggun kebersamaan, doa lan persembahyangan, miwah makudang-kudang parikrama lapangan ring Jatiluwih minakadi Penjelajahan Arah miwah Penjelajahan Jejak Jatiluwih. Tiosan punika, pamilet nyarengin sesi Bhuwana Manah sane mencakup update LED, penyusunan peta bisnis, miwah studi akademik, kawewehin antuk workshop lukisan, Tirtha Yatra, Acara Sambung Ujung, miwah seminar manajemen pengelolaan daya tarik wisata.
Foto: Parikrama Api Unggun Kebersamaan ring rangkaian Kegiatan Wahana Adhyapaka Wara ring Lapangan Widya Mahardika ISI BALI, Saniscara (24/11), wengi.Pamargin Wahana Adhyapaka Wara 2025 kaaptiang prasida ngalimbakang mentalitas anyar sane sayan responsif sajeroning ngayah, sayan kreatif, miwah sayan berorientasi majeng ring dampak nyata majeng ring lembaga miwah krama. Semangat kebersamaan sane kapiara rikala parikrama punika taler ngukuhang paiketan para pemimpin, dosen, miwah staf pendidikan sajeroning ngawujudang ISI BALI pinaka Institut Seni sane unggul lan bermartabat.
Foto: Sesi Bhuwana Manah ring Parikrama Wahana Adhyapaka Wara ring Objek Wisata Jatiluwih, Tabanan, Buda (26/11).
Ri tepengan puniki, kewetuang Buku Suci ISI BALI, sane madaging mantra pengagungan sane dados sesuluh anggen ngadungang persepsi makasami krama, taler kamedalang taler Buku Saku Visi Dampak ISI BALI, sane nguningayang cita-cita sane luhur indik panglimbak lembaga punika benjang pungkur. Ketua Panitia muputang laporannyane antuk rasa suksma lan nunas ampura antuk kakirangan sane wenten salami parikrama, sinambi taler ngaturang pangapti mangda nilai-nilai sane sampun kaplajahin prasida terus kahuripang lan kalaksanayang olih makasami pamilet. (ISIBALI/Hubungan Masyarakat)
Foto : Pamungkah Pameran Seni Rupa dan Desain Nasional (Waskita Rupa) sane magenah ring Ruang Seni Sangkring, rahina Saniscara (8/11).
Institut Seni Indonesia Bali (ISI BALI) ngamargiang Pameran Seni Rupa dan Desain Nasional (Waskita Rupa): Warma Bhuwana Wangsa – Derma Manusia Dunia. Pameran puniki pinaka pahan saking Bali Nata Bhuwana IV, pinaka genah ngamargiang aktualisasi pikolih paplajahan ring undagan nasional.
Acara sane bergengsi puniki kamargiang ring Sangkring Art Space, 8 ngantos 18 November 2025. Pamungkah pameran puniki kamargiang ring rahina Saniscara (8/11), resmi kabungkah olih Gusti Pangeran Haryo Indrokusumo sane ngangganin Adipati Pakualaman, Kanjeng Gusti Pangeran Adipati Pakupe Aryo (KGPAA) Paku alam X sane kasarengin olih Rektor ISI Yogyakarta miwah stafnyane, utusan saking Institut Seni Budaya Indonesia (ISBI) Bandung, para akademisi, miwah seniman sane kasub saking makudang-kudang daerah ring Indonesia.
Foto: Pameran Seni Rupa dan Desain Nasional (Waskita Rupa) di Sangkring Art Space, Sabtu (8/11)
Pameran sane kakurator olih Prof Dr I Wayan Karja, MFA miwah Dr A.A. Gede Rai Remawa, nyobyahang karya-karya seniman miwah desainer saking sia perguruan tinggi ring Indonesia, inggih punika ISI Bali, ISI Yogyakarta, ISI Surakarta, Institut Seni Budaya Indonesia (ISBI) Bandung, Universitas Negeri Surabaya, STKW Surabaya, Institut Seni Jakarta, Universitas Telkom, miwah Bumigora. Luire 60 seniman lan desainer sane nyarengin, rumasuk A.A. Anom Mayun Kt., Agung Cahyana, Aries Burdani, Bayu Segara Putra, Cokorda Alit Artawan, Danang Priyanto, Djul Djati Parmuhadi, lan makudang-kudang wasta sane lianan sane ngawakilin keragaman gaya, media, lan perspektif seni.
Gusti Pangeran Haryo Indrokusumo, Nanggadilih Adipati Pakulaman, Nguningayang Sunggen Ipun Majeng Pameran, Sane Kakawitin Olih ISI Bali. Iraga Nyambut Tema Gede, ‘Warma-Bhuwana-Wangsa,’ Sane Katerjemahang Dados “Ngicenin Antuk Kamanusiaan Jagat.” Filsafat Puniki Pinih Relevan Teken Roh Budaya Nusantara, Ring Dija Seni Nenten Tuah Ekspresi Diri Nanging Taler Aturan Lan Kontribusi Antuk Kamanusiaan Lan Alam Semesta.”
Rektor ISI BALI, Prof Dr.Wayan ‘Kun’ Adnyana, nyobyahang parikrama puniki sane matetujon nyobyahang hasil tetilik miwah kreasi seni saking dosen miwah mahasiswa ISI Bali, wantah manifestasi sane nyata saking “donasi” pengetahuan miwah estetika. Punika pinaka utsaha sane luhur anggen nyangkepin tur ngicenin pencerahan malarapan antuk karya seni sane madue visi lan mabuat.
Prof Kun Adnyana ngawewehin, pemilihan Daerah Istimewa Yogyakarta pinaka genah parikrama puniki khususnyane Waskita Rupa Pameran ring Sangkring Art Space, pinaka cihna paiketan budaya sane kukuh Bali lan Jawa pamekasnyane Yogyakarta. (ISIBALI/Humas).
Foto : Pimpinan miwah dosen saking perguruan tinggi seni miwah desain ring Wilayah Asia Pasifik ring B-GAAD Leaders’ Summit, Anggara (28/10) ring Ruang Sabha Citta Mahottama, Gedung Design Hub, ISI BALI.
Pinaka pahan saking Acara Bali-Global Axis of Arts and Design (B-GAAD) II warsa 2025, Institut Seni Indonesia Bali (ISI BALI) ngamargiang B-GAAD Leaders’ Summit, Anggara (28/10) ring Ruang Sabha Citta Mahottama, Design Hub ISI Bali. Rapat strategis puniki kapimpin olih Rektor ISI BALI, Prof Dr.Wayan “Kun” Adnyana, tur kasarengin olih para pemimpin lan dosen saking makudang-kudang perguruan tinggi seni lan desain sane terkemuka ring wilayah Asia Pasifik.
Forum puniki kasarengin olih makudang-kudang pemimpin perguruan tinggi seni lan desain, minakadi Prof Dr.Wayan Adnyana pinaka Rektor ISI BALI, Asst. Prof. Dr. Sanor Klinngam, Dr. Kitsada Tungchawal, lan Asst. Prof. Rapipan Thiamdaet saking Phetchaburi Rajabhat University, Thailand; Prof. Kate Hislop dari University of Western Australia, Australia; Asst. Prof. Catherine Parrott, MFA saking The University of Iowa, Amerika Serikat; Prof. Dr. K. Azril Ismail lan Assoc. Prof. Suzlee Ibrahim saking Akademi Seni Budaya dan Warisan Kebangsaan (ASWARA), Malaysia; serta Prof. Jaygo Bloom, MFA saking Lasalle College of the Arts, Singapura. Saking ISI BALI, taler rauh inggih punika Dr.Ni Made Arshiniwati, SST., M.Si. (Ketua Senat), Prof. Dr. Anak Agung Gde Bagus Udayana, S.Sn., M.Si. (Wakil Rektor Widang Akademik miwah Sistem Informasi), Dr. I Made Jodog, MFA (Wakil Rektor Widang Perencanaan, Keuangan, miwah Urusan Umum), Prof. Dr. I Komang Sudirga, S.Sn., M.Hum. (Wakil Rektor Widang Kemahasiswaan lan Kerjasama), miwah Nyoman Dewi Pebriyani, ST., MA, Ph.D. (Direktur Pascasarjana). Ring suasana sane anget, forum puniki dados genah dialog sane strategis, ngarauhin para pemimpin pendidikan tinggi ring widang seni lan desain saking makudang-kudang negara. Para pamilet nyarengin perspektif miwah paradigma indik ngatur pendidikan tinggi ring seni miwah desain sane komitmen majeng ring kasukertan masyarakat, pelestarian budaya lokal, miwah keseimbangan ekologi. Paruman punika taler pinaka genah ngukuhang solidaritas miwah jaringan kolaboratif pantaraning lembaga pendidikan tinggi ring wewidangan Asia-Pasifik.
Foto : RektorISI Bali, Prof. Dr. Wayan ‘Kun’ Adnyana (tengen) sareng Penasihat Presiden Phetchaburi Rajabhat University-Thailand, Asst. Prof. Dr. Sanor Klinngam ring acara penandatanganan Deklarasi B-GAAD, Anggara (28/10) ring Ruang Sabha Citta Mahottama, Gedung Desain Hub ISI Bali.
Puncak forum puniki kacihnayang antuk embasnyane Deklarasi B-GAAD: Caksu-Bhuwana-Citta (Visi Mulia untuk Masa Depan Bersinar), deklarasi sane negesang visi bersama universitas seni lan desain ring Asia Pasifik anggen ngalimbakang semangat solidaritas, tanggung jawab kolektif, lan kerjasama seni sane prasida ngawangun masa depan. Malarapan antuk deklarasi puniki, para pemimpin cumpu pacang ngawentenang Asia Pacific’s Axis of Arts and Design Higher Education Network, pinaka forum anggen ngalimbakang semangat persaudaraan lan kolaborasi ring sajebag bangsa malarapan antuk saling tukar pengetahuan lan mobilitas akademik.
Deklarasi punika madaging limang misi utama sane kawastanin Panca Mahadharma, inggih punika: (1) Mikukuhin kemitraan anggen ngalimbakang lan ngajegang keunggulan akademik; (2) Mapaiketan ring karahayuan krama miwah krama; (3) Mapaiketan ring sajeroning nglestariang budaya miwah tetamian lokal; (4) Aktif nyarengin nyaga keseimbangan ekologi; lan (5) Ngalimbakang kreativitas miwah inovasi teknologi ring widang seni miwah desain. Limang misi puniki dados pedoman sareng-sareng ring sajeroning nuntun kolaborasi lintas lembaga mangda prasida ngamolihang visi pendidikan seni lan desain sane unggul, sane mawit saking nilai-nilai kemanusiaan, budaya, lan kelestarian.
Deklarasi punika katanda tanganin olih makasami pamilet, rumasuk pimpinan ISI Bali miwah perwakilan saking perguruan tinggi saking Thailand, Australia, Korea Selatan, Amerika Serikat, Malaysia, miwah Singapura. Penandatanganan deklarasi puniki nyihnayang komitmen sareng-sareng mangda B-GAAD dados forum dialog, kemitraan, miwah kolaborasi sane lestari pantaraning universitas seni miwah desain ring wewidangan Asia-Pasifik, sajeroning ngamargiang Misi Panca Mahadharma. Rektor ISI Bali, Prof Dr.Wayan “Kun” Adnyana, maosang indik B-GAAD Leaders’ Summitpuniki pinaka langkah sane konkret anggen ngukuhang posisi ISI Bali miwah Indonesia pinaka pusat global pendidikan tinggi ring widang seni miwah desain. “Malarapan antuk Deklarasi B-GAAD puniki, iraga sareng sami nyunarin cahaya majeng ring masa depan seni miwah desain sane mawit saking nilai-nilai kemanusiaan, budaya, miwah kelestarian,” baos dane. (ISIBALI/Humas).
