Natah ASTI Bali

Akademi Seni Tari Indonesia (ASTI) Denpasar, kawangun olih Pemerintah Provinsi Bali duk tanggal 28 Januari 1967, antuk Surat Keputusan Gubernur Provinsi Bali Nomor 2/Pem/5/I/a/1967, sangkaning prakarsa saking Majelis Pertimbangan dan Pembinaan Kebudayaan (Listibya). Pawangunan ASTI Denpasar punika kadasarin antuk Pola Dasar Kebijakan Pembinaan Kebudayaan Daerah Bali sane nguratiang karakteristik pertahanan, penggalian, pengembangan lan pengembangan budaya daerah Bali. Sayan nglimbaknyane interaksi pantaraning budaya lan teknologi, taler sayan akehnyane seniman sane sampun padem, ngawinang rasa jejeh yening makudang-kudang wentuk seni tradisional Bali pacang punah, mawinan kaperluang pisan ngicenin pendidikan seni majeng ring generasi muda pinaka pewaris lan penyelamat kebudayaan bangsa.

Sesampune duang warsa kawangun, ASTI Denpasar ngamolihang status negara saking Kementerian Pendidikan dan Kebudayaan antuk Keputusan Nomor 066/1969 tanggal 7 Agustus 1969 lan ASTI Denpasar kadadosang jurusan saking ASTI Yogyakarta sane pengelolaannyane kalaksanayang olih Direktorat Jenderal Kementerian Kebudayaan. Sampun 8 (kutus) warsa ngemargiang pendidikan ring sor Dirjen Kebudayaan lan wenten paubahan struktur organisasi ring jeroning Kementerian Pendidikan dan Kebudayaan, raris ngawit warsa 1976 pengelolaan ASTI Denpasar ketanganin olih Dirjen Perguruan Tinggi. Pinaka Direktur ASTI ring masa warsa 1967 ngantos 1981 I Wayan Mertha Sutedja, BA miwah Direktur ASTI ring masa warsa 1981 ngantos 1988. Duk masa kepemimpinan Dr. I Made Bandem, ASTI Denpasar sampun kaloktah olih krama Bali antuk kontribusinyane ring sajeroning nglimbakang, miwah ngamajuang seni lan budaya Bali.