Prodi Tari - Bali

Program Studi

TARI

seseleh

Program Studi Tari sampun kaakreditasi A manut Surat Keputusan BAN-PT Nomor 5248/SK/BAN- PT/Ak-PPJ/S/VIII/2022 ring tanggal 2 Agustus 2022. Program Studi Tari sampun ngadeg ngawit saking kawentuknyane Akademi Seni Tari Indonesia (ASTI) Bali ring warsa 1967. Ring sajarah pangadegang ASTI Denpasar nyantos mangkin dados Institut Seni Indonesia (ISI) Bali, Program Studi Tari pinaka program studi paling lingsir ring ISI Bali. Kawentenan Program Studi Tari kalaksanayang manut Surat Keputusan Direktur Jenderal Pendidikan Tinggi Departemen Pendidikan lan Kebudayaan Republik Indonesia Nomor 252/DIKTI/Kep/1996 ring tanggal 11 Juli 1996, daweg galah punika kasengguh Program Studi Seni Tari. Salanturnyane kawentenan sesengguh saking Program Studi Seni Tari dados Program Studi Tari (Program Sarjana/S1), manut Keputusan Menteri Riset, Teknologi lan Pendidikan Tinggi Nomor 456/KPT/I/2018 ring tanggal 22 Mei 2018.

Program Studi Tari mapanggenan ring panaungan Fakultas Seni Pertunjukan pinaka Unit Pengelola Program Studi (UPPS) lan sane mangkin sampun nganggen kurikulum sane pinih anyar, inggih punika Kurikulum ISI Bali Berdampak indik pangampat kakepah dados pitu semester kalih total bobot Satuan Kredit Semester (SKS) 144 SKS. Kurikulum puniki prasida ngicenin galah sane pinih ageng majeng ring mahasiswa mangda prasida nincapang talenta seni, sangkaning punika mahasiswa Program Studi Tari prasida lulus Pendidikan Strata-1 (S1) pinih gelis sawatara 3,5 warsa.

Ring sajeroning ngamargiang parikrama ring widang pendidikan, mahasiswa Program Studi Tari kabimbing olih dosen sane sampun madue pengalaman ring widang tari antuk kualifikasi Magister (S2), Doktor (S3), lan Profesor (Profesor). Program Studi Tari puniki taler maprakanti sareng Mitra sane kasub utawi Dunia Bisnis lan Industri (DUDI), mawinan para sisia ngamolihang pengalaman belajar langsung antuk tuntunan praktisi sane kompeten ring widangnyane. Penerimaan sisia anyar kamargiang malarapan antuk Seleksi Berbasis Prestasi Nasional (SNBP), Seleksi Berbasis Tes Nasional (SNBT), miwah Seleksi Mandiri sane kalaksanayang olih ISI Bali. Program Studi Tari puniki konsisten nyihnayang peran lan kompetensinyane ring sajeroning ngemargiang Tri Dharma Pendidikan Tinggi pinaka utsaha ngelestariang lan nglimbakang seni tari sane manut ring panglimbak jaman lan IPTEKS, becik ring widang studi tari, kreasi, lan presentasi. Indike punika kacihnayang antuk sayan nincapnyane minat para sisia ngelanturang masekolah ring Program Studi Tari ring ISI Bali sane prasida kapanggih saking sayan nincapnyane ngamolihang mahasiswa nyabran warsa ajaran anyar. Tiosan punika, taler kacihnayang antuk kapercayaan krama miwah instansi pemerintah sane maprakanti antuk nyarengin Program Studi Tari ring makudang-kudang parikrama seni miwah budaya ring undagan daerah, nasional, miwah internasional.

VISI

Visi Program Studi Tari inggih punika dados pusat keunggulan sajeroning ngicenin pendidikan ring widang studi tari miwah kreasi madasar antuk kawicaksanaan lokal antuk perspektif universal.

MISI

Mangda prasida ngawentenang pendidikan tinggi sane berkualitas ring sajeroning
program studi tari.
Ngawentenang tetilik lan kreasi tari sane berkualitas, lan mangda aktif ngamargiang
pelayanan masyarakat anggen nukung pendidikan tari sane madasar antuk ilmu
pengetahuan lan teknologi.
Mangda prasida ngamedalang pikolih seseleh tetilik pakaryan tari saking jurnal ilmiah
sané ngawigunayang teknologi.
Mangda prasida ngawentenang pusat informasi data sane jangkep ring widang tari.
Mangda prasida ngawentenang sistem manajemen akademik sane transparan lan
akuntabel.

STRUKTUR ORGANISASI

KOORDINATOR PROGRAM STUDI

Gusti Ayu Ketut Suandewi, SST., M.Si

PRANATA LABORATORIUM

Azizah Tanjung, S.Sn

STAF PROGRAM STUDI

Ni Luh Lisa Susanti, S.Sn.

DOSEN

Pancaran Matakuliah

Semester I

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI047	Pendidikan Agama	2	I
2	TRI001	Wawasan Seni Balih-balihan Indonesia	2	I
3	TRI002	Babad Sasolahan (Sejarah Tari)	2	I
4	TRI003	Sasolahan Bali (Tari Bali)	2	I
5	TRI004	Olah Angga (Olah Tubuh)	3	I
6	TRI005	Dasar-dasar Pangripta Sasolahan	3	I
7	TRI007	Tata Payas Dresta (Tata Rias Tradisi)	2	I
8	TRI008	Kinesiologi	2	I
9	TRI060	Tembang	2	I

Semester II

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI009	Ngunda Bayu	2	II
2	TRI048	Pangweruhan Kawarganegaraan miwah Anti Korupsi	2	II
3	TRI010	Olah Angga Ngelantur (Olah Tubuh Pengembangan)	3	II
4	TRI011	Pangripta Sasolahan Eksperimental	3	II
5	TRI012	Repertoar Sasolahan Jawa	3	II
6	TRI013	Legong Kuntul-Kuntir	3	II
7	TRI015	Dramaturgi	2	II
8	TRI061	Sasuratan Karya Ilmiah	2	II

Semester III

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI016	Filsafat Sasolahan	2	III
2	TRI017	Deskripsi miwah Analisis Sasolahan	2	III
3	TRI018	Estetika Sasolahan	2	III
4	TRI019	Metode Tegep miwah Pangripta Sasolahan	2	III
5	TRI020	Sasolahan Kekebyaran	2	III
6	TRI021	Legong Bapang-Jobog	3	III
7	TRI022	Repertoar Sasolahan Sumatera	2	III
8	TRI023	Pangripta Sasolahan Wewidangan	3	III
9	TRI024	Pangresepan Sastra	2	III
10	TRI049	Pangweruhan Pancasila miwah Wawasan Kebangsaan	2	III

Semester IV

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI051	Basa Inggris	2	IV
2	TRI025	Seni Balih-balihan Virtual	2	IV
3	TRI026	Tata Pentas miwah Galang	2	IV
4	TRI027	Pangripta Sasolahan Tematik	3	IV
5	TRI028	Sasolahan Topeng	3	IV
6	TRI029	Dramatari Gambuh	3	IV
7	TRI030	Spesialisasi Sasolahan	3	IV
8	TRI031	Kritik Sasolahan	2	IV
9	TRI050	Basa Indonesia	2	IV

Semester V

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI032	Modul Nusantara Maestro Sasolahan	2	V
2	TRI033	Tata Panggung Balih-balihan	3	V
3	TRI034	Tata Payas miwah Busana	3	V
4	TRI035	Repertoar Sasolahan Nusantara	3	V
5	TRI036	Uparengga Balih-balihan	3	V
6	TRI037	Kolaborasi Seni	3	V
7	TRI038	Seni Patopengan	3	V

Semester VI

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI054	Workshop	3	VI
2	TRI055	Seminar	3	VI
3	TRI039	Literasi Sasolahan	2	VI
4	TRI040	Pauningan Sasolahan (Produksi Tari)	6	VI
5	TRI053	Promosi miwah Pemasaran Digital	3	VI
6	TRI052	Studi Kasus	3	VI
7	TRI043	Pangweruhan Sasolahan (Pengkajian Tari)	6	VI
8	TRI046	Sasolahan Ngayah (Tari Mengabdi)	6	VI
9	TRI045	Sasolahan Ngajahin (Tari Mengajar)	6	VI

Semester VII

No.	Lingse (Kode)	Pesengan Widya Ajah (Nama Matakuliah)	SKS	Semester
1	TRI058	Puputing Karya/Skripsi	6	VII
2	TRI059	Munggah Paridanda (Diseminasi)	6	VII
3	TRI041	Literasi Digital Sasolahan	2	VII
4	TRI057	Tata Kelola Ekosistem	3	VII
5	TRI056	Riset Dasar	3	VII

Profil Lulusan

Pencipta

Prasida ngaryanin karya tari anyar sane profesional, kreatif lan inovatif antuk ngutamayang ide-ide asli sane madasar antuk kawicaksanaan lokal antuk perspektif universal.

Pengkaji

Prasida malajahin/nyelehin tari miwah seni budaya sane wenten ring sajebagnyane antuk ilmiah, ngutamayang keaslian pikayun sane madasar antuk kawicaksanaan lokal antuk perspektif universal.

Penyaji

Prasida malajahin/nyelehin tari miwah seni budaya sane wenten ring sajebagnyane antuk ilmiah, ngutamayang keaslian pikayun sane madasar antuk kawicaksanaan lokal antuk perspektif universal.

Pembina

Prasida ngelatih, ngajahin, lan ngeregenerasi pragina ring lembaga pendidikan non formal, taler inventarisasi sasolahan.

Wirausaha

Prasida ngawetuang, ngajegang, ngedistribusiang, miwah ngadol makudang-kudang produk seni pertunjukan sane madasar antuk prinsip-prinsip seni, etika, moral, adat istiadat, miwah budaya.

Aktivitas

Hasil Karya TUGAS Akhir

Dosen

Program Studi Tari

I Gede Oka Surya Negara, SST.,M.Sn

I Gede Oka Surya Negara, SST., M.Sn. embas ring Denpasar, tanggal 3 Januari 1965. Pakaryan ida pinaka dosen ring Prodi Tari ring STSI Denpasar saking warsa 1991 kantos mangkin (sane mangkin mapesengan ISI Denpasar/Bali). Ida muputang paplajahan Program Studi S2 (Penciptaan Seni) ring ISI Surakarta ring warsa 2007.Karya seni sane sampun kakaryanin olih ida, inggih punika: Tari Ketug Bumi (Pawai PKB), Tari Gerhana Bulan Merah (Kolaborasi Seni), Tari Bali Dwipa Jaya (Tari Kebesaran Prov. Bali), Tari Kebyar Andrepati, Tari Legong Prasita, Tari Baris Sesandaran, Tari Manguwilasa, Oratorium WADANTARA, Tari Padma Bhuwana, Tari Kembang Rijasa, Tari Peed Aya Dang Mredangga Siwa Nataraja, Sendratari Sindhu Sadhu Wastu, Tari Kekuwung Ranu, Tari Baris Arjuna Tapa, Tari Presisi Nusantara Polda Bali, Tari Baris Amerta Gangga, miwah Tari Pawai Gong Guwung Gumi. Sajeroning ngripta sesolahan, ida taler aktif nyurat karya ilmiah.

I Gede Radiana Putra

I Gede Radiana Putra, dosen ring Institut Seni Indonesia (ISI) Bali, embas ring Denpasar, tanggal 3 Januari 1993. Ida pinaka sang pragina tur pangripta seni sesolahan Bali. Ngawit malajah ngigel saking alit, ipun nindihin makudang-kudang soroh tari klasik utamanipun tari Barong. Ida muputang paplajahan S1 ring ISI Yogyakarta (2015) miwah S2 ring Program Pascasarjana ISI Yogyakarta (2017) sajeroning minat studi Penciptaan Seni (Tari). Saking warsa 2015, ipun ngawit aktif pinaka pembina kesenian (pengabdian masyarakat), pangripta tari klasik taler kontemporer. Saking pakaryan kreatif ipune, sampun metu makudang-kudang karya seni tari. Akeh ring pantarannyane sampun kasolahang ring makudang-kudang dudonan acara miwah festival seni, becik punika ring tingkat lokal, nasional, miwah internasional.

Made Ayu Desiari, S.Sn., M.Sn.

Made Ayu Desiari, S.Sn., M.Sn. (Dek Yu) embas ring Gianyar, tanggal 24 Desember 1991. Saking mayusa pitung warsa, ipun sampun nindihin seni sesolahan (tari), tur ring warsa 2019 ngeranjing pinaka dosen ring Institut Seni Indonesia (ISI) Denpasar sajeroning Program Studi Tari.

Ngawit warsa 2009, ida ngawit nincapang kawagedan olah vokal (nembang) sane pinaka pahan mabuat ring seni pertunjukan Bali, mawinan ipun mokusang tatilikan (penelitian) ring kesenian dramatari tradisi minakadi Arja, Gambuh, miwah Calonarang. Pinaka pragina tur akademisi, ida sampun masolah ring dura negara minakadi Amerika, Australia, Cina, miwah Thailand. Kakawian (karya) miwah tatilikan sane sampun kakaryanin, sampun kabaosang ring makudang-kudang forum nasional taler internasional.

Mentari Varianda M.Sn

Mentari Varianda, M.Sn. embas tur ageng ring Pariaman, Sumatera Barat. Ipun sampun nindihin seni sesolahan (tari) miwah olah vokal saking sekolah dasar, sane ngaterang ida muputang paplajahan S1 ring warsa 2015 miwah S2 ring warsa 2021 ring ISI Padangpanjang sajeroning Minat Penciptaan miwah Pengkajian Seni (Tari), antuk tatilikan (penelitian) ngenenin indik Dramaturgi tari.

Makudang-kudang dudonan acara kesenian sampun naenin karauphin, becik punika ring tingkat nasional taler internasional, minakadi ring Taiwan, Thailand, Korea Selatan, miwah Romania. Kantos mangkin, ida kantun aktif ring komunitas miwah festival seni budaya utamanipun seni tari ring Indonesia. Ipun ngawit dados dosen aktif ring ISI Bali ring warsa 2025.

Ni Komang Sri Wahyuni, SST., M.Sn

Ni Komang Sri Wahyuni, SST.,M.Sn lahir di Tejakula 15 Desember 1967. Profesi sebagai dosen dan mulai aktif nengajar di Sekolah Tinggi Seni Indonesia (STSI) Denpasar pada Tahun 1994 sampai sekarang. Menyelesaikan Program Studi S2 di ISI Surakarta minat Penciptaan Seni pada tahun 2007. Adapun karya seni yang diciptakan; Tari Kebesaran Prov. Bali "Bali Dwipa Jaya" (2012), Tari Kebesaran Poli Tehnik Negeri Bali (2013), Tari Rejang Pakuluh (2016), Tari Kebyar Andrepati (2018), Tari Legong Prasita (2019), Tari Bali Padma Bhuwana (2019), Oratorium WADANTARA (2019-2021), Tari Rejang Pudak Amerta Segara (2022), Peed Aya Dang Mredangga Siwa Nataraja (2023), Tari Sekar Gadung (2023), Tari Pependetan Sudhamala (2024), Fragmen Cak Penobatan Gajah Mada (SIKL, 2024), Tari Tik Gelatik (2025), Sendratari Metu Bhuana Manu (2025), Tari Cancala – Bhuwana – Chandika (2025), Maskot Desa Mambal (2025). Selain karya seni, juga aktif menulis karya ilmiah.

Ni Nyoman Kasih, SST., M.Sn.

Ni Nyoman Kasih, SST., M.Sn., embas ring Mas, Ubud, Gianyar ring tanggal 20 Oktober 1964. Ipun ngawit ngajahin ring Sekolah Tinggi Seni Indonesia (STSI) Denpasar ring warsa 1993, sane mangkin sampun magentos dados ISI Bali. Ipun muputang paplajahan S2 ring ISI Yogyakarta sajeroning minat penciptaan seni ring warsa 2002.

Tiosan pinaka dosen tatap ring Prodi Tari, ipun taler ngajahin ring fakultas liyanan. Tatilikan (penelitian) sane sampun kakaryanin olih ipun minakadi Lukat: Transformasi Realitas ke Dalam Karya Seni Digital miwah Daksa Curse Lord Siwa. Ipun taler aktif nyurat karya ilmiah ngenenin indik strategi mlajahin tari, kawigunan tari tradisional, miwah interpretasi estetika simbolisme sajeroning seni pertunjukan.

Ni Wayan Suartini, M.Sn.

Ni Wayan Suartini, M.Sn., embas ring Kuta, Badung, pinaka pragina, dosen, miwah pangripta seni sesolahan Bali. Ipun nindihin makudang-kudang soroh tari klasik miwah kreasi anyar, tur maduwe kawagedan sajeroning widang seni pertunjukan tari Bali. Ngawit ngajahin saking warsa 1997 miwah polih gelar Magister Seni Penciptaan ring ISI Yogyakarta. Ipun taler maduwe Sertifikat Kompetensi Seni Pertunjukan kualifikasi pragina (2024).

Kakawian (karya seni) sane sampun kakaryanin olih ipun, inggih punika: Sandya Duhkita, Cempaka: Bunga Ritual Sakral Masyarakat Bali, Legong Dedari, Rejang Shanti, Murdha Nata Dahayuning Gringsing, Murdha Nata Tirtasari, miwah Sri Jaton Linuwih.

Prof. Dr. Ni Made Ruastiti, SST., M.Si.

Prof. Dr. Ni Made Ruastiti, SST., M.Si., Guru Besar sajeroning widang Seni Pertunjukan Pariwisata, ngawit pakaryan akademik ring ISI Bali pinaka dosen ring Program Studi S1 Tari (1992). Paplajahan S1 kapuputang ring ISI Bali, S2 miwah S3 ring Kajian Budaya Universitas Udayana.

Ipun pinaka dosen berprestasi (2018) tur Guru Besar istri kapertama ring ISI Bali (2021). Ipun sampun polih makudang-kudang hibah kompetitif nasional Kemendiktisaintek: Seni Pertunjukan Lansia (1996-1999); Wayang Wong Milenial (2000-2003); Seni Pertunjukan Anak Usia Dini (2001-2004); Pemberdayaan Perempuan Melalui Inovasi Seni Pertunjukan Pariwisata (2025-2026). Pinaka reviewer riset LPDP Kemenkeu (2010-kantos mangkin) miwah reviewer riset Kemendiktisaintek (2023-kantos mangkin), ipun sampun ngamedalang makudang-kudang cakepan (buku), HKI, jurnal nasional, taler jurnal internasional bereputasi.

Anak Agung Ayu Mayun Artati, SST., M.Sn.

Anak Agung Ayu Mayun Artati, SST., M.Sn., embas ring Banjar Buruan, tanggal 27 Desember 1964. Ida pinaka dosen miwah seniman tari sane maduwe kawagedan sajeroning Tari Palegongan miwah Dramatari Arja sane ngangge tembang Bali pinaka dresta ngeraos (dialog). Ida ngawit ngajahin ring Prodi Tari FS-P ISI Bali saking warsa 1990.

Kakawian (karya seni) sane sampun kakaryanin olih ida, inggih punika: Stairya Wasundari, Palegongan Sutasoma, Stuti Puja, Sasih Keenam, Ganesha Mahawira, miwah Murda Nata Dewi Prawrddhi. Tiosan punika, ida taler aktif pinaka koreografer ring makudang-kudang sesolahan ring ISI Bali. Tatilikan (penelitian) sane sampun kakaryanin minakadi Buku Referensi Tari Bali miwah Pengembangan Desain Pembelajaran Tari ring Sekolah Dasar, taler nyurat artikel minakadi Tari Aguru miwah Tata Rias Wajah Penari Bali.

Anak Agung Ketut Oka Adnyana, SST., M.Si.

Anak Agung Ketut Oka Adnyana, SST., M.Si. (Gung Oka), embas ring Panjer, Denpasar, tanggal 5 November 1962. Ida pinaka dosen ISI Bali sane kaloktah antuk kadiplinan, maduwe rasa tanggung jawab, tur tansah mapiuning (semangat) sajeroning makarya. Ida nindihin seni sesolahan (tari) tradisi Bali saking sekolah dasar tur aktif ngripta karya tari, becik punika kararianin niri (individu) utawi kolaborasi ring tingkat nasional miwah internasional.

Ida ngawit ngajahin ring Jurusan Tari ISI Bali saking warsa 1990. Ida muputang paplajahan S1 Seni Tari ring STSI Denpasar (1989) miwah S2 Ilmu Agama dan Kebudayaan ring Universitas Hindu Indonesia (2016). Ida naenin polih Juara I lomba pidarta basa Bali ring Kota Denpasar (2020) miwah Juara II ring tingkat Provinsi Bali (2021).

I Putu Bagus Bang Sada Graha Saputra, S.Sn., M.Sn

I Putu Bagus Bang Sada Graha Saputra, S.Sn., M.Sn. pinaka pangripta sesolahan (koreografer), manggala tur sane nuwenang komunitas seni Bang Dance Studio, taler pinaka dosen muda ring ISI Bali saking warsa 2019. Ipun muputang paplajahan S1 ring ISI Yogyakarta (2015) miwah S2 ring Program Pascasarjana ISI Yogyakarta (2017) sajeroning minat studi Penciptaan Seni (Tari).

Ipun aktif ngripta karya-karya tari kontemporer sane sampun kasolahang ring tingkat nasional miwah internasional saking warsa 2014 kantos 2025. Tiosan punika, ipun taler aktif nyarengin parikrama seni ring tingkat nasional miwah internasional, mokusang tatilikan (penelitian), ngamedalang karya ilmiah sane kawedar ring jurnal nasional, HKI, taler aktif ngelaksanayang pengabdian masyarakat.

I Wayan Adi Gunarta, S.Sn., M.Sn

I Wayan Adi Gunarta, S.Sn., M.Sn. pinaka pangripta sesolahan (koreografer) miwah akademisi sane aktif sajeroning tatilikan (penelitian) tur ngripta tari. Ipun muputang paplajahan S1 ring ISI Bali (2011) miwah S2 ring Program Pascasarjana ISI Yogyakarta (2013) sajeroning minat studi Penciptaan Seni (Tari).

Pakaryan akademik ipune pinaka dosen Program Studi Tari ISI Bali kakawitin saking warsa 2015 tur polih amongan pinaka Kepala Laboratorium Program Studi Tari periode warsa 2021-2025. Ipun sampun ngripta karya tari sane kasolahang ring tingkat nasional taler internasional, ngamedalang publikasi ilmiah ring jurnal nasional, miwah HKI. Ipun polih Penghargaan Adhyapaka Nata Kerthi Nugraha ISI Bali pinaka Dosen Berkinerja Sangat Baik (2023) miwah Dosen ASN Berkinerja Penggerak (2024).

Suminto, S.Ag., M.Si.

Suminto, S.Ag., M.Si., embas ring Banyuwangi, tanggal 18 Desember 1978, pinaka silih tunggil dosen ISI Bali sane seneng ring widang tembang Jawa. Ida ngawit pakaryan akademik saking warsa 2005, kapasangang ring Prodi Tari, tur maduwe latar belakang paplajahan S1 Filsafat Agama ring STAHN Denpasar (2004) miwah S2 Kajian Budaya ring Fakultas Sastra Universitas Udayana (2011).

Ida polih penghargaan Satya Lencana Karya Satya X ring warsa 2023 miwah penghargaan Adhyapaka Nata Kerti Nugraha ring warsa 2024 saking ISI Denpasar pinaka dosen ASN antuk kinerja sane dahat becik (sangat baik).

I Ketut Sutapa, SST., M.Sn

I Ketut Sutapa embas ring Denpasar, tanggal 9 Agustus 1966. Ipun pinaka silih tunggil dosen saking Program Studi Tari sane aktif ngripta makudang-kudang karya seni miwah tatilikan (penelitian). Ipun muputang paplajahan S2 ring ISI Surakarta ring warsa 2007 sane ngawinang ipun pinaka pangripta sesolahan (koreografer) sane waged sajeroning ngripta karya-karya kontemporer inovatif.

Ipun sampun ngabdian kaweruhan idane ring ISI Bali saking warsa 1992. Kawagedan sane kagentenin taler sampun kasumbangang ring makudang-kudang parikrama lokal miwah internasional, minakadi pinaka pembina sajeroning sesolahan pamebah (pembukaan) PKB nyabran warsa, nuntun tim kesenian saking Universiti Malaya Malaysia (2023), taler ngajahin ngigel ring Petchaburi Thailand (2025). Ipun taler polih penghargaan pinaka dosen antuk kinerja sane dahat becik saking ISI Bali.

Dr. Ida Ayu Wayan Arya Satyani, S.Sn., M.Sn

Kaloktah kapesengin Dayu Ani, ida pinaka dosen sane sampun nindihin widang koreografi saking mayusa pat welas warsa ring Sanggar Maha Bajra Sandhi, raris muputang paplajahan sajeroning minat penciptaan seni ring ISI Bali saking S1 kantos S3. Gambuh Masutasoma pinaka karya disertasi idane ring warsa 2024.

Ida naenin nyarengin Body Tjak The Celebration sareng I Wayan Dibia miwah Keith Terry (San Francisco, 1999), pinaka pangripta sesolahan (koreografer) The Missing Sun sane kasutradarain olih Nelson Chia (Singapura, 2000-2001), Cultural Olympiad sareng Maha Bajra Sandhi (Athena, 2004), film miwah teater tari The Seen and Unseen sane kasutradarain olih Kamila Andini (2017-2021), taler film Samsara kakawian Garin Nugroho, ring warsa 2024.

Gusti Ayu Ketut Suandewi, SST., M.SI

Embas ring Denpasar, tanggal 12 Juli 1965. Ida muputang paplajahan SMA ring SMKI (Sekolah Menengah Karawitan Indonesia) Jurusan Tari ring warsa 1986, raris nincapang masekolah ring ASTI Jurusan Tari pinaka mahasiswa TID (Tenaga Ikatan Dinas) tur puput ring warsa 1990. Ida katerima pinaka PNS (Dosen) tatap ring STSI ring warsa 1992. Ida raris ngelanturang kuliah S2 ring Universitas Udayana Program Studi Kajian Budaya warsa 1999-2001.

Ida sampun ngamedalang makudang-kudang tatilikan (penelitian), karya seni, jurnal ilmiah, taler HKI. Ida taler polih makudang-kudang piagam penghargaan pinaka juri tari, penghargaan saking KBRI ring Jerman, Adyapaka Nata Kerthi Nugraha (Dosen Penggerak, dosen antuk kinerja sane dahat becik), miwah Satya Lencana Karya Satya 10 warsa, 20 warsa, taler 30 warsa.

Kompiang Gede Widnyana, SST., M Hum.

Kompiang Gede Widnyana embas ring Banjar Munggu, Mengwi, Badung ring warsa 1963. Ipun muputang paplajahan ring SMKI ring warsa 1984, raris nincapang masekolah ring ASTI Denpasar tur puput ring warsa 1988 antuk garapan sane mamurda Ken Arok. Saking warsa 1991, ipun ngawit pakaryan pinaka dosen PNS antuk jabatan Lektor. Ipun muputang paplajahan S2 ring Universitas Gadjah Mada, Jurusan Pengkajian Seni Pertunjukan, ring warsa 1999 antuk tesis sane mamurda I Made Bandem: Tokoh Seniman Bali, Sebuah Biografi.

Ipun aktif nyurat artikel, jurnal, prosiding, HKI, taler ngripta karya tari. Ipun pinaka dosen sane ngajarin mata kuliah teori seni, filsafat tari, estetika tari, miwah kritik tari. Ipun taler polih penghargaan Satya Lancana Karya XXX.

I Wayan Sutirtha, S.Sn., M.Sn

I Wayan Sutirtha ngamongan tugas ring ISI Bali saking warsa 2003. Paplajahan S1 kapuputang ring STSI Denpasar miwah paplajahan S2 ring ISI Surakarta. Ring warsa 2001, ida ngadegang Sanggar Lokananta sajeroning nincapang kawagedan para pragina pinaka panyokong budaya Bali sane adiluhung.

Ipun sane embas ring warsa 1973 ring desa Singapadu puniki, sampun naenin makudang-kudang ngerauphin taler masolah ring dura negara minakadi ring Jepang, India, Singapore, miwah Australia. Ipun taler sampun ngripta makudang-kudang karya seni sane kasolahang ring parikrama nasional miwah internasional. Ring warsa 2023, ida polih penghargaan Satya Lencana Karya Satya X, taler ring warsa 2024 polih penghargaan Adhyapaka Nata Kerti Nugraha saking ISI Denpasar pinaka dosen ASN antuk kinerja sane dahat becik.

Sulistyani, S.Kar., M.Si.

Sulistyani, S.Kar., M.Si., embas ring Trenggalek, tanggal 24 April 1963. Ipun ngawit masekolah S1 ring ASKI Surakarta sajeroning widang ilmu Seni Tari ring warsa 1988, raris muputang paplajahan Magister Kajian Budaya ring warsa 2005 ring Universitas Udayana. Mangkin, ipun aktif ngajahin ring Institut Seni Indonesia (ISI) Bali antuk jabatan fungsional Lektor Kepala IV/b.

Ipun ngamong tugas ring Program Studi Tari tur ngajahin makudang-kudang mata kuliah minakadi Tari Klasik Gaya Surakarta, Repertoar Tari Nusantara, Tata Rias Tradisi, taler Tata Rias miwah Busana sane pinaka widang kawagedan ipune. Sajeroning nindihin widang Seni Tari, sampun akeh karya sane kakaryanin, pamekasne Tari Deeng Nusantara, Bedhayan Padmaswari Kalpa, miwah makudang-kudang karya penata busana sane sampun polih HKI. Ring widang Pengabdian Masyarakat, ipune naenin nyarengin parikrama Promosi Indonesia sajeroning Festival Nusantara ring warsa 2023.