Prodi Bisnis Digital - Bali

Program Studi

BISNIS DIGITAL

seseleh

Program Studi Bisnis Digital ring Institut Seni Indonesia Bali puniki kakaryanin mangda prasida nyawis tantangan era ekonomi kreatif sane madasar antuk teknologi. Program puniki ngadungang kaweruhan indik bisnis, wirausaha miwah strategi digital antuk kawisesan seni budaya Bali lokal sane sampun teleb ring tradisi miwah prasida nganutin globalisasi. Sisia sampun sayaga mangda prasida ngresepang analisis data, pemasaran digital, e-commerce, manajemen konten kreatif, miwah inovasi madasar antuk teknologi sane relevan sareng industri kreatif miwah seni pertunjukan.

Antuk pendekatan interdisipliner, program studi puniki ngalimbakang kolaborasi pantaraning jagat seni, teknologi miwah bisnis, antuk punika ngamedalang lulusan sane prasida ngaryanin solusi kreatif, ngawangun bisnis sane lestari miwah masaing ring pasar global. Kasokong olih ekosistem seni sane unik ring Bali, Program Studi Bisnis Digital Institut Seni Indonesia Bali nenten wantah nyangkepin para mahasiswa antuk kawagedan profesional kemanten, nanging taler ngalimbakang sensitivitas budaya, etika bisnis humanis miwah semangat kepemimpinan sane visioner.

VISI

Mangda prasida dados program studi sane unggul ring widang bisnis digital berbasis seni sane mawit saking kearifan lokal Bali, ngalimbakang ekosistem bisnis humanis sane nyikiang kreativitas, budaya miwah teknologi, miwah ngicenin inspirasi transformasi ekonomi kreatif sane lestari ring tingkat nasional miwah global.

MISI

Ngamargiang pendidikan bisnis digital sane ngadungang seni, budaya miwah teknologi, sane ngutamayang prinsip humanisme, kelestarian miwah etika bisnis.
Nglimbakang seseleh miwah inovasi ring widang bisnis seni digital sane mawit saking kearifan lokal Bali, sinambi relevan sareng dinamika global industri kreatif.
Ngalimbakang pemberdayaan masyarakat seni budaya malarapan antuk ngemargiang bisnis digital sane adil, inklusif, lan ngadukung karahayuan seniman lan masyarakat lokal.
Dados pusat kolaborasi pantaraning akademisi, praktisi seni, pemain industri kreatif miwah komunitas global sajeroning ngwangun ekosistem bisnis digital sane kreatif miwah humanis.
Ngasilang lulusan sane adaptif, kreatif miwah visioner sane prasida dados pendorong transformasi ekonomi kreatif sane madasar antuk seni ring undagan nasional miwah
internasional.

STRUKTUR ORGANISASI

KOORDINATOR PROGRAM STUDI

Guntur Eko Prasetyo, S.Pd., M.Sn.

PRANATA LABORATORIUM

STAF PROGRAM STUDI

Putu Adi Suwartawan,S.Sn

DOSEN

Pancaran Matakuliah

Semester I

No	Wastan Matakuliah	Kode	SKS	Semester
1	Pendidikan Agama	BNS001	2	I
2	Sistem Informasi Digital	BNS002	2	I
3	Kewirausahaan Digital	BNS003	3	I
4	Teknologi Informasi	BNS004	3	I
5	Manajemen Bisnis Digital	BNS005	2	I
6	Web miwah Sosial Media	BNS006	2	I
7	Daging Seni Visual	BNS007	2	I
8	Pamineh Desain	BNS008	2	I
9	Daging Seni Peran	BNS009	2	I

Semester II

No	Wastan Matakuliah	Kode	SKS	Semester
1	Pendidikan Kewarganegaraan miwah Anti Korupsi	BNS010	2	II
2	Daging Seni Media Anyar	BNS011	3	II
3	Utsaha Rintisan	BNS012	2	II
4	Statistik Bisnis	BNS013	2	II
5	Manajemen Pemasaran Digital	BNS014	3	II
6	Manajemen SDM miwah Organisasi	BNS015	2	II
7	Daging Seni Musik	BNS016	2	II
8	Kepemimpinan Strategik	BNS017	2	II
9	Babad Teknologi Industri	BNS018	2	II

Semester III

No	Wastan Matakuliah	Kode	SKS	Semester
1	Pendidikan Pancasila miwah Wawasan Kebangsaan	BNS019	2	III
2	Komunikasi Bisnis Digital	BNS020	2	III
3	Daging Kriya Industri	BNS021	3	III
4	Web Design	BNS022	3	III
5	E-Commerce	BNS023	3	III
6	Etika Bisnis Digital	BNS024	2	III
7	Estetika Digital	BNS025	2	III
8	Utsaha Rintisan Seni	BNS026	3	III
9	Kearifan Keluhuran Bali	BNS027	2	III

Semester IV

No	Wastan Matakuliah	Kode	SKS	Semester
1	Basa Inggris	BNS028	2	IV
2	Basa Indonesia	BNS029	2	IV
3	Susastra Kawi Bali	BNS030	2	IV
4	Multimedia Digital	BNS031	3	IV
5	Metodologi Penelitian	BNS032	3	IV
6	Daging Modul Seni	BNS033	3	IV
7	Sosiologi Digital	BNS034	2	IV
8	Utsaha Rintisan Tematik	BNS035	3	IV
9	Jejaring Bisnis	BNS036	2	IV

Semester V

No	Wastan Matakuliah	Kode	SKS	Semester
1	Modul Nusantara Digital	BNS037	2	V
2	Hak Padruwen Intelektual	BNS038	2	V
3	Pemasaran miwah Promosi	BNS039	3	V
4	Kecerdasan Pakaryan (AI)	BNS040	3	V
5	Simulasi Bisnis Digital	BNS041	3	V
6	Desain Inovasi Produk Digital	BNS042	3	V
7	Riset Pasar	BNS043	2	V
8	Analisis Media Sosial	BNS044	2	V

Semester VI

No	Wastan Matakuliah	Kode	SKS	Semester
1	Studi Kasus	BNS045	3	VI
2	Promosi miwah Pemasaran Digital	BNS046	3	VI
3	Workshop	BNS047	3	VI
4	Seminar	BNS048	3	VI
5	Literasi Bisnis Digital	BNS049	2	VI
6	Projek Bisnis Digital	BNS050	6	VI
7	Industri Kreatif Bisnis Digital	BNS051	6	VI

Semester VII

No	Wastan Matakuliah	Kode	SKS	Semester
1	Riset Dasar	BNS056	3	VII
2	Tata Kelola Ekosistem	BNS057	3	VII
3	Tugas Pamuput/Skripsi	BNS058	6	VII
4	Desiminasi	BNS059	6	VII
5	Literasi Bisnis	BNS060	2	VII

Profil Lulusan

Profil lulusan Program Studi Bisnis Digital, Fakultas Seni Pertunjukan, Institut Seni
Indonesia Denpasar puniki karumusang madasar antuk visi lan misi Institut Seni Indonesia Bali, Visi lan Misi Fakultas Seni Pertunjukan taler masukan saking makudang-kudang pihak sane mapaiketan sareng Program Studi Bisnis Digital.

Pengkaji

Madue kompetensi analis bisnis digital, sane kaproyeksiang dados konsultan, prasida maperanan ring soroh pakaryan dados peneliti, penulis, pendidik (akademisi) lan konseptor. Madue kawagedan nglaksanayang tetilikan antuk ngolah data lan ngamedalang kaweruhan sane mawiguna lan prasida kaanggen.

Pencipta

Madue kompetensi pinaka Pemasaran Digital, Startup Digital, Teknologi Keuangan, Pemikiran Desain. Madue kawagedan nyelehin bisnis konvensional dados bisnis digital sane terintegrasi ring sistem informasi. Madue kemampuan Teknologi Informasi ring sajeroning ngamargiang bisnis digital.

Wirausaha

Madue kompetensi dados Pemasar Digital, Pengusaha Startup, Konsultan Bisnis. Madue kawagedan ngerancang ide bisnis, kakawitin saking ngrereh pikobet sane pinih sering kapanggihin, nyelehin pikobet lan madue solusi ring pikobet punika. Duwe kawagedan ngresepang teknologi sane nglimbak. Start-Up sane maorientasi ring teknologi miwah sistem informasi.

Dosen

Program Studi Bisnis Digital

Guntur Eko Prasetyo, S.Pd., M.Sn.

Guntur Eko Prasetyo, S.Pd., M.Sn., wantah dosén ring Program Studi Bisnis Digital, Fakultas Seni Pertunjukan, Institut Seni Indonesia (ISI) Bali, antuk jabatan fungsional Lektor miwah pangkat Penata III/c. Dané muputang paplajahan Magister (S2) ring ISI Yogyakarta sané nindihin widang ilmu musik, sarta sajeroning sesuratan (penelitian) dané nindihin widang bisnis industri entertainment.

Karya sané sampun kakardi olih dané luiré ngripta gending-gending Original Soundtrack ring film televisi “Bung Karno Di Bawah Pohon Sukun”. Tiosan ring punika, dané taler ngamargiang pengabdian pinaka director ring konser 1 Juni Pamungkah Bulan Bung Karno ring warsa 2022, 2023, miwah 2025. Melarapan antuk dedikasi punika, dané polih penghargaan Adhyapaka Nata Kerthi Nugraha pinaka dosén sané maderbe kinerja pinih becik ring warsa 2023 miwah 2024. Makudang-kudang hasil sesuratan dané sampun kapresentasiyang ring seminar internasional sarta kawedar ring jurnal nasional sané terindeks SINTA.

I Komang Try Adi Stanaya, S.Kom., M.Kom.

I Komang Try Adi Stanaya, S.Kom., M.Kom. wantah dosén ring Program Studi Bisnis Digital, Fakultas Seni Pertunjukan, Institut Seni Indonesia (ISI) Bali, antuk jabatan fungsional Asisten Ahli miwah pangkat Penata Muda Tk. I – III/b. Dané muputang paplajahan Magister (S2) Ilmu Komputer ring Universitas Pendidikan Ganesha (UNDIKSHA) sané nindihin widang ilmu formal, informatika, sarta komputer.

Karya-karya teknologi sané sampun kakardi olih dané luiré aplikasi AR Wayang Parwa, AR Coral Sponges, sarta Selonding Citta Samasta SSO, tiosan ring punika dané taler ngripta karya lukis sané madaging pikenoh filosofis. Makudang-kudang jayanti (prestasi) sané sampun kapolihang dané minakadi Juara ICT Denpasar Smart City, Juara Foto Kreatif, sarta dados Finalis Teruna Teruni Bali. Hasil sesuratan (penelitian) dané sampun kawedar ring prosiding Borobudur International Symposium sané terindeks SCOPUS, Prosiding Bali Bhuwana Waskita, Jurnal Mudra, sarta Jurnal Lekesan.

Komang Wahyu Dinata, S.Sn.,M.Sn.

Komang Wahyu Dinata, S.Sn., M.Sn. embas duk tanggal 17 Februari 1989 ring Désa Gerih, Abiansemal, Badung. Dané muputang paplajahan Magister (S2) ring widang Penciptaan Seni ring Program Pascasarjana ISI Denpasar warsa 2016. Ngawit saking warsa 2022, dané ngayah pinaka dosén ring Program Studi Musik ISI Bali.

Karya seni sané sampun kakardi (dihasilkan) olih dané luiré makudang-kudang Tari Kebesaran, minakadi Tari Kebesaran SMP Nasional Denpasar sané mamurda “Saraswati Carya”, Tari Kebesaran SMK Teknologi Nasional “Loka Praja Mahottama”, Tari Kebesaran Sekolah Tinggi Ilmu Ekonomi Satya Dharma Singaraja “Satya Gora Dharma”, sarta Tari Kebesaran Lapas Perempuan Kelas IIA Denpasar “Angayu Jayastri”. Tiosan ring pinaka komposer, dané taler pinaka founder saking Sanggar Rumah Kreatif Ethnica sarta Ethnica Studio.

I Gst. Ngr. Dwijaksara, S.Kom., M.Sn.

I Gst. Ngr. Dwijaksara, S.Kom., M.Sn. embas ring Denpasar duk warsa 1993. Dané muputang paplajahan Sarjana (S1) ring STIKOM Bali sarta nglanturang paplajahan Magister (S2) ring Institut Seni Indonesia (ISI) Denpasar. Dané maderbe kawagedan (keahlian) ring widang teknologi informasi, desain multimedia, miwah bisnis kreatif.

Dané masiat pisan nglimbakang kawagedan lintas disiplin sané nunggalang teknologi sareng seni mangda prasida ngripta solusi sané inovatif. Tiosan ring kawagedan akademik, dané taler maderbe kawagedan non-akademik minakadi kepemimpinan (pucuk pimpinan), komunikasi, sarta kolaborasi sané nindihin panglimbak profesional dané. Bapak Dwijaksara madué komitmen sajeroning ngicénin kontribusi ring panglimbak pendidikan, kreativitas, sarta teknologi sané berkelanjutan (paridabdab maseka).