Prodi Animasi - Bali

Program Studi

ANIMASI

seseleh

Program Studi Sarjana Terapan D-4 Animasi ring ISI Bali, sane kawangun duk warsa 2022, pinaka pahan saking Fakultas Seni Rupa lan Desain tur kabungkah madasar antuk Keputusan Menteri Pendidikan, Budaya, Penelitian, lan Teknologi RI Nomor 105/202D. Program studi puniki madue potensi sane ageng sajeroning ngalimbakang sektor industri kreatif ring sektor animasi ring Bali. Antuk ngemargiang kurikulum Kampus Berdampak, program studi puniki satinut ngemargiang Tri Dharma Perguruan Tinggi sane lestari pamekasnyane ring subsektor industri kreatif sane kautamayang inggih punika Animasi. Program studi puniki taler kacumawisang anggen ngawentenang fasilitas majeng ring para sisia sajeroning ngamargiang kawagedan miwah kaweruhan sane kapolihang malarapan antuk kolaborasi sareng industri kreatif lokal miwah nasional, ngicenin pengalaman hands-on sane relevan, miwah jembatan kesenjangan pantaraning jagat akademik miwah kabutuhan industri animasi sane setata nglimbak.

VISI

Ngawentenang Program Studi Animasi pinaka pusat keunggulan ring widang animasi sane
madasar antuk pembelajaran mandiri, kampus mandiri, budaya Bali lokal, miwah daya saing
global.

MISI

Ngamargiang pendidikan tinggi sane berkualitas anggen ngajegang miwah ngalimbakang budaya tradisional Bali pinaka kekuatan kompetitif global.
Nincapang tetilik lan ngayah ring masyarakat sane ngadukung pendidikan lan kemajuan seni, sains, lan teknologi ring widang animasi.
Nglimbakang kolaborasi sane lestari pantaraning lembaga ring widang sane mapaiketan.
Ngukuhang organisasi Program Studi Animasi mangda prasida ngamolihang kinerja sane optimal lan ngantisipasi panglimbak masa.

STRUKTUR ORGANISASI

KOORDINATOR PROGRAM STUDI

I Putu Arya Janottama, S.Sn.,M.Sn

PRANATA LABORATORIUM

–

STAF PROGRAM STUDI

–

DOSEN

Profil Lulusan

Lulusan Program Sarjana Terapan D-4 Animasi prasida ngawitin, ngaryanang desain, ngelaksanayang, lan ngaturang animasi kreatif, inovatif madasar antuk kearifan lokal lan antuk daya saing global. Ipun taler madue kompetensi ngaryanin animasi anggen muputang pikobet-pikobet sosial sane mapaiketan sareng widang animasi.

Pinaka lulusan Program Sarjana Terapan D-4 Animasi ring Fakultas Seni dan Budaya (FSRD) Institut Seni Indonesia (ISI) Bali, ipun madue peran dados peneliti, pencipta, presenter, mentor, lan pengusaha ring widang animasi madasar antuk kearifan lokal, antuk daya saing global nganutin visi, misi, tetujon, lan sasaran program studi.

Pengkaji lan Pembina

Pinaka panilik miwah pembina, ipun maduwe kawagedan analitis miwah kaproyeksiang pinaka konsultan sane prasida ngamargiang pakaryan pinaka peneliti, penulis, pendidik (akademisi), miwah konseptor.

Pangripta

Pinaka Pencipta, ipun kaproyeksiang dados Desainer Animasi lan prasida madue peran ring sajeroning ngarumusang ilmu animasi malarapan antuk praktik penciptaan animasi, taler makarya dados ilustrator, animator, YouTuber, desainer game, lan pencipta konten.

Penyaji lan Wirausaha

Pinaka presenter lan pengusaha, ipun madue kawagedan analitis sane kaproyeksiang dados pengusaha, pengiklan, pengusaha kreatif, lan sutradara seni. Para lulusan puniki madue pasar pakaryan ring perusahaan iklan, media massa, rumah produksi, saluran distribusi, miwah studio, becik ring lokal, nasional, miwah internasional.

Dosen

Program Studi Animasi

I Putu Arya Janottama, S.Sn., M.Sn

I Putu Arya Janottama, S.Sn., M.Sn. ngalanturan pendidikan S1 ring Jurusan DKV ISI Denpasar miwah S2 ring Jurusan Pengkajian Seni Pasca Sarjana ISI Denpasar. Makudang-kudang pameran sane sampun kasarengin olih luiripun: Pameran ring OPUA Library University Okinawa Jepang (2016), Festival Bali Jani (2018), Pameran Virtual Tumpah Rasa Covid-19 (2020), Bali Dwipantara Adirupa (2021), miwah Bali Natta Bhuwana ring Universitas Kristen Petra Surabaya (2022). Kantos mangkin, taler aktif pinaka juri ring makudang-kudang pacentokan minakadi: lomba poster, lomba infografis, kemasan tradisional, mewarnai, animasi, miwah seleksi ilustrator buku cerita. Penilaian punika kamargiang ring tingkat provinsi, nasional, nyantos internasional, sajeroning festival Adikara Rupa, FLS2N, KOPMA, KS2O, miwah Bulan Bahasa Bali.

I Gede Agus Indram Bayu Artha, S.Sn., M.Sn

I Gede Agus Indram Bayu Artha, S.Sn., M.Sn. embas ring Tabanan. Widang ngambar dados hobi saking alit pinaka modal utama sane ngenter dane ngranjing ring jagat ilustrasi. Pakaryan nggambar puniki sampun katelebin saking alit, kantos asring nyarengin makudang-kudang pacentokan saking tingkat SD kantos SMA. Malarapan antuk hobi puniki, dane prasida dados dosen ring paguruan tinggi seni ring Denpasar. Menados dosen miwah ilustrator pancen sampun dados tatujon sane karsayang saking alit. Ngawit warsa 2015, dane sampun dados Dosen Animasi miwah Desain Komunikasi Visual (DKV) ring ISI Bali. Sadurungne, ring warsa 2008, dane taler sampun ngabdian raga dados Guru Multimedia ring SMA PGRI 6 Denpasar. Nyantos mangkin, dane kantun aktif ngamong widang pendidikan pinaka dosen sane ngampu matakuliah animasi miwah desain komunikasi visual. Pinaka silih tunggil seniman, dane sampun ngasilang makudang-kudang karya marupa buku ilustrasi, luiripun: 2 buku cerita bergambar ring warsa 2023, miwah 5 buku cerita bergambar ring warsa 2024 sane kamedalin olih Balai Bahasa Provinsi Bali.

Gede Lingga Ananta Kusuma Putra, S.Sn., M.Sn.

Gede Lingga Ananta Kusuma Putra, S.Sn., M.Sn. ngawit dados dosen ring ISI Denpasar saking warsa 2022. Ngamolihang gelar sarjana miwah magister ring Institut Seni Indonesia Denpasar. Prestasi Nasional miwah Internasional sane sampun kapolihang inggih punika: Jayanti 1 Lomba Mural Digital G20 (2022), Jayanti 1 Lomba Poster Digital BNPB Indonesia ring ajang Tangguh Award (2022), Jayanti 1 Lomba Desain Poster Koenjent Indonesia Tiongkok (2022), Jayanti 1 Lomba Cipta Maskot KPU Kota Denpasar (2015), Jayanti 2 Lomba Ilustrasi Gramedia (2022), Jayanti 2 Lomba Animasi Penerbit Erlangga, miwah Nominator Animasi PLN. Nyantos mangkin, taler sampun ngembasang 33 buku ilustrasi miwah komik, taler 60 buku satua magambar saking Balai Bahasa Provinsi Bali.

I Made Hendra Mahajaya Pramayasa, S.Sn., M.Sn.

I Made Hendra Mahajaya Pramayasa, S.Sn., M.Sn. inggih punika silih tunggil dosen ring Institut Seni Indonesia Bali, Program Studi Animasi. Muputang paplajahan magister ring Institut Seni Indonesia Denpasar. Aktif ngalaksanayang panelitikan miwah nyurat artikel ilmiah sane kawedar ring jurnal nasional miwah internasional. Ipun taler aktif nyarengin pameran saking skala lokal, nasional, nyantos internasional, minakadi pameran Natural Colour, pameran Perupa Bali, Pameran FKI, pameran Bhuwana Kanti Bhakti Tirta Bhuwana, pameran Bali Sangga Dwipantara II, miwah pameran internasional Surya Segara Rupa. Siosan punika,taler aktif ngaryanang gambar ilustrasi buku satua alit-alit. Karya buku ajar sane sampun kekaryanang inggih punika: Mengenal Animasi: Teknik, Teknologi, dan Produksi.

Vanesa Martida, S.Si., M.Sn

Vanesa Martida, S.Si., M.Sn. sampun muputang studi sarjana ring Universitas Udayana miwah magister Seni ring ISI Bali (2023), tur mangkin dados dosen ring Program Studi Animasi, Fakultas Seni Rupa dan Desain ISI Bali. Saking warsa 2012 nyantos 2019, aktif ring Bentara Budaya Bali, taler dados tim kreatif Pesta Kesenian Bali (2020–2024) miwah Festival Bali Jani (2019–2024). Karya seni medianyane mamurda Jaje Sarad sampun kapamerang ring Artidentity (2021). Taler aktif ngripta karya audio visual, tur sampun ngasilang makudang-kudang film pendek miwah dokumenter, minakadi Tantri (2023), Sahasra Warsa Seni Lukis Batuan (2023), Wingkang Ranu (2024), miwah I Made Sija, Sang Guru Loka (2024).