BALI
ID
ENG
a
Pendaftaran
M

Indik ISI Bali

Sejarah

Pengantar

Akreditasi

Visi dan Misi

Struktur Organisasi

SAKIP

JDIH

Penghargaan

PPID

Aguron-guron

Fakultas Seni Pertunjukan (FSP)

Fakultas Seni Rupa dan Desain (FSRD)

Program Pascasarjana

Program Internasional

Alumni

Saselah

Penelitian, Penciptaan dan Diseminasi Seni dan Desain

Saselah Disertasi (PDD)

Saselah Pasubayan

Saselah Kompetensi Nasional

Sewaka Praja

Bali Citta Swabudaya (BCS)

Bali Citta Pradesa (BCP)

Kompetisi Pengabdian Kepada Masyarakat (PKM)

Kompetisi Nasional Pengabdian Kepada Masyarakat (PKM)

BALI
ID
ENG
Login

Program Studi

MAGISTER SENI

seseleh

Program Magister Program Studi Seni (PS-SPM) wantah nglanturang lan pinaka transformasi saking Program Studi Penciptaan dan Pengkajian Seni (S2) sane kawangun madasar antuk Keputusan Menteri Pendidikan Nasional Republik Indonesia Nomor: 90/E/O/2011 tanggal 27 April 2011. Pagentosan nomenklatur puniki kaputusang malarapan antuk Keputusan Menteri Riset, Teknologi, dan Pendidikan Tinggi Republik Indonesia Nomor 456/KPT/I/2018, sane negesang identitas anyar pinaka pahan sane nenten prasida kapalasang saking panglimbak ilmu seni ring tingkat magister.

Malarapan antuk Peraturan Menteri Pendidikan Tinggi, Sains dan Teknologi Republik Indonesia Nomor 28 warsa 2025 indik Organisasi dan Tata Kerja Institut Seni Indonesia Bali, PS-SPM resmi katanganin olih Program Pascasarjana ISI Bali. Indike puniki mikukuhin kawentenan program studi pinaka pusat unggulan ring widang pendidikan tinggi seni sane mucukang integrasi utawi pasikian pantaraning pengkajian, penciptaan, miwah pakebat ilmu pengetahuan seni sane madasar antuk tradisi lan inovasi.

PS-SPM ngaturang kakalih jalur peminatan sane strategis anggen nyawis pabuat akademik lan profesional ring widang seni, inggih punika Pengkajian Seni lan Penciptaan Seni. Unteng patitis ring Pengkajian Seni luir ipun pendekatan teoritis, metodologis, lan analitis majeng ring makudang-kudang fenomena seni, budaya, lan tradisi, tatujonnyane ngwangun pangresep sane nuek tur kritis nyelehin praktik seni anutang ring konteks sosial, sejarah, lan filosofis. Yaning Penciptaan Seni nuekang indik proses kreatif pinaka unteng paplajahan, ngalimbakang eksplorasi media, eksperimentasi artistik, lan, miwah inovasi sajeroning ngreka karya seni sane manut tur kabuatang antuk pakibeh jagate.

PS-SPM sampun ngamolihang akreditasi A saking Badan Akreditasi Nasional Perguruan Tinggi (BAN-PT) melarapan antuk Keputusan Nomor 174/SK/BAN-PT/Ak.Ppj/M/I/2023. Sertifikat akreditasi puniki kangkat sasuwen limang warsa, inggih punika saking 31 Januari 2023 nyantos 31 Januari 2028, pinaka cihna kualitas akademik, tata kelola, lan kontribusi ilmiah sane unggul ring widang seni.

VISI

Dados program studi unggul ring widang pengkajian lan penciptaan seni madasar kearifan lokal melarapan antuk pendekatan multidisiplin/interdisiplin tur madue daya saing global.

MISI

  • Ngamargiang pendidikan tinggi sane inggil (berkualitas), madue pangrasa indik pluralitas, multikulturalitas budaya lokal lan Nusantara mangda lulusan madue jìwa universal.
  • Ngardinin lulusan sane madue moral, kreatif, tangguh, unggul, miwah daya saing global.
  • Nincapang penelitian, penciptaan, lan desiminasi hasil anggen nyokong upaya pemajuan seni lan budaya.
  • Ngwangun paiketan kerjasama sareng makudang-kudang angganing sajroning nglimbakang riset pengkajian, riset penciptaan, lan desiminasi hasil penelitian miwah penciptaan mahasiswa.
  • Nincapang sumber dàya prodi (dosen lan tendik) mangda prasida ngardi lulusan manut ring visi sane sampun kacumawis.

Profil Lulusan

Pencipta Seni

Prasida ngaryanin karya seni sane madue nilai novelty madasar antuk ilmu pengetahuan lan teknologi; Prasida ngaryanin karya seni sane ngemanggehang pendekatan interdisipliner miwah multidisipliner, manut KKNI tingkat 8; Prasida ngaryanin karya seni sane nyihnayang keragaman akar budaya lokal utawi kebudayaan Nusantara.

Pengkaji Seni

Prasida nitenin miwah malajahin seni nganggen metodologi ilmiah; waged tur wikan ngamargiang pendekatan interdisipliner miwah multidisipliner manut KKNI tingkat 8; Prasida ngamargiang miwah nglimbakang teori seni sane mawiguna majeng ring krama, industri, miwah pendidikan; lan Madue penarka sane kritis-analitis saha prasida ngicenin pamargi utawi solusi majeng ring pikobet seni.

Wirausahawan Seni

Prasida ngamargiang wirausaha miwah manajemen seni sane madasar antuk Ipteks; Prasida ngamargiang usaha seni nganggen pendekatan interdisiplin miwah multidisiplin manut KKNI tingkat 8 inggih punika prasida nepekang kaweruhan seni ring makudang-kudang realitas sosial minakadi politik, ekonomi, lingkungan, miwah sosial budaya; Prasida ngawangun pasawitran utawi jejaring sareng mitra sane mapaiketan tur ngresepang indik dinamika ekonomi, globalisasi, naler indik ewuh- pakewuh sajroning realitas persaingan; Ngresepang pakibeh semu parilaksana sajroning pakraman miwah tren pasar.

STRUKTUR ORGANISASI

Direktur Program Pascasarjana

Nyoman Dewi Pebriyani, ST., MA, Ph.D.

Koordinator Program Studi

Dr. Gede Pasek Putra Adnyana Yasa, S.ST., M.Sn.

Staf Program Studi

Dosen

Dosen

Magister Seni

Dr. Drs. I Nengah Wirakesuma. M.Sn

Dr. Drs. I Nengah Wirakesuma, M.Sn., embas ring Wongaya Gde, pinanggal 21 Pebruari 1964. Muputag pendidikan kaping untat ring Penciptaan Seni ring Program Doktor Penciptaan Seni ISI Yogyakarta warsa 2017 antuk widang keahliah Penciptaan Seni Lukis. Prestasi sane sampun kapolihin inggih punika pinaka Jayanti wimbakrama Logo UM Malang, lan jayanti wimbakrama Logo ISI Denpasar warsa 2004. Pengalaman Penellitian Penciptaan Seni inggih punika Padma Dewata sebagai Ide Penciptaan Seni lukis 2021, Karbya ilmiah: Nyiptayang seni lukis rahina AID se-Dunia warsa 2024, Estetika Warna Kulit Manggis ring Seni Lukis, Getah Pisang Medium Cipta Seni Lukis. 2024,  Masterpiece 25 di Cinere Jakarta. 2025.  Menulis Jurnal: Eksistensi Seni Rupa Kontemporer Bali. 

Prof. Dr. Ni Made Arshiniwati, SST., M.Si

Dr. Ni Made Arshiniwati, SST., M.Si embas ring Tabanan pinanggal 29 Maret 1961. Pendidikan sane kaping untat inggih punika S3 Kajian Budaya Universitas Udayana (2014). Widang keahlian: pengkajian seni lan budaya. Penghargaan prestasi sane sampun kapolihin minakadi: Mahasiswa Teladan (1983); Dosen Berprestasi (2005); Satya Lancana Karya Satya XX Tahun (2008); Satya Lancana Karya Satya XXX Tahun (2016); Adi Sewaka Nugraha (2025). Aktif ngelarang panelitikan utaminyane ring wewidangan seni lan budaya, sinalih tunggil nyane mamurda “Reviving The Sanghyang Grodog Ritual Dance: Promoting Social Harmony And Sustainable Cultural Tourism In Nusa Lembongan Island, Bali” sane kapublikasi ring Jurnal Kajian Bali. Siosan ring ngelaranng pengkajian taler aktif nyiptayang sasolahan minakadi: Tari Gulma Penida, Tari Saraswati Sastra, miwah sane siosan.

Prof. Dr. Drs. I Wayan Mudra, M.Sn.

Pendidikan kaping untat Program Studi Doktor (S3) Kajian Budaya Universitas Udayana2012-2016. Widang keahlian kriya keramik. Pengahargaan pretasi sane kantos kapolihanh inggih punika Tanda Kehormatan Satyalancana Karya Satya XXX Tahun 2019 saking Presiden Republik Indonesia, Kep Presiden RI No. 29/TK/2019 dan Piagam Penghargaan No. 286/IT5.3/PG/2021, pinaka Luaran Penelitian Bidang Ilmu sane pinih becik (Widya Nata Kerti Nugraha) Tahun 2020. Pengalaman penelitian inggih punika: warsa 2024 Traditional Culture in Modern Bali Crafts Product Design; warsa 2023. Sangku As Indonesian Cultural Property; 2023. Symbolic Meaning of Batik In Madura Bridal Kebaya Clothes. Pengalaman Penciptaan: 2020. Wayang Bali pinaka  Ide pangripta Keramik Khas Indonesia; 2017. Image Brayut ring Patung Keramik 2023.

Dr. I Ketut Sariada, SST.,M.Si

Dr. I Ketut Sariada, SST., M.Si embas ring Tabanan 9 Juni 1961, dosen ring Institut Seni Indonesia Bali, widang  Ilmu Seni Tari. Hasil Penelitikan: Estetika Gerak Tari Rejang Sakral Lanang Di Desa Mayong, Seririt, Buleleng, Bali. The Aesthetic Value of the Accompaniment Music of the Dance Drama Tehe Bessing of Siva-Visvapujita. Estetika Bentuk Busana Pada Lukisan Wayang Kamasan. A Dance Work Representing Ida Bagus Blangsinga’s Life Journey. Arjuna Tapa: A New Creation Dance. Oleg Tamulilingan with Badung style as the primadona in the performance arts of Bali tourism. Mengajar: Filsafat Seni Tari, Multikultur (S2), Ekosistem Seni (S2), dan Filsafat Ilmu (S3).

Dr. I Wayan Sudirana

I Wayan Sudirana inggih punika pinaka komponis lan  etnomusikologi sane tamat ring University of British Columbia, Kanada. Dane taler jemet malajahin musik tradisional Bali miwah makudang-kudang tradisi musik jagat, sakadi musik Samulnori saking Korea, ansambel drum Ghana saking Afrika Barat, tradisi drum India Selatan, miwah makudang-kudang karya klasik Barat. Dane taler sampun ngamedalang tigang buku miwah makudang-kudang artikel sane kabuat ring jurnal sane sampun kasub ring internasional. Ring warsa 2024, dane ngamolihang penghargaan Piala Citra pinaka Komposer Terbaik ring Festival Film Indonesia. Dane sampun nglelana ring jagate ring panggung-panggung sane kasub sakadi Carnegie Hall ring New York, Esplanade ring Singapura, Kuala Lumpur Performing Arts Center, The Chan Center Kanada, miwah panggung-panggung sane bergengsi tiosan ring sajebag jagat. Kabekelin antuk pengalaman puniki, dane nglimbakang musiknyane antuk dasar sane kukuh, ngarereh identitas anyar ring ranah musik anyar antuk gamelan.

Aktivitas

Loading...