BALI
ID
ENG
a
Pendaftaran
M

Indik ISI Bali

Sejarah

Pengantar

Akreditasi

Visi dan Misi

Struktur Organisasi

SAKIP

JDIH

Penghargaan

PPID

Aguron-guron

Fakultas Seni Pertunjukan (FSP)

Fakultas Seni Rupa dan Desain (FSRD)

Program Pascasarjana

Program Internasional

Alumni

Saselah

Penelitian, Penciptaan dan Diseminasi Seni dan Desain

Saselah Disertasi (PDD)

Saselah Pasubayan

Saselah Kompetensi Nasional

Sewaka Praja

Bali Citta Swabudaya (BCS)

Bali Citta Pradesa (BCP)

Kompetisi Pengabdian Kepada Masyarakat (PKM)

Kompetisi Nasional Pengabdian Kepada Masyarakat (PKM)

BALI
ID
ENG
Login

Program Studi

SENI PROGRAM DOKTOR

seseleh

Program Studi Seni Program Doktor di ISI Bali magenah ring Provinsi Bali sane madue seni lan budaya unik, pinaka dasar nglimbakang pendidikan berbasis budaya lokal.  Budaya toleransi sane mageng lan kawentenan krama Baline sane sredah utawi ramah satmaka jalaran sane jagi midanganin para peneliti sajroning ngamargiang riset studi. Siosan ring punika, Bali wantah laboratorium hidup budaya Nusantara, puniki objek pembelajaran, penelitian lan pengabdian masyarakat.  Program Studi Seni Program Doktor ring sawewengkon Indonesia Tengah lan Timur wau asiki wenten inggih punika ring ISI Bali kemanten, mawinan strategis pisan anggen nglimbakang pengkajian, penciptaan lan penyajian seni sane manut ring jenjang Sembilan KKNI.

ISI Bali madue Guru Besar a siya sane widagda ring widang seni lan budaya sane jagi ngabih proses pembelajaran ring Program Studi Seni Program Doktor ring ISI Bali. Siosan ring punika naler madue sumber daya manusia sane sampun manggeh kualifikasi Doktor sajroning jabatan associate professor. Sowang-sowang dosen taler sampun widagda nyurat ring makudang-kudang jurnal nasional lan internasional sane sampun maduwe reputasi (scopus). Program studi puniki kasokong antuk tenaga kependidikan manggeh kualifikasi S2. Punika jalaran prasida ngardinin sujana sane widagda kabaos berkualifikasi baik, sane sandang kangkat ring tingkat nasional lan internasional.  Sarana-prasarana sane nyokong proses pembelajaran luir ipun nganggen gedung Citta Kalangen, magenah ring sisi Kelod Kampus ISI Denpasar. Gedung puniki maduwe nem kelas ruang pembelajaran, kajangkepin antuk perpustakaan, ruang sidang, ruang dosen, miwah ruang tenaga kependidikan.  Soang-soang jangkep madaging srana minakadi: LCD, teknologi WIFI, repository, kamera digital, computer, printer lan piranti digital siosan. Kawentenan sarana-prasarana inucap tatujone nyuwukang tur nyokong mangda para mahasisyane gelis muputang studi.

VISI

Program Studi Seni Program Doktor ISI Bali manggeh pinaka pusat unggulan sajroning nglimbakang pangweruhan utawi ilmu pengetahuan lan praktik tata kelola seni, desain, lan budaya Indonesia, sajroning nyalantarayang sujana madue karakter, waged, inggil, tur kasumuyubin.

MISI

  • Nglimbakang ilmu pengetahuan lan praktik  seni lan budaya Indonesia kadasarin antuk riset sane maguna ring pakraman lan widang keilmuan, tur kasumuyubin ring sawewengkon nasional/internasional.
  • Prasida nepasin pikobet indik ilmu pengetahuan seni lan budaya Indonesia melarapan antuk pendekatan interdisiplin utawi multidisiplin.

Profil Lulusan

Upaya nincapang bobot sumber daya lan panglimbak widang keilmuan, ripamuput janten jagi nincapang kawagedan lan karahayuan sajroning mikukuhin kedaulatan ring widang seni lan budaya bangsa (nation competitiveness).  Ring wawengkon internasional, Program Studi Seni Program Doktor ISI Bali pacang dados genah patemon utawi interaksi lintas bangsa, duaning sajroning seket warsa puniki sayan makeh kreator seni utawi peneliti budaya kelas dunia sane rauh ngwentenang penelitian miwah penciptaan seni ring Bali, wyadin sane kalaksanayang ngeraga miwah kolaboratif kasarengin olih para seniman lan peneliti seni Bali. Puniki sayan nginggilang linggih utawi derajat budaya bangsa Indonesia ring jagate, sapisan ngwantu kramane mangda sayan tatas ring kawentenan seni budaya ring sajebag jagat sane gumanti webuh, wenten sane pateh mesaih naler wenten sane mabinayan mategepan.

STRUKTUR ORGANISASI

Direktur Program Pascasarjana

Nyoman Dewi Pebriyani, ST., MA, Ph.D.

Koordinator Program Studi

Dr. I Nyoman Suardina, S.Sn., M.Sn.

Staf Program Studi

Dosen

Dosen

Doktor Seni

Dr. I Nyoman Suardina, S.Sn., M.Sn.

Dr. I Nyoman Suardina, S.Sn., M.Sn., embas ring  Gianyar, 7 September 1968. Muputang paplajahan ring Studi Kriya STSI Denpasar warsa 1994, ipun aktif dados desainer lan kreator seni visual, taler sampun ngawitin ring wewivdangan seni digital saking warsa 2010. Gelar doktor kapolihang ring warsa 2014 saking Pascasarjana ISI Yogyakarta ring wewidangan Pangripta Seni, sane fokus ring wewidangan  patung kontemporer. Ipun ngajah ring ISI Bali ngawit saking 1998, utaminyane ring wewidangan Seni Rupa dan Desain. Fokus akademiknyane inggih punika  dinamika seni tradisional Bali ring tengahin arus digital miwah pabinayan sosial. Dane taler nyarengin Pameran seni lan desain skala nasional maupun internasional, minakadi “Panca Maha Bhuta” ring ARMA Ubud, “Mega Rupa III” taler “Bali-Bhuwana Rupa” (2021). Ring warsa 2022, ipun taler ngaryanin wadah lengis miik marupa wong anggen ISHIMOO Perfume Australia. Ipun taler ngamolihin penghargaan  “Adhyapaka” indik ayah-ayahan nyane ring wewidangan seni lan pendidikan.

Prof. Dr. Drs. I Made Gede Arimbawa., M.Sn

Prof. Dr. Drs. I Made Gede Arimbawa, M.Sn embas ring Klungkung, Bali pinanggal 4 Desember 1963. Pendidikan Sarjana ring Program Studi Kriya Keramik, FSRD-UNUD. Pascasarja ring Program Magister Desain, ITB, lan Program Doktor Ergonomi ring FK-UNUD. Profesor ring wewidangan Seni Kriya. Pinaka dosen ring Program Studi Seni Program Doktor Institut Seni Indonesia Bali. Pinaka mitra Bestari Jurnal Nasional “Ornamen”, Institut Seni Surakarta lan Jurnal Nasional “Ekspresi Seni” Institut Seni Indonesia Padangpanjang, Sumatra Barat. Taler naenang nyurat ring jurnal Internasional lan jurnal Nasional taler nyurat makudang-kudang buku. Ngamolihang panelitikan hibah Bersaing saking DIKTI, panelitikan Unggulan Dasar Perguruan Tinggi lan pangabdian ring parajana saking Institut Seni Indonesia Denpasar, ngamolihang penghargaan satya lancana karya satya XX (duang dasa) warsa ring warsa 2013 lan XXX (telung dasa) warsa ring warsa 2024 saking Pemerintah Republik Indonesia.

Prof. Dr. I Komang Sudirga, S.Sn., M.Hum

Prof. Dr. I Komang Sudirga, S.Sn., M.Hum embas ring Karangasem, 16 Oktober 1967, pinaka Guru Besar ring widang Kajian Seni Karawita ISI Bali. Ngabdi dados dosen ngawit saking warsa 1994. Muputang Pendidikan  S2 UGM (1998-2001) lan S3 ring UNUD (2008-2012). Naenang dados pejabat minakadi Sekretaris Jurusan, Wakil Dekan, Dekan FSP, taler mangkin dados Wakil Rektor widang Kemahasiswaan lan Kerjasama (2025-2029). Taler aktif ngajahin, nelitik, lan nyurat, taler mubikasiang karya ring Jurnal nasional lan internasional. Karya Ilmiah ngeninin indik pasantian, karawitan, lan musik taler kakengkenang. Pinaka seniman, dane dados duta seni ke dura Negara. Ring wewidangan kasusastraan bali marupa gaguritan. Dane mikolihin makudang-kudang penghargaan minakadi Lencana Karya Sastra 10 lan 20 warsa, taler Dharma Kusuma saking Pemprov Bali (2025). Sane mangkin kantun aktif ngajahin, ngarawit,   tur mapaica ring panglimbak seni lan budaya ring wewidangan nasional lan global.

Prof. Dr. Drs. I Nyoman Artayasa, M.Kes

Prof. Dr. Drs. I Nyoman Artayasa, M.Kes pinaka Guru Besar Desain Interior ISI Denpasar taler naenang dados Wakil Rektor Widang Akademik kalih periode. Ipun muputang pendidikn ring widang Ergonomi Fisiologi-Kerja ring Universitas Udayana. Kawikanan ipun nglimbak ring wewidangan desain interior, ergonom, lan arsitektur tradisional Bali. Aktif ngaripta desain sane kadasarin antuk budaya lan kamangguhan sane nganggen, taler nyurat karya ilmiah indik ergonomic lan estetika. Pengalaman professional ipun pinaka konsultan desain sane ngukuhangpamargin pembelajaran sane kontekstual lan humanitik. Pendidikan inspiratif sane nyikiang nilai-nilai lokal, riset ilmiah, lan praktek desain risajeroning pamargi pangajah-ajahan.

Prof. Dr. I NYOMAN SEDANA, MA

PROFESSOR DOKTOR I NYOMAN SEDANA, MA. Pembina Utama Gol IV/e, Ph.D University of Georgia, Guru-Besar Teater Tradisional 1-Maret-2006, formulator filsafat ilmu Lingga-Yoni Tatwa-Widya-Lango / Art science philosophy. Penelitiannya dengan dana ASF-Bangkok, ARI-NUS-Singapore, IIAS-Leiden, ICCR-India, Yale-ISM, USA. Penelitian terbanyak dirujuk ‘Teori dan Metode Kreativitas Seni Berbasis Tradisi Kreatif Sanggit / Kawi Dalang. Penghargaan Satyalencana emas-18k Presiden Jokowi; yang dari luar negeri,https://drive.google.com/drive/folders/10DL4a6lKliMfEHDzf5hZOTAhTE1hPy9L?usp=sharing. Buku co-author: Performance in Bali, 60 Tahun Kokar SMKI SMKN Pujaanku, Editor Prosiding Seminar Nasional, Seni Pertunjukan Berbasis Kearifan Lokal. Ratusan karya/ paper/ artikel (‘Traditional Indonesian Theatre’ ) di https://scholar.google.co.id/citations?user=oHrhlY4AAAAJ&hl=id; HaKI Wayang Sutasoma dan karya-karya seni berpotensi HaKI terlihat https://drive.google.com/drive/folders/1YRO5XU6Bo T5xAgkyauaSN3EubXEH3sn?usp=sharing

Prof. Dr. I Kt. Suteja, SST.,M.Sn

2022 Adi Sewaka Nugraha ring wewidangan Tari saking Prov. Bali. Warsa 2025 Bali-Bhuwana Nata Kerthi Nugraha ISI BALI. Warsa 2022 Baris Sudamala Pagelaran Kolosal ring Kediri Jawa Timur. 2023 Film Genderang Wayang Wong Produksi Balai Pelestarian Nilai Budaya Bali 2024. Sendratari Jagra Budaya Bali Dwipa PKB 2024 Bali. 2024 Tari Kreasi Nayaka Bali Nagata, Bali Diner Festival Dubes RI Kazakhstan. 2022 Technology transfer method of Tantri Darmaswami dance theater as a virtual work.

Aktivitas

Loading...