Foto: Upacara Majaya-jaya (Pelantikan) Pengurus Organisasi Kemahasiswaan ring Wawidangan ISI BALI, nuju rahina Buda (28/1) magenah ring Ruang Vicon, Gedung Citta Kelangen ISI BALI
Rektor Institut Seni Indonesia Bali (ISI BALI), Prof. Dr. Wayan “Kun” Adnyana, nyuksmayang saha resmi ngelantik pengurus 29 organisasi mahasiswa (Ormawa) ring wawidangan ISI BALI periode warsa 2026. Pamidarta pelantikan puniki kelaksanayang ring rahina Buda (28/1) magenah ring Ruang Vicon, Gedung Citta Kelangen ISI BALI.
Pengurus Ormawa institut sane kelantik minakadi Ketua Dewan Perwakilan Mahasiswa (DPM) ISI BALI, Yasuke Yamamoto, mahasiswa Program Studi Animasi, kasarengin olih Wakil Ketua I Made Randhawa Senna saking Program Studi Arsitektur. Lianan ring punika, Presiden Badan Eksekutif Mahasiswa (BEM) ISI BALI, Muhammad Duroris Shohab, mahasiswa Program Studi Seni Murni, taler kelantik sareng Wakil Presiden Rais Zain Syafar saking Program Studi Arsitektur.
Pelantikan puniki taler nyakupin pengurus DPM miwah BEM ring undagan fakultas, pengurus Himpunan Mahasiswa Program Studi (HMPS), sapunika taler pengurus Unit Kegiatan Mahasiswa (UKM) ring wawidangan ISI BALI pinaka pahan saking penguatan tata kelola organisasi kemahasiswaan sane berkelanjutan.
Ri sajeroning sambramawacananyane, Rektor ISI BALI, Prof. Dr. Wayan ‘Kun’ Adnyana nandesang indik mabuatne sinergi miwah manah becik ring ngamargiang roda organisasi kemahasiswaan. Ida ngajak sinamian mahasiswa ISI BALI mangda madue semangat sane pateh ring ngerereh kawigunan gelanggang sane sampun kasediayang olih institusi sapunika taler ring makudang-kudang genah ekspresi lianan. Manut ring ida, kawentenan genah-genah punika patut kaidupang antuk parikrama kreatif sane berkelanjutan miwah ngicen dampak sane positif.
Tiosan ring punika, Prof. Kun Adnyana taler maosang indik29 jan 2 mahasiswa ISI BALI kaaptiang mangda prasida satata wenten miwah masinergi sareng krama (masyarakat). Kapersekaan aktif mahasiswa ring parikrama penelitian miwah pengabdian majeng ring krama sareng dosen kabaos mabuat pisan, pinaka bukti tanggung jawab akademik sapunika taler kontribusi nyata perguruan tinggi seni majeng ring wawidangan sosial miwah budaya.
Foto: : Upacara Majaya-jaya (Pelantikan) Pengurus Organisasi Kemahasiswaan ring Wawidangan ISI BALI, nuju rahina Buda (28/1) magenah ring Ruang Vicon, Gedung Citta Kelangen ISI BALI
Ketua Pelaksana Pelantikan sane taler pinaka Ketua DPM ISI BALI periode warsa 2025, Kadek Ongky Dwi Dhavinci, ring sajeroning laporannyane maosang, malarapan antuk pelantikan puniki, estafet organisasi kemahasiswaan sampun resmi kalanturang olih para pengurus sane anyar. “Momentum puniki taler dados lelintihan (sejarah), ring dija kapertama pisan pelantikan Ormawa kemargiang nganggen wasta Institut Seni Indonesia Bali, pinaka cihna pangawit anyar saking pemargi sane lantang, perjuangan anyar ngerereh pemikir kreatif miwah pemimpin visioner sangkaning organisasi mahasiswa, mangda prasida nyunjung wasta becik institusi ring dura negara,” baos mahasiswa Prodi Desain Komunikasi Visual puniki.
Sapunika taler, Presiden BEM ISI BALI periode warsa 2025, Kadek Eky Virji, nagingin pangayubagia miwah apresiasi majeng ring sinamian pengurus organisasi kemahasiswaan warsa 2025 antuk dedikasi miwah pakaryan sane sampun kalaksanayang. Ipun mapunagi mangda kepengurusan Ormawa periode 2026 prasida nglanturang estafet kepemimpinan antuk rasa tanggung jawab sane linggar, sapunika taler prasida ngicen kontribusi nyata majeng krama (masyarakat) sangkaning makudang-kudang program kreatif.
Parikrama pelantikan puniki karauhin olih Rektor ISI BALI kasarengin olih jajaran Wakil Rektor, Dekan miwah Wakil Dekan Fakultas Seni Pertunjukan (FSP) miwah Fakultas Seni Rupa dan Desain (FSRD), sapunika taler para Pembina Utama miwah Pembina Pendamping saking soang-soang organisasi kemahasiswaan. (ISIBALI/Humas)
