Prodi Seni Karawitan - Bali

Program Studi

KARAWITAN

Deskripsi

Program Studi Seni Karawitan, Fakultas Seni Pertunjukan ISI Bali, katangiang ngardinin sujana sane kawistara lan waged ring widang seni karawitan, nganutin Kerangka Kualifikasi Nasional Indonesia (KKNI) undagan sane kaping 6. Kurikulum program studi puniki nuekang tigang widang kompetensi utama, inggih punika pinaka pengkaji, pencipta, lan penyaji seni karawitan.

Para sujana sane kakardinin presida ngemargiang tetilik utawi kajian sane nepek ring pakibeh jagat kabaos kritis lan kontekstual, utaminipun ring widang karawitan; wikan ngeripta gending utawi komposisi inggian marupa tradisi, inovasi, kontemporer, miwah digital; tur wikan ngabetang tatikasan miwah teknik sane lengut ngulangunin ring sajroning pagelaran utawi penyajian. Siosan ring punika, para sujana sane kakardinin naler maduwe kawikanan pinaka pembina (instruktur, pelatih, utawi pengajar) lan wirausahawan ring widang seni karawitan.

Gelar akademik sane kapiolihang inggih punika Sarjana Seni (S.Sn), sane andel tur ngarepang sajroning upaya pelestarian, pengembangan, miwah pemajuan seni karawitan ring tingkat lokal, nasional, miwah internasional.

VISI

Visi Program Studi Karawitan inggih punika dados pusat keunggulan sajeroning ngicenin pendidikan ring widang melajahin miwah ngaryanin karawitan sane kadasarin antuk kearifan lokal antuk perspektif universal.

MISI

Ngawentenang perguruan tinggi sane berkualitas ring widang karawitan.
Ngawentenang penelitian lan penciptaan karawitan sane berkualitas, lan mangda aktif ngamargiang pelayanan masyarakat, ngadukung pendidikan gamelan sane madasar antuk ilmu pengetahuan lan teknologi.
Mangda prasida ngamedalang pikolih tetilik miwah pakaryan karawitan malarapan antuk jurnal ilmiah sane ngawigunayang teknologi.
Ngawentenang pusat informasi data sane jangkep ring widang karawitan.
Mangda prasida ngawentenang sistem manajemen akademik sane transparan lan akuntabel.

STRUKTUR ORGANISASI

KOORDINATOR PROGRAM STUDI

I Made Dwi Andika Putra,S.Sn.,M.Sn

PRANATA LABORATORIUM

STAF PROGRAM STUDI

DOSEN

Pancaran Matakuliah

Semester I

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR048	Pendidikan Agama	2	I
2	KAR001	Tetabuhan Nusantara	3	I
3	KAR002	Wit Pangripta Seni Karawitan	2	I
4	KAR003	Pangweruhan Seni Balih-balihan Indonesia	2	I
5	KAR005	Pangweruhan Karawitan Bali	2	I
6	KAR006	Repertoar Karawitan Klasik	3	I
7	KAR007	Notasi miwah Transkrip Karawitan	2	I
8	KAR008	Pamungkah Teori Karawitan	2	I
9	KAR016	Sosiologi Karawitan	2	I

Semester II

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR009	Metode Sasuratan Ilmiah	2	II
2	KAR010	Babad Multikultur Kalulutann Indonesia	2	II
3	KAR011	Estetika Karawitan	2	II
4	KAR012	Babad Karawitan (Sejarah Karawitan)	2	II
5	KAR014	Dasar-dasar Musik Kawan (Barat)	2	II
6	KAR049	Pangweruhan Kawarganegaraan miwah Anti Korupsi	2	II
7	KAR062	Karawitan Sekaa Truna (Golongan Tua)	3	II
8	KAR063	Karawitan Dresta (Tradisi)	3	II
9	KAR064	Riptan Karawitan Sasolahan (Komposisi Karawitan Tari)	2	II

Semester III

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR050	Pangweruhan Pancasila miwah Wawasan Kebangsaan	2	III
2	KAR017	Transkripsi miwah Analisa Karawitan	2	III
3	KAR018	Tembang	3	III
4	KAR019	Metode Pangripta miwah Pangweruhan Seni Karawitan	2	III
5	KAR020	Tetabuhan Digital (Musik Digital)	2	III
6	KAR022	Pangresepan Sastra Bali	2	III
7	KAR023	Karawitan Spesialisasi	2	III
8	KAR024	Pangajap Seni (Apresiasi Seni)	2	III
9	KAR065	Kewirausahaan Karawitan	2	III
10	KAR066	Riptan Karawitan Kreasi Baru	3	III

Semester IV

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR052	Basa Inggris	2	IV
2	KAR025	Nata Pauningan (Manajemen Produksi)	2	IV
3	KAR026	Organologi	2	IV
4	KAR027	Etnomusikologi	2	IV
5	KAR028	Karawitan Arja miwah Dramatari (Teater Tradisional)	3	IV
6	KAR030	Tetabuhan Hibrid (Musik Hibrid)	2	IV
7	KAR031	Teknologi Seni Balih-balihan	2	IV
8	KAR032	Filsafat Seni Karawitan	2	IV
9	KAR051	Basa Indonesia	2	IV
10	KAR067	Riptan Tetabuhan Kontemporer	3	IV

Semester V

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR033	Modul Nusantara Maestro Karawitan	2	V
2	KAR035	Tetabuhan Ilustrasi (Musik Ilustrasi)	3	V
3	KAR037	Kecak	3	V
4	KAR068	Paplajahan Gamelan Gong Gede	3	V
5	KAR069	Paplajahan Gamelan Baleganjur	3	V
6	KAR070	Paplajahan Gamelan Gong Kebyar	3	V
7	KAR071	Karawitan Eksperimental	3	V

Semester VI

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR056	Seminar	3	VI
2	KAR053	Studi Kasus	3	VI
3	KAR054	Promosi miwah Pemasaran Digital	3	VI
4	KAR055	Workshop	3	VI
5	KAR040	Literasi Karawitan	2	VI
6	KAR047	Karawitan Ngayah (Karawitan Mengabdi)	6	VI
7	KAR044	Pangweruhan Karawitan (Pengkajian Karawitan)	6	VI
8	KAR041	Pauningan Karawitan (Produksi Karawitan)	6	VI
9	KAR043	Ekonomi Kreatif Karawitan	6	VI
10	KAR072	Karawitan Ngajahin (Karawitan Mengajar)	6	VI

Semester VII

No	Lingse (Kode)	Pesengan Widya Ajah (Nama Matakuliah)	SKS	Semester
1	KAR057	Riset Dasar	3	VII
2	KAR058	Tata Kelola Ekosistem	3	VII
3	KAR042	Literasi Digital Karawitan	2	VII
4	KAR059	Puputing Karya/Skripsi	6	VII
5	KAR060	Munggah Paridanda (Diseminasi)	6	VII

Profil Lulusan

Pencipta

Lulusan sampun nguasayang teori, konsep, prinsip, miwah teknik komposisi karawitan, taler prasida ngaryanin karya antuk kreatif miwah inovatif. Ipun ngresepang aspek kebijaksanaan manusa, lingkungan, lan lokal sane ngadukung proses kreatif. Ipun waged ring gamelan tradisional, budaya lokal miwah internasional, tur madue kawagedan presentasi, manajerial, miwah kepemimpinan. Ipun waged saking pakaryan kolaboratif lintas disiplin, aplikasi komposisi madasar komputer, lan ngartiang standar konstruksi lingkungan seni. Tiosan ring punika, ipun madue sensitivitas seni, intuisi estetika, miwah pangresep indik etika miwah profesionalisme profesional.

Pengkaji

Madué panguasaan metode seseleh, pola pikir ilmiah, miwah sensitivitas ring pikobet ring jagat sekala. Mampu analisis kritis, nglimbakang konsep kinerja, lan ngamedalang artikel ilmiah ring widang karawitan. Kalengkapin antuk wawasan seni sane jimbar, rumasuk penguasaan karawitan tradisional miwah budaya lokal miwah internasional.

Penyaji

Penguasaan ring produk, bahan, konsep, miwah filosofi karawitan tradisional Bali. Kawagedan nglimbakang konsep, estimasi biaya, miwah spesifikasi teknis antuk karawitan Bali. Nyihnayang sensitivitas ring pikobet-pikobet krama miwah pangresepan indik studi lingkungan miwah kawicaksanaan lokal anggen nukung pakaryan kreatif. Nyihnayang kawagedan manajerial sane wenten.

Dosen

Program Studi Karawitan

I Gde Made Indra Sadguna Ph.D.

I Gde Made Indra Sadguna polih gelar Ph.D. ring widang Etnomusikologi saking Florida State University. Paplajahan nika kasokong olih program Fulbright-DIKTI. Dané pinaka dosén ring ISI Denpasar sané nindihin indik gamelan Bali. Pinaka pragina karawitan, dané dados Artist in Residence tur sampun masolah ring makudang-kudang negara minakadi Australia, Jepang, Singapura, Thailand, India, Malaysia, Kanada, miwah Amerika Serikat. Tiosan dados pragina, Ipun taler nureksain indik sakancan seni ring Bali, minakadi kapiolangan (kompleksitas) miwah improvisasi tetabuhan kendang Bali, organologi instrumen gamelan, tur nureksain paiketan pantaraning tabuh miwah igel-igelan ring seni pertunjukan Bali. Pikolih nureksain nika sampun kawedar ring jurnal miwah konferensi tingkat nasional miwah internasional.

Prof. Dr. Ni Ketut Dewi Yulianti, M.Hum., M.Sn.

Prof. Dr. Ni Ketut Dewi Yulianti, M.Hum., M.Sn. muputang paplajahan S3 Linguistik ring Universitas Udayana duk warsa 2016, tur ring warsa 2024 kasukserayang pinaka Guru Besar sajeroning widang keahlian linguistik kabudayaan. Makudang-kudang jayanti sané sampun kapolihang minakadi Dosén Berprestasi (2017), Penerjemah Terpilih Balai Bahasa (2022), miwah ASN Berkinerja Sangat Baik (2024).

Ring warsa 2025, dané kaundang masolah ring International Ramayana Festival ring India malarapan antuk karya sané mamurda The Search for Sita. Sesuratan (penelitian) dané nindihin widang linguistik miwah seni budaya, sané sampun ngembulang makudang-kudang karya drama tari, luiré The Mercy of Durga Dev miwah The Blessing of Siva–Visvapujita. Pikolih sesuratan ilmiah dané sampun kawedar ring jurnal nasional miwah internasional sané terindeks, minakadi Panggung, Viperarts, JLTR, miwah JKB.

Wardizal, S.Sen.,M.Si

Wardizal, embas ring Agam, Sumatera Barat duk tanggal 24 Juni 1966. Paplajahan pinih untat kamargiang ring Program Pascasarjana (S2) Kajian Budaya Universitas Udayana (2001). Widang keahlian dané nindihin indik kajian budaya miwah seni karawitan. Makudang-kudang jayanti (penghargaan) sané sampun kapolihang, luiré Satya Lencana 10 warsa saking Presiden Susilo Bambang Yudhoyono (2005) miwah Satya Lencana 20 warsa saking Presiden Joko Widodo (2015).

Dané masiat pisan ngalaksanayang sesuratan (penelitian) ring widang seni antuk tetilik keilmuan kajian budaya. Sesuratan pinih anyar mamurda Monumentalisme dalam Seni Pertunjukan Bali (pinaka anggota) ring warsa 2024. Makudang-kudang sesuratan ilmiah dané sampun kawedar ring jurnal terakreditasi Nasional minakadi Kalangwan (ISI Denpasar), JOMSTI (ISI Bali), miwah Dewa Ruci (ISI Surakarta).

I Kadek Agus Cahaya Suputra, S.Sn., M.Sn

I Kadek Agus Cahaya Suputra, S.Sn., M.Sn., embas ring Ubud, duk tanggal 16 Agustus 1995. Pakaryan dané pinaka Dosén tur ngawit masiat ngajahin ring Institut Seni Indonesia (ISI) Denpasar saking warsa 2024 rauh mangkin sané sampun dados ISI Bali. Dané muputang paplajahan S2 Seni nindihin minat Pengkajian Seni ring ISI Denpasar warsa 2020. Yadiastun pinaka Dosén Tetap ring Prodi Seni Karawitan, dané taler naenin ngajahin lintang Fakultas ring ISI Bali.

Sajeroning widang musik, dané sampun nyarengin makudang-kudang parikrama sareng Gamelan Yuganada, luiré Samudra Murti (2022), Nyapuh Tirah Campuhan (2022), Sudamala ring Jakarta (2022), Cosmopolis Festival (2022), Taksu Production ring Malaysia (2019), Armour and Skin Production ring Malaysia (2019), Chingay Parade ring Singapura (2016), Ramayana Festival ring India (2015), Pesta Kesenian Bali (PKB), miwah Best of IBM Music Production (2011-2018).

Drs. I Ketut Muryana, M.Si

Drs. I Ketut Muryana, M.Si. embas ring Banjar Mukti, Singapadu, Gianyar duk warsa 1961. Dané muputang paplajahan ring SMKI Denpasar (1980), raris nuntun S1 Antropologi ring Universitas Udayana (1986), miwah S2 Kajian Budaya ring universitas sané pateh (2006). Ngawit warsa 1989, dané dados dosén ring STSI Denpasar sané mangkin sampun dados ISI Denpasar, tur ngajahin ring makudang-kudang program studi minakadi Karawitan, Fotografi, Tari, Pedalangan, Musik, miwah Seni Pertunjukan. Dané masiat pisan nureksain (meneliti) makudang-kudang widang budaya miwah seni, luiré indik pengerajin patung ring Singapadu (1993), fungsi Topeng Rangda (1994), seni pertunjukan Bali Kuna (1996), akulturasi budaya Cina ring kesenian Bali (2000), Gamelan Gong Kebyar (2010), karya I Wayan Jebeg (2011), miwah eksistensi Gamelan Luang ring Singapadu (2018). Segehan (sebagian besar) sesuratan dané kasokong olih pendanaan institusi miwah pamerintah. Karya-karya dané mapikenoh pisan sajeroning ngajegang miwah nincapang seni tradisi Bali malarapan antuk widang akademik miwah parilaksana langsung ring lapangan.

I Made Dwi Andika Putra, S.Sn., M.Sn

I Made Dwi Andika Putra, S.Sn., M.Sn., muputang paplajahan Magister Seni (S2) ring Pascasarjana Institut Seni Indonesia Denpasar warsa 2016. Mangkin dané dados Dosén ring Prodi Seni Karawitan sajeroning widang Penciptaan Seni Karawitan. Jayanti (penghargaan) sané sampun kapolihang luiré Adhyapaka Nata Kerti Nugraha warsa 2023 miwah 2024.

Dané masiat pisan pinaka Komposer, Musisi, miwah Juri Seni Karawitan ring tingkat Lokal, Nasional, miwah Internasional. Tiosan ring punika, Andika taler nyurat karya ilmiah sané kawedar ring jurnal nasional miwah internasional, minakadi: Jurnal Pengabdian Masyarakat “Abdi Widya”, Jurnal Dance & Theatre Review, miwah International Journal of Visual and Performing Arts.

Ni Putu Hartini,S.Sn.,M.Sn

Ni Putu Hartini embas ring Denpasar duk tanggal 29 April 1985. Dané muputang paplajahan Magister Seni (S2) ring Program Pascasarjana Studi Seni Institut Seni Indonesia Denpasar, nindihin widang keahlian kajian seni karawitan. Hartini sampun naenin polih jayanti (penghargaan) pinaka musisi, juri, pembina, miwah narawakya (pembicara) ring widang seni karawitan.

Sajeroning widang sesuratan (penelitian), dané masiat pisan ngalaksanayang tetilik lapangan miwah pangripta (penciptaan) seni karawitan Bali sané nunggalang unsur tradisi miwah inovasi. Tiosan ring punika, Hartini taler nyurat makudang-kudang karya ilmiah sané kawedar ring jurnal nasional miwah internasional sané terindeks, minakadi Jurnal Kalangwan, Mudra, Tamumatra, JOMSTI, Ghurnita, Abdi Seni, International Journal of Visual & Performing Art, Abdi Widya, Widyanatya, Lekesan, miwah e-proceeding ISI Bali sané nureksain indik kawéntenan teknis, kultural, miwah teologis sajeroning karawitan Bali.

Saptono, S.Sen., M.Si

Saptono, S.Sen., M.Si., embas ring Sumpiuh, Banyumas duk tanggal 11 Juni 1964. Dané muputang paplajahan S2 Kajian Budaya ring Universitas Udayana. Ngawit warsa 1992, dané dados dosén ring Program Studi Seni Karawitan, Fakultas Seni Pertunjukan ISI Bali, nindihin widang keahlian musik nusantara, pamekasipun (khususnya) karawitan Jawa. Sangkaning masiat pisan ngamong swadharma (dedikasi), dané polih Tanda Kehormatan Satyalancana Karya Satya XXX Tahun saking Presiden RI. Dané taler masiat pisan nureksain (meneliti) makudang-kudang widang, minakadi panglimbak prototipe gamelan dasa nada (2014), model gending Padmanaba (2017), pangripta (penciptaan) karawitan antuk tari Bedhaya Kroda Putri Cina (2018), miwah tetilik indik pragina karawitan Bali sarta dresta (tradisi) gamelan (2022–2024). Dané taler produktif nyurat karya ilmiah, luiré buku miwah jurnal nasional indik karawitan Bali, gamelan fusion, sarta budaya musik tradisional Indonesia, rumasuk karya pinih anyar Calung Banyumasan ring warsa 2025. Pikolih sesuratan dané nyihnayang komitmen sajeroning ngajegang miwah nincapang seni pertunjukan nusantara.

I Gede Putu Resky Gita Adhi Pratista, S.Sn.,M.Sn

Embas ring Tabanan duk tanggal 4 November 1996, dané pinaka dosén Program Studi Seni Karawitan ring Institut Seni Indonesia (ISI) Denpasar tur ngawit masiat ngajahin saking warsa 2025. Sangkaning ageng ring palemahan seni ring Kerambitan, punika sané ngawinang dané nuntun paplajahan sarjana ring ISI Denpasar warsa 2014, raris nglanturang studi magister ring Program Studi Seni Pascasarjana ISI Denpasar (2020) antuk IPK pinih becik kategori 3. Dané masiat pisan ngripta karya karawitan antuk tetilik konvensional miwah eksperimental, luiré Solar System, Mitbit (polih jayanti komposer pinih becik IV ring Taksapala Festival), Windhu Sadhana, Bhur Kobar, Caksuindriya, miwah Barong Don Buah. Tiosan ring punika, dané taler madué amongan (peran) ring manajemen pertunjukan, minakadi dados Ketua Tim Produksi Gong Kebyar Dewasa Tabanan (2024), sarta masiat pisan ngutsahayang ngrekonstruksi gending tradisional Kerambitan. Tetilik (fokus penelitian) dané nindihin indik kajian intraestetik miwah kawéntenan seni ring krama (masyarakat). Karya-karya dané sampun prasida kacingak ring platform publikasi miwah streaming.

Ni Wayan Masyuni Sujayanthi S.H.,M.H

Ni Wayan Masyuni Sujayanthi embas ring Denpasar duk tanggal 21 Maret 1987. Dané muputang paplajahan Magister Ilmu Hukum ring Program Pascasarjana Universitas Udayana warsa 2014, nindihin widang keahlian Ilmu Hukum. Masyuni dados dosén tetap ASN saking warsa 2015 rauh mangkin ring Program Studi Seni Karawitan, Fakultas Seni Pertunjukan. Masyuni sampun naenin polih jayanti (penghargaan) pinaka Dosén Penggerak warsa 2023 miwah 2024 ring Institut Seni Indonesia (ISI) Bali. Sajeroning widang sesuratan (penelitian), dané masiat pisan nureksain indik pangayom hukum (perlindungan hukum) ngenin indik hak kekayaan intelektual (hak cipta) ring widang seni karawitan. Masyuni nyurat makudang-kudang karya ilmiah, becik punika pinaka penulis utama wiadin penulis pendamping, sané kawedar ring jurnal nasional miwah internasional terindeks minakadi Mudra, Segara Widya, Lekesan, miwah Atlantis Press.

Dr. I Ketut Garwa, S.Sn.,M.Sn

Dr. I Ketut Garwa, S.Sn., M.Sn., embas ring Banjar Tegal Bebalang, duk tanggal 31 Desember 1968. Pakaryan dané pinaka dosén tur ngawit masiat ngajahin ring Institut Seni Indonesia (ISI) Denpasar saking warsa 1996 rauh mangkin sané sampun dados ISI Bali. Dané muputang paplajahan Doktor (S3) ring ISI Denpasar nindihin Minat Penciptaan Seni ring warsa 2021. Indik karya pangripta (penciptaan), dané sampun ngembulang makudang-kudang karya seni, luiré: Manik Angkeran, Candet Ding, “Batur Ulu Pasuwakan”, Dang Merdangga, Menteng, Baris Katekok Jago, REJANG NATA HITA ISI DENPASAR, Raksan Gumi, Karya Apit Lawang, Karya Sanghyang, miwah sané lianan. Tiosan ring masiat makarya seni, dané taler produktif nyurat karya ilmiah, minakadi Konsep Musikal Kolosal Ngider Bhuwana Sebuah Transformasi Ritual Ngrebeg Kuningan di Kota Bangli, sarta sané lianan.

Dr. I Made Kartawan, S.Sn., M.Si., M.A

Dr. I Made Kartawan, S.Sn., M.Si., M.A., embas ring Denpasar duk tanggal 10 Oktober 1972. Pakaryan dané pinaka dosén tur ngawit masiat ngajahin ring Institut Seni Indonesia (ISI) Denpasar saking warsa 2003 rauh mangkin. Dané muputang paplajahan Master (S2) ring widang Ilmu Kajian Budaya ring Universitas Udayana warsa 2003, Master widang Etnomusikologi ring University of British Columbia, Kanada, raris muputang paplajahan Doktor (S3) ring widang Etnomusikologi ring University of Canterbury, New Zealand. Yadiastun pinaka Dosén Tetap ring Prodi Seni Karawitan, dané taler naenin ngajahin lintang Fakultas ring ISI Bali. Kartawan sampun naenin polih makudang-kudang award/fellowship minakadi Internship Study Fellowship ring USA saking Biro Kerjasama Luar Negeri, Departemen Pendidikan dan Kebudayaan (2007), Internship Study Fellowship ring Jepang saking Program IMHERE (2010), miwah sané lianan.

Dr. I Wayan Suharta, SSKar., M.Si

Dr. I Wayan Suharta, SSKar., M.Si., embas ring Ubud, duk tanggal 30 Juli 1963. Dané muputang paplajahan S3 ring widang Kajian Budaya, Universitas Udayana (2021). Ngawit warsa 1990, dané dados dosén ring STSI Denpasar (sané mangkin ISI Denpasar), nindihin widang keahlian ‘Kajian Seni Karawitan miwah Budaya’. Makudang-kudang jayanti (penghargaan) sané sampun kapolihang luiré Dosén Berprestasi I ISI Denpasar (2012) miwah Tanda Kehormatan Satyalancana Karya Satya XXX Tahun (2022). Indik karya pangripta (penciptaan) seni, dané sampun ngembulang tetabuhan iringan Tari Maskot “Dahayuning Gringsing” (2022) miwah iringan Tari Maskot “Tirtha Mahamreta Pratistha” (2023). Pikolih sesuratan (penelitian) dané minakadi “Pengembangan Gending Gamelan Angklung Sebagai Pengiring Paket Seni Pertunjukan Wisata di Banjar Nyuh Kuning, Desa Mas, Ubud” (2016), sarta “Komodifikasi Gamelan Selonding di Desa Tenganan Pegringsingan Karangasem” (2021). Tiosan ring punika, karya ilmiah dané sané sampun kawedar luiré “Social solidarity and cultural preservation: the role of female sekaa gong in Ubud” (Gelar, 2024) miwah “Resilience of Gamelan Semara Pagulingan Based on Evolutionary Cultural Experience” (ESIC, 2024). Buku sané sampun kasurat olih dané mamurda “Balaganjur Musik Prosesi Bali” (2023) miwah “Gong Kebyar Permata Karawitan Bali di Era Modern” (2025).

Dr. I Nyoman Kariasa

I Nyoman Kariasa embas ring Banjar Pinda, Saba, Blahbatuh, Gianyar duk tanggal 27 Maret 1973. Ring warsa 1997, dané muputang paplajahan S1 Seni Karawitan ring STSI Denpasar. Dané nuntun paplajahan Magister ring Program Studi Penciptaan Seni ISI Surakarta warsa 2010-2012, raris nglanturang paplajahan Doktoral ring ISI Bali warsa 2018-2025. Sajeroning pakaryan pinaka pragina, dané sampun ngripta makudang-kudang komposisi karawitan ring festival tingkat daerah, sarta naenin masolah miwah ngajahin gamelan Bali ring dura daerah miwah dura negara, minakadi Lampung, Banyuwangi, Lombok, Singapura, Malaysia, USA, Jerman, Swiss, miwah Perancis. Mangkin dané makarya pinaka dosén tur dados Ketua Program Studi Seni Karawitan, Fakultas Seni Pertunjukan ISI Denpasar. Indik karya pangripta (penciptaan), dané sampun ngembulang karya sané mamurda Lukat, Karawitan Tari Puspa Mandara, Bleganjur Ang-Ah, Penciptaan Karawitan Tari Rejang, Penciptaan Karawitan Tari Baris, Komposisi Karawitan Baru ANG-AH, miwah sané lianan. Sesuratan (penelitian) pinih anyar ring warsa puniki mamurda “Pemberdayaan Perempuan Melalui Inovasi Seni Pertunjukan Berbasis Kearifan Lokal Sebagai Penunjang Pariwisata Berkelanjutan Pada Era Digital Di Bali Utara”

Dr. Kadek Suartaya

Kadek Suartaya polih gelar Doktor (Dr.) ring Program Doktor Kajian Budaya Universitas Udayana ring warsa 2016. Widang keahlian dané nindihin Seni Karawitan, tur taler kaloktah pinaka Kritikus Seni malarapan antuk sesuratan (tulisan) dané ring makudang-kudang media massa. Pupulan sesuratan kritik seni dané sampun kabukuang antuk murda “Panorama Seni Pertunjukan di Media Massa” (2006), “Pentas Seni Ritus Bali” (2007), tur ring warsa 2019 ngamedalang kalih pupulan esai miwah ulasan seni sané mamurda “Bali Nyala Api Seni” miwah “Bali Bianglala Seni”.

Dané sampun polih makudang-kudang jayanti (penghargaan) minakadi Wija Kusuma (2013), Bali Jani Nugraha (2019), sarta Satya Lancana Karya Satya 30 (2022). Sajeroning pangalaman ngripta karya seni, dané sering kapercaya dados Artistik Direktor ring garapan kolosal tingkat daerah wiadin Nasional.

Putu Tiodore Adi Bawa, S.Sn., M.Sn

Putu Tiodore Adi Bawa, S.Sn., M.Sn., embas ring Denpasar duk tanggal 20 April 1987. Pakaryan dané pinaka dosén tur ngawit masiat ngajahin ring Institut Seni Indonesia (ISI) Denpasar saking warsa 2020 rauh mangkin sané sampun dados ISI Bali. Dané muputang paplajahan Magister (S2) ring ISI Denpasar nindihin minat Penciptaan miwah Pengkajian Seni ring warsa 2014. Yadiastun pinaka Dosén Tetap ring Prodi Seni Karawitan, dané taler naenin ngajahin lintang Fakultas ring ISI Bali. Indik karya pangripta (penciptaan), dané sampun ngembulang makudang-kudang karya, luiré: Hujan Kesanga, Karya Seni Baleganjur Gandawa Ampad, Murdhanata Bali Dwipa Jaya, Tabuh Baleganjur Jabang Tatuka, Tabuh Kreasi Pepanggulan “Ombak Kapitu”, Tabuh Kutus Abdi Budaya, Tabuh Baleganjur Lingyan, Baleganjur Tegalgundul, miwah Karya Putri Cening Ayu. Tiosan ring masiat makarya seni, dané taler produktif nyurat karya ilmiah, minakadi “Pembinaan Gending Sekatian Pada Remaja Putri Di Sanggar Sami Semeton, Banjar Lodsema, Desa Lodtunduh, Gianyar”, sarta sané lianan.