Karang STSI Denpasar

Antuk Keputusan Menteri Pendidikan dan Kebudayaan RI Nomor : 0445/0/1988, ASTI Denpasar katincapang dados Sekolah Tinggi Seni Indonesia (STSI) Denpasar. Pawangunan STSI Denpasar kacumpuin antuk Keputusan Presiden Nomor 22 warsa 1992. Ring masa kepemimpinan Prof. Dr.I Made Bandem, MA dados Ketua STSI antuk periode 1988 ngantos 1997, dane prasida ngawewehin program studi Seni Rupa Murni (S1) ring warsa 1996 lan sukses ngawangun Gedung Natya Mandala, Latta Mahosadhi, Nretya Mandala, miwah Niti Praja Mandala; salami kepemimpinan Prof. Dr. I Wayan Dibia, SST., MA dados Ketua STSI ring periode 1997 ngantos 2002, dane prasida ngwangun Gedung Candra Metu; miwah rikalaning kapimpin olih Dr. I Wayan Rai S., MA. pinaka Ketua STSI ring periode 2002 ngantos 2003, Prodi Fotografi (S1) prasida kawewehin ring warsa 2002.