Prodi Pedalangan - Bali

Program Studi

SENI PEDALANGAN

seseleh

Program Studi Seni Pedalangan inggih punika silih sinunggil program studi unggulan ring Institut Seni Indonesia (ISI) Bali sane madue peran strategis ring utsawa nglestariang kalih nglimbakang tradisi seni pewayangan pinaka tetamian budaya Nusantara. Antuk ngawigunayang kaluwihan tradisi Bali, kahanan sosial budaya, miwah kawentenan Bali pinaka pusat seni dan pariwisata dunia, program studi puniki rauh pinaka wadah akademik sane nenten wantah nyutetang indik pelestarian, sakemaon naler inovasi lan pangelimbak seni pedalangan ring wewidangan lokal, nasional, wiadin internasional. Ring sor puniki inggian kawentenan sane nlatarang indik kahanan lan pangelimbak Program Studi Seni Pedalangan ISI Bali:

Kawentenan Program Studi Seni Pedalangan sane madue kawigunan strategis ring pulo Bali, katuju ring pariindikan inggih punika Bali pinaka pusat budaya sane madue daya tarik global. Kahanan sosiokultural Bali pinaka genah tetujon wisata sane madasar antuk budaya madue pakilitan sane becik ring kawentenan program Studi Seni Pedalangan pinaka Lembaga Pendidikan Seni.
Seni Pedalangan/ Pewayangan Bali sampun kaloktah ring Nusantara miwah ring dura negara. Makudang-kudang soroh wayang kulit sampun nglimbak ring sawewengkon Bali, Nusantara, ngantos ring dura negara, manados Tri Pramana ring kawentenan pakriyan Program Studi Seni Pedalangan ri sahananing nincapang sapamargin Program Studi Seni
Para Janane ring Bali sane maceciren sosio-religius meweh pisan kapalasang sareng makudang-kudang ekspresi Seni Budaya. Ring sajeroning tetuek para janane magama Hindu, nenten wenten upacara/ karya sane kasengguh paripurna tan pa kajangkepin antuk sesolahan/ wali igel-igelan, wayang, miwah reriptan/ pakardin sane marupa seni rupa ritual. Makasami puniki ngawetuang kahanan sane becik ring kalestarian seni pedalangan.
Pinaka silih sinunggil kesenian Bali sane kawentenannyane dahat nincap ring kauripan para janane, Seni Pedalangan madruwe paiketan sane rumaket ring kawigunan ritual keagamaan, taler pinaka wahana estetik para janane. Pinaka pratiwimbanyane, makeh kauningin wenten bebasan sane ngangge sarana seni. pedalangan inggian ring rupa instrumen/ gegamelan (gender wayang), tetembangan, bebasan siosan (antawacana basa Bali lan basa Jawi Kuno), seni rupa (tatahan miwah sungging wayang).
Ring kauripan pariwisata ring Bali, Seni Pedalangan madue bebuat dahat mautama majeng ring kawentenan Seni Budaya Bali. Makudang-kudang pewayangan Bali sane nglimbak minakadi ring universitas miwah kantor perwakilan Indonesia ring dura negara wiakti marupa selah becik sane prasida akeh kamolihang jagi anggen nglimbakang seni budaya Bali ring undagan internasional.
Program Studi Seni Pedalangan ISI Bali sampun madruwe struktur pamong sane becik, efektif lan efisien kasarengin antuk tetuek pakaryan ring soang-soang undaganjabatan.
Tata Kelola utawi managemen Program Studi Seni Pedalangan FSP ISI Bali kamargiang antuk prinsip demokratis lan ngamargiang sane mawasta azas kredibilitas, transparansi, akuntabel, bertanggung jawab, lan adil.
Program Studi Seni Pedalangan setata ngamargiang pangremba karya sareng unit penjaminan mutu ring wewengkon institusi ritatkalaning ngawas, ngevaluasi miwah nincapang kualitas utawi mutu Prodi.
Program Studi Seni Pedalangan sampun madue system informasi akademik miwah administrasi malarapan antuk ambaralaya anggen ngabih pelayanan sane efektif lan efisien.
Sumber daya manusia sane marupa dosen, laboran, miwah staf administrasi karemba lan mawiguna aktif ring sajeroning pamargi ngelola Prodi Seni Pedalangan.

Gelar akademik sane kapiolihang inggih punika Sarjana Seni (S.Sn), sane andel tur ngarepang sajroning upaya pelestarian, pengembangan, miwah pemajuan seni Pedalangan ring tingkat lokal, nasional, miwah internasional.

VISI

Ring warsa 2025 pinaka pusat kreativitas akademik miwah pangelimbak teater tradisional Seni Pedalangan/ pewayangan nuju kualitas sane becik/ unggul

MISI

Nincapang mutu lan proses pamelajahan madasar antuk penelitian teater tradisonal Seni Pedalangan/ Pewayangan anggen muponin sumber daya manusia (SDM) sane becik pinaka pengkaji miwah pangripta Seni Pedalangan/ Pewayangan:
Nglimbakang tetujon akademik wewidangan teater tradisonal Seni Pedalangan/ Pewayangan nyantos molih ring sajeroning lintang institusi Pendidikan, lintang lembaga sane mapaiketan, nyantos lintang negari/ bangsa
Mlajahin seni pedalangan/ pewayangan pinaka dasar teoretis ring utsaha ngwangun analisis, kaweruhan, miwah kawagedan ring wewidangan pedalangan/ pewayangan:
Nglimbakang misi akademik ring wewidangan teater tradisional Seni Pedalangan/ Pewayangan nyantos ngrauh ring lintang institusi pendidikan, lintang lembaga nyantos lintang negari/ bangsa;
Nureksa, ngruruh, ngadungang, nguji, miwah ngawetuang konsep-konsep estetika, metode artistik, kaweruhan lan teori indik pedalangan/ pewayangan sane sampun kawangun antuk uger-uger persyaratan ontology, epistemology, miwah aksiologi;
Ngamargiang teori-teori penciptaan seni pinaka kearifan local sane patut maring pengkajian miwah pangriptan reriptan seni Pedalangan/ Pewayangan;
Nglimbakang kauripan atmosfer akademik sane rahayu, becik, jujur, disiplin, adil, miwah bertanggungjawab makadi uger-uger sane kacumpuin;
Ngamargiang pengabdian antuk nincapang paiketan program mantuka ring kebutuhan para jana (stakeholder ring nusantara miwah dura negara) sane manut ring tetujon Program Studi Seni Pedalangan antuk mengoptimalkan kawruhan lan idep seniman alam pinaka sesuluh spesialisasi Pendidikan Seni sane ngukuhang lan neguhang kawiaktian karakter miwah identitas raga.
Ngamargiang teori-teori cipta seni miwah pengkajian seni mawit saking kearifan lokal sane patut miwah akurat majeng ring kreativitas estetik akademik antuk ngoptimalang sumber daya sane kadruwenang;
Ngwangun kauripan akademik sane rahayu, becik, adil, lan sareng-sareng nglimbakang parilaksana sane tinut ring awig-awig utawi uger-uger sane mungguh;
Nincapang kualitas sumber daya manusia salantang ipun antuk micayang pendidikan miwah pelatihan alternatif (kewirausahaan) majeng ring mahasiswa, mawinan prasida numonin peluang pasar kerja lokal, nasional, miwah global.

STRUKTUR ORGANISASI

KOORDINATOR PROGRAM STUDI

I Gusti Ngurah Gumana Putra, S.S., M.Hum

PRANATA LABORATORIUM

Ni Nyoman Nik Suasti, S.Sn

STAF PROGRAM STUDI

Ni Luh Putu Bonytha Purwaningrat, S.S

DOSEN

Pancaran Matakuliah

Semester I

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL001	Babad Pewayangan (Sejarah Pewayangan)	2	I
2	PDL002	Babad Kalulutann Indonesia	2	I
3	PDL003	Pangweruhan Pedalangan	2	I
4	PDL004	Pangweruhan Satua Pokok (Lakon Pokok)	2	I
5	PDL005	Dramaturgi	2	I
6	PDL006	Olah Suara (Olah Vokal)	3	I
7	PDL007	Tetikesan Wayang (Gerak Wayang)	3	I
8	PDL008	Wacana Pedalangan (Retorika)	2	I
9	PDL048	Pendidikan Agama	2	I

Semester II

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL010	Seni Balih-balihan Indonesia	2	II
2	PDL011	Filsafat Seni Pedalangan	2	II
3	PDL012	Pangweruhan Sasuratan Satua (Kajian Naskah Lakon)	2	II
4	PDL013	Pakeliran Wayang Parwa	3	II
5	PDL015	Pangresepan Sastra Pedalangan	2	II
6	PDL027	Susastra Kawi Bali	2	II
7	PDL049	Pangweruhan Kawarganegaraan miwah Anti Korupsi	2	II
8	PDL061	Multimedia	2	II
9	PDL062	Bebanyolan Pedalangan (Parodi Pedalangan)	3	II

Semester III

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL017	Antropologi Kalulutann Pedalangan	2	III
2	PDL018	Sastra Jawa Kuna	2	III
3	PDL019	Pangweruhan Pewayangan	2	III
4	PDL020	Nata Teknik Pentas Pedalangan	2	III
5	PDL022	Pakeliran Wayang Ramayana	3	III
6	PDL023	Pakeliran Wayang Jawa	3	III
7	PDL050	Pangweruhan Pancasila miwah Wawasan Kebangsaan	2	III
8	PDL063	Paplajahan Sasolahan (Praktik Tari)	3	III
9	PDL064	Tatembangan Bali	3	III

Semester IV

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL024	Dharma Pewayangan	2	IV
2	PDL035	Sesampangan Wayang (Iringan Wayang)	3	IV
3	PDL036	Tatah Sungging Wayang	3	IV
4	PDL026	Spesialisasi Pedalangan	3	IV
5	PDL028	Kritik miwah Pangajap Seni Pedalangan	2	IV
6	PDL029	Riptan Garapan Anyar (Komposisi Garapan Baru)	3	IV
7	PDL051	Basa Indonesia	2	IV
8	PDL052	Basa Inggris	2	IV
9	PDL065	Metode Pangripta miwah Pangweruhan Seni Pedalangan	2	IV

Semester V

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL033	Modul Nusantara Mpu Dalang	2	V
2	PDL034	Wayang Dresta Bali (Wayang Tradisi Bali)	3	V
3	PDL037	Antawacana	3	V
4	PDL038	Wayang Multimedia	3	V
5	PDL039	Estetika Wimba Wayang (Estetika Rupa Wayang)	3	V
6	PDL066	Warna Wayang	3	V
7	PDL067	Gender Wayang	3	V

Semester VI

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL055	Workshop	3	VI
2	PDL056	Seminar	3	VI
3	PDL053	Studi Kasus	3	VI
4	PDL054	Promosi miwah Pemasaran Digital	3	VI
5	PDL040	Literasi Seni Pedalangan	2	VI
6	PDL041	Pauningan Seni Pedalangan (Produksi Seni Pedalangan)	6	VI
7	PDL044	Pangweruhan Seni Pedalangan (Pengkajian Seni Pedalangan)	6	VI
8	PDL047	Seni Pedalangan Ngayah (Seni Pedalangan Mengabdi)	6	VI

Semester VII

No.	Lingse (Kode)	Pesengan Widya Ajah (Nama Matakuliah)	SKS	Semester
1	PDL042	Literasi Digital Seni Pedalangan	2	VII
2	PDL057	Riset Dasar	3	VII
3	PDL059	Puputing Karya/Skripsi	6	VII
4	PDL060	Munggah Paridanda (Diseminasi)	6	VII
5	PDL058	Tata Kelola Ekosistem	3	VII

Profil Lulusan

Program Studi Seni Pedalangan madue karakter sane khusus yening saihang sareng program studi sane pateh ring perguruan tinggi sane tiosan. Unteng utama sane ngwangun dasar peplajahan inggih punika keragaman jati diri budaya Indonesia taler kautaman seni lokal lan pewayangan Bali sane sampun ngamolihang pengakuan internasional. Budaya Nusantara lan panglimbak seni budaya ring jagat naler mawiguna pinaka unsur paweweh ring sajeroning nglimbakang kaweruhan. Berpikir lokal lan bertindak global (Think locally and Act Globally), inggih punika slogan sane ngabih pakahyunan / pola piker lan perspektif Program studi Seni Pedalangan FSP ISI Bali. Program Studi Seni Pedalangan negesang indik integrasi teori lan praktik kreatif sane kadasarin antuk keragaman budaya lokal Bali lan Indonesia sane kabuatang ring jagat Industri seni pertunjukan wayang. Program puniki kakaryanin mangda prasida ngamedalang calon manggala/ pemimpin ring industri kreatif sane taler pacang nagingin repertoar para seniman dalang unggulan ring Bali ri pariindikan seni pedalangan. Kualifikasi Program Studi Seni Pedalangan inggih punika gelar sarjana (S1) sane madue kompetensi ngresepang, nyelehin, nglimbakang, lan nglaksanayang kaweruhan indik seni pedalangan dados keunikan karya, kadasarin antuk keragaman budaya lokal Bali lan Indonesia, lan prasida dados titi budaya Wangsa Indonesia ring budaya global, nganutin sane kaperluang ring industri seni pedalangan/pewayangan mangda prasida nyugihang/ memperkaya nilai-nilai kemanusiaan sane manut ring panglimbak zaman.

Nganutin visi Program Studi Seni Pedalangan, raris karumusang pitung (7) wangun profil lulusan Program Studi Seni Pedalangan, inggih punika: Mahasisya sane lulus saking Program Studi Seni Pedalangan salanturnyane pacang madue karir dados dalang professional, peneliti, dosen, pengusaha, pengamat seni lan budaya, miwah pangawi.

Dalang Profesional

Prasida makarya dados dalang professional, inggian ring perusahaan wiadin swasta, taler nyarengin ngaturang ayah ring para jana/ masyarakat

Guru lan Dosen

Prasida makarya dados akademisi, pamekas dados guru utawi
dosen ring lembaga pendidikan formal miwah nonformal

Peneliti

Prasida makarya dados panilik antuk kawagedan kreatif tradisional miwah digital manut ring kabuatan industry kesenian pamekasnyane ring seni pedalangan/ pewayangan

Enterpreneur

Prasida makarya dados direktur seni miwah pengusaha kerajinan sane madue memurdan indik pewayangan

Pemerhati Seni dan Budaya

Prasida makarya dados illustrator seni malarapan antuk kreasi nggangen teknik manual lan digital taler dados kritikus seni lan
budaya

Pangawi / Penulis Sastra Kawi

Prasida makarya dados pangawi / panyurat kriya sastra, ngresepang aspek budaya, sejarah, tren, bisnis, miwah teknik produksi ring seni pedalangan/ pewayangan

Seniman Multitalenta

Prasida makarya dados seniman tari, seniman music/ gamelan tradisional Bali, seniman gender wayang, seniman ukiran/ tatah sungging wayang, pelukis, seniman drama tradisional Bali, wartawan, kritikus, utawi kurator sane madue wawasan lan kaweruhan indik industri pedalangan/ pewayangan

Dosen

Program Studi Seni Pedalangan

Dru Hendro, S.Sen., M.Si.

Dru Hendro, S.Sen., M.Si., embas ring Sukoharjo duk tanggal 21 Juli 1964. Pinaka dosén ring Prodi Seni Pedalangan ISI Bali, dané muputang paplajahan S1 Seni Pedalangan ring STSI Surakarta, raris nuntun paplajahan S2 Kajian Budaya ring Universitas Udayana.

Dané sampun ngembulang makudang-kudang karya seni, luiré pakeliran padat Suryatmaja – Surtikanthi miwah Sang Guru Sejati. Kontribusi akademik dané sané nindihin widang paplajahan, sesuratan (penelitian), miwah pengabdian, taler kacingak saking sesuratan indik Makna Ruwatan Wayang Cupak sarta buku-buku minakadi Pertunjukan Wayang Ceng Blonk Era Pandemi.

Tiosan ring punika, dané masiat pisan ngalaksanayang pembinaan kesenian, pamekasipun ring Paguyuban Ngeksigondo Denpasar, sarta sampun polih Tanda Kehormatan Satyalancana Karya Satya XX Tahun saking Presiden RI.

Hanolda Gema Akbar M.Sn

Hanolda Gema Akbar, M.Sn., embas ring Karanganyar, duk tanggal 16 Agustus 1995. Pakaryan dané pinaka dosén tur ngawit masiat ngajahin ring Institut Seni Indonesia (ISI) Denpasar saking warsa 2025 rauh mangkin sané sampun dados ISI Bali. Dané muputang paplajahan S2 Seni nindihin minat Pengkajian Seni ring ISI Surakarta warsa 2018. Yadiastun pinaka Dosén Tetap ring Prodi Seni Pedalangan, dané taler naenin ngajahin lintang Fakultas ring ISI Bali.

Indik pakaryan ring widang penulisan buku teks antuk paridabdab sekolah miwah sesuratan ilmiah, makudang-kudang karya sané sampun kawedar luiré: Antropologi antuk kelas XI miwah XII warsa 2023 sané kamedalang olih PT. Merdeka Belajar Plus, Dasar-Dasar Broadcasting dan Perfilman antuk kelas X ring warsa 2022 sané kamedalang olih CV. Media Karya Putra, sarta sesuratan mamurda Kreativitas Ari Wulu sebagai DJ dalam EDM (Electric Music Dance) (2018).

I Bagus Wijna Bratanatyam

I Bagus Wijna Bratanatyam, embas ring Sukawati, Bali, duk tanggal 18 April 1989. Dané muputang paplajahan akademik jenjang S2 Program Magister Seni ring ISI Denpasar (2013). Widang keahlian dané nindihin Seni Pedalangan. Jayanti (prestasi) sané sampun kapolihang luiré Juara 1 Festival Wayang Kulit Parwa Se-Bali 2013.

Sajeroning dasa warsa pinih untat, dané sering kapercaya dados dalang wiadin narator ring pagelaran kolosal Festival Seni Daerah miwah Tingkat Nasional. Pangalaman sesuratan (penelitian) dané mamurda “Karakterisasi Anoman Wayang Kulit Ramayana Gaya Sukawati” (2017). Indik pangripta (penciptaan) seni, dané ngripta Teater Wayang “Garuda Mahawira” ring Taman Budaya Nusa Tenggara Barat (2024).

Sajeroning parikrama pengabdian masyarakat, dané nyarengin ngrekonstruksi Wayang Wong Pesalakan, Pejeng (2024). Dané taler sampun nyurat artikel ring makudang-kudang Jurnal Nasional sarta produktif ngicénin apresiasi miwah opini ngenin indik seni pertunjukan ring media massa.

Dr. I Dewa Ketut Wicaksana, SSP., M.Hum.

Dr. I Dewa Ketut Wicaksana, SSP., M.Hum., pinaka sosok dosén ring Program Studi Seni Pedalangan sané madué rekam jejak akademik, manajerial, miwah artistik sané kukuh pisan. Embas ring tanggal 22 Januari 1964, dané polih gelar Sarjana Seni Pedalangan saking STSI Denpasar, Magister Humaniora saking Universitas Gadjah Mada, miwah gelar Doktor saking Institut Hindu Dharma Negeri Denpasar. Keahlian dané nindihin indik kaweruhan pedalangan, literatur pedalangan, rauh ring kritik pedalangan. Dané masiat pisan nureksain (meneliti) sarta nyurat buku ajar, minakadi indik wayang kulit, filsafat seni, miwah dresta (tradisi) sastra. Tiosan ring punika, pangalaman dané pinaka Ketua Jurusan rauh dados Rektor Institut Seni Budaya Indonesia (ISBI) Tanah Papua nyihnayang dedikasi miwah kepemimpinan sané siteng sajeroning nglimbakang seni miwah pendidikan. Dedikasi dané nuntun para mahasiswané sarta kontribusi ring organisasi profesional minakadi PEPADI sayan nincapang pikenoh dané sajeroning ngajegang miwah nglimbakang seni pedalangan ring Indonesia.

I Dewa Ketut Wicaksandita, S.Sn., M.Sn.

I Dewa Ketut Wicaksandita, S.Sn., M.Sn., embas ring Seleman duk tanggal 20 Maret 1995. Dané pinaka dosén ring Program Studi Seni Pedalangan. I Dewa Ketut Wicaksandita madué latar belakang paplajahan S1 miwah S2 saking ISI Bali, nindihin minat akademik sajeroning studi seni pertunjukan miwah estetika Hindu. Sesuratan (penelitian) dané maderbe tetujon nindihin indik panglimbak wayang kulit Bali, pamekasipun ring dimensi filosofis, teks, miwah ritual. Makudang-kudang pikolih sesuratan dané sampun kawedar ring jurnal nasional terindeks minakadi Jurnal Panggung, Jurnal Penelitian Agama Hindu, miwah Jurnal Damar Pedalangan. Tiosan ring pakaryan akademik, dané taler pinaka pragina (praktisi) pedalangan wayang parwa miwah Ramayana Bali. Karya ilmiah dané nyihnayang komitmen sané siteng sajeroning nunggalang widang filologi, studi budaya, miwah analisis pertunjukan, sarta kawagedan dané pinaka dalang ngicénin wawasan artistik sané sujati (autentik) sajeroning sesuratan dané.

I Gusti Ngurah Gumana Putra, S.S., M.Hum.

I Gusti Ngurah Gumana Putra, S.S., M.Hum., pinaka dosén ring Program Studi Seni Pedalangan ngawit saking sasih April 2015. Paplajahan sané sampun kapuputang luiré Sarjana ring Jurusan Sastra Daerah, Fakultas Sastra Universitas Udayana ring warsa 2005 tur lulus ring warsa 2009. Raris ring warsa 2011, dané nuntun paplajahan ring Program Magister Universitas Udayana nindihin widang Linguistik Murni tur lulus ring warsa 2014.

Tetujon widang ilmu sané kaajahin sajeroning dados pangajar ring Prodi Seni Pedalangan wantah ngenin indik Basa miwah Sastra. Sajeroning dados pangajar, dané sampun nglaksanayang makudang-kudang sesuratan (penelitian) sané nunggalang seni Pedalangan sareng widang kebahasaan. Silih tunggil sesuratan punika ngenin indik Aneka Rupa Retorika dalam Pertunjukan Wayang Cenk Blonk.

I Kadek Widnyana, SSP., M.Si.

Embas ring Selisihan, Klungkung, duk tanggal 27 Desember 1966. Paplajahan pinih untat sané sampun kapuputang wantah Magister Kajian Budaya ring Universitas Udayana Denpasar warsa 2006, tur mangkin sedek nuntun Program Studi Seni Program Doktor ring ISI Bali warsa 2023. Jabatan fungsional dané pinaka Lektor Kepala, sarta madué amongan (jabatan) pinaka Wakil Dekan III FSP ISI Bali. Makudang-kudang piagam penghargaan sané sampun kapolihang luiré: Sertifikat Kompetensi Seni Pertunjukan (2024), miwah Satya Lencana Karya Satyanugraha XXX ring warsa 2025. Indik karya seni, dané pinaka Penata Wayang Inovasi sané kanggén sarana edukasi nambakin panglimbak Covid-19 mamurda “Sang Kala Corona” ISI Denpasar (2021), sarta Penata Drama Monolog “Nan Bebek” ring parikrama Bulan Menari Prodi Tari ISI Denpasar (2023). Sesuratan ilmiah dané sané sampun kawedar luiré: “Innovation of Wayang Performance Through Cinema and Theater Techniques as New Media” ring Lekesan Vol. 7 (2024), Prosiding Bali Dwipantara Waskita antuk murda “Alam Sebagai Daya Cipta Seni” (2024), miwah “The Existence of ‘Nginang’ as a Social and Theological Study of Puppetry in Bali” ring Proceedings Bali Bhuwana Waskita (2024).

Dr. I Ketut Sudiana, S.Sn., M.Sn.

Embas ring Sukawati, duk tanggal 29 Maret 1970. Paplajahan pinih untat sané sampun kapuputang wantah Doktor Penciptaan Seni ring ISI Denpasar (2022), nindihin widang Pedalangan ring Prodi Seni Pedalangan. Jabatan fungsional dané pinaka Lektor. Makudang-kudang piagam penghargaan sané sampun kapolihang luiré: Piagam Literasi Digital Pemerintahan saking Kementerian Kominfo (2024), miwah Piagam Wija Kusuma Madya saking Pemerintah Kabupaten Gianyar (2023). Indik karya seni, dané sampun ngembulang makudang-kudang pangripta (penciptaan), minakadi Seni Drama Tari miwah Wayang (Sendratawa) ‘Grenyem Leak’. Tiosan ring punika, dané taler ngripta Teater Wayang Inovatif ‘Korawa Dharma’ (2016), sarta ngripta Karya Seni Wayang Wahya ‘Kelir Tanpa Batas’ (2022). Dané taler masiat pisan pinaka presenter ring Seminar Internasional Doctorate Arts Program ISI Denpasar (2018) miwah Seminar Internasional “Art, Cross Culture, and Collaboration”

Dr. I Made Marajaya, SSP.,M.Si

Ilmiah Indik Sesuratan (Penelitian):

Pertunjukan Wayang Cenk Blonk Sebagai Media dalam Menyebarluaskan Program Pemerintah di Era Globalisasi (2013); Makna Ruwatan Wayang Cupak Dalang I Wayan Suaji (2020); Pertunjukan Wayang Cenk Blonk Sebagai Media Sosialisasi Covid-19 (2021)[; Struktur Lakon Setubanda dalam Pementasan Wayang Wong Griya Jelantik Delod Pasar Sanur Kauh.

Indik Karya Ilmiah sané sampun kawedar:

Actualisation of Pewayangan Values in Bali (2024); Wayang Cenk Blonk dalam Pembangunan (2024); Wayang Parwa Gaya Bebadungan (2025); Embodying the Living Corpse: Intermedial Adaptation in Balinese “Calonarang” Shadow Theatre (2025).

Dr. I Made Sidia, SSP., M.Sn

Embas ring Bona Kelod, duk tanggal 16 Maret 1967. Paplajahan pinih untat sané sampun kapuputang wantah Doktor ring ISI Bali warsa 2025, nindihin widang Penciptaan Seni Pedalangan. Jabatan fungsional dané pinaka Lektor Kepala. Makudang-kudang jayanti (penghargaan) miwah sesana (peran) mabuat sané sampun kapolihang luiré: Koreografer Pergelaran Seni Budaya Indonesia ring Dubai (2022), Koreografer Pergelaran Seni Budaya ring Cina (2022), sarta polih Penghargaan Dharma Kusuma saking Gubernur Bali (2024). Indik karya ilmiah miwah HKI, dané sampun nyurat makudang-kudang sesuratan ring jurnal internasional miwah nasional, minakadi: ‘Brand New Balinese Water Puppetry “The Floating Subadra”’ (2021), ‘The Balinese Traditional Performance as a Media to Establish Identity and Strengthen Children Talents’ (2021), ‘Kajian Gerak Wayang Style Sukawati oleh Dalang Suwija’ (2021), sarta ‘The Ideology of The Creation of The Peteng Bulan Dance for Early Children’ (2022). Dané taler maderbe Hak Kekayaan Intelektual (HKI) Tari “Bale Agung” (2021). Buku-buku sané sampun kasurat olih dané luiré Sejarah Kuliner Gianyar (2019), Sejarah Tenun Gianyar (2019), sarta karya mamurda Triyantra Murti (2025).

Ni Komang Sekar Marhaeni, SSP., M.Si

Ni Komang Sekar Marhaeni, SSP., M.Si., embas ring Abiankapas Kaja duk tanggal 30 September 1965. Pinaka Lektor ring Program Studi Seni Pedalangan, dané madué latar belakang paplajahan sané kukuh, wantah Sarjana Seni Pedalangan saking Sekolah Tinggi Seni Indonesia (STSI) Denpasar miwah Magister Kajian Budaya saking Universitas Udayana. Kawagedan (keahlian) dané nindihin indik Olah Vokal, Tetembangan Bali, miwah Kaweruhan Lakon Pokok, sarta nureksain indik Wayang Tradisi Bali miwah Gerak Wayang. Dané sampun ngicénin kontribusi malarapan antuk makudang-kudang karya inovatif, minakadi teater wayang Stri Wiweka sarta sesuratan (penelitian) ngenin indik wayang Cenk Blonk. Dedikasi dané sajeroning ngajegang seni pedalangan taler kacingak saking linggih dané pinaka juri ring makudang-kudang festival seni miwah lomba tembang macapat. Kontribusi akademik miwah artistik puniki nadosang dané sosok sané mabuat pisan sajeroning nglimbakang seni pertunjukan tradisional.

Sang Nyoman Gede Adhi Santika, M.Sn

Embas ring Denpasar, duk tanggal 02 Maret 1995. Dané pinaka dosén ring Program Studi Seni Pedalangan ISI Bali. Sané mawasta Sangoman Gédé puniki maderbe latar belakang paplajahan S1 Seni Pedalangan miwah S2 Penciptaan dan Pengkajian Seni. Pinaka dosén, Sangoman Gédé nindihin widang kekaryaan pamekasipun ring seni pertunjukan. Makudang-kudang karya sané sampun kamargiang luiré pinaka koreografer ring sasolahan mamurda ‘Sangkan Paran Paraga’ Raga-Paraga-Tari sané kasolahang ring parikrama Bali Sangga Dwipantara IV warsa 2024. Dané taler pinaka penata garapan Taman Penasar, sarta penata vokal ring makudang-kudang teaser parikrama lokal rauh ring Internasional. Silih tunggil nyané, dané dados Vokalis/Dalang ring karya ‘Bali Spesial Project’ sajeroning parikrama musik Internasional Soundrenaline. Dané masiat pisan pinaka pragina seni minakadi kesenian Topeng miwah Arja, sarta aktif sajeroning sesuratan (penelitian) miwah publikasi karya ilmiah ring makudang-kudang artikel ilmiah terakreditasi.

Dr. I Ketut Kodi, SSP., M.Si

Dr. I Ketut Kodi, SSP., M.Si. wantah silih tunggil seniman tari topeng, pangripta (pembuat) topeng, dalang, sarta dosén ring Prodi Pedalangan ISI Bali saking warsa 1988. Dané muputang paplajahan S1 ring ASTI Denpasar (1988), raris nuntun paplajahan S2 Kajian Budaya ring Universitas Udayana (2006), sarta polih gelar Doktor (S3) ring widang Kajian Budaya ring Universitas Udayana (2022). Dané sampun ngembulang makudang-kudang karya seni pertunjukan sané kasolahang ring tingkat daerah, nasional, rauh ring dura negara. Tiosan ring punika, dané maderbe Hak Kekayaan Intelektual (HKI), nyurat karya ilmiah sané kawedar ring jurnal nasional, sarta nyurat buku-buku ngenin indik seni miwah kebudayaan Bali. Dané taler masiat pisan nyarengin forum diskusi seni, pamekasipun pinaka narasumber. Sajeroning pakaryan dané, makudang-kudang jayanti (penghargaan) sampun kapolihang, luiré: Wija Kusuma duk warsa 2000, Satya Lencana XXX warsa 2022, sarta penghargaan Dharma Kusuma saking Pemerintah Provinsi Bali ring warsa 2025.