Program Studi
MAGISTER DESAIN
seseleh
Program Studi Desain Program Magister (PS-DPM) maderbe komitmen dados pusat unggulan sajeroning pengkajian miwah reka desain sane madasar antuk kearifan lokal, nganggen pendekatan multidisiplin, tur berorientasi global. Program puniki rauh pinaka pasaur ngeninin tantangan desain kontemporer sane nuntut sinergi pantaraning dresta, inovasi teknologi, miwah pangresep lintas budaya. Melarapan antuk kurikulum sane nunggalang teori, riset, miwah praktik kreatif, prodi puniki nincapang kawagedan narka kritis, etika, tur kapekaan budaya majeng ring sawilang mahasiswa. Nilai-nilai pluralitas miwah multikulturalitas Nusantara dados wit inspirasi sajeroning ngwangun pemikiran desain sane universal tur relevan ring dinamika global.
Parikrama akademik ring Program Studi Desain Program Magister (PS-DPM) ngranjing riset pengkajian miwah reka desain, ngardi karya inovatif, tur publikasi asil penelitian sane mawiguna majeng ring kemajuan seni, desain, miwah kabudayaan. Prodi puniki taler aktif ngwangun kerja sama sareng makudang-kudang institusi, ring sajeroning nagari wiadin ring dura nagara, mangda sayan jimbar jejaring keilmuan miwah galah kolaborasi profesional. Pinaka genah akademik sane dinamis, Program Studi Desain Program Magister mautsaha ngardi desainer, peneliti, miwah pemikir desain sane kreatif, berintegritas, tur maderbe daya saing global, sarta siaga ngicenin kontribusi sajeroning panglimbak budaya miwah industri kreatif ring masa sane jagi rauh.
Risampune muputang pendidikan, para lulusan Program Studi Desain Program Magister puniki polih gelar akademik Magister Desain (M.Ds.).
VISI
Dados program studi unggul sajeroning pengkajian miwah reka desain sane madasar antuk kearifan lokal, nganggen pendekatan multidisiplin, tur maderbe daya saing global
MISI
-
Ngalaksanayang pendidikan tegeh sane mautama, ngajiang pluralitas, multikulturalitas budaya lokal miwah Nusantara mangda para lulusan maderbe jiwa universal;
-
Ngardi lulusan sane maderbe moral, kreatif, siteng, unggul, tur maderbe daya saing global;
-
Nincapang penelitian, pangriptan karya, miwah diseminasi asil mlajah sajeroning nyokong pemajuan seni miwah budaya;
-
Ngwangun kerja sama sareng makudang-kudang pihak sane mapaikatan sajeroning panglimbak riset pengkajian, riset reka desain, miwah diseminasi asil penelitian sarta reka desain para mahasiswa;
-
Nincapang sumber daya prodi (dosen miwah tenaga kependidikan) mangda prasida ngardi lulusan sane manut ring visi sane sampun kacumponin.
Prawerti Lulusan
Pangripta Reka
Desainer prasida ngwangun pakaryan desain sane maderbe nilai kebaruan tegeh madasar antuk ilmu pengetahuan miwah teknologi. Prasida ngripta pakaryan desain nganggen pendekatan interdisiplin wiadin multidisiplin, sarta pakaryan desain sane nyihnayang kadiatmikan akar budaya lokal miwah budaya Nusantara.
Sang Nitenin Wujud Desain
Pengkaji Wujud Desain (akademisi/pangajah, peneliti/pengkaji, panyurat, kurator, miwah kritikus pakaryan/wujud desain) prasida nitenin tur naler macecingak wujud desain nganggen metodologi ilmiah, ngeresepang, sarta ngamargiang pendekatan interdisiplin miwah multidisiplin. Prasida nerapang tur ngelimbakang teori desain mangda mawiguna majeng ring krama, industri, miwah pendidikan, maderbe parilaksana kritis-analitis sarta prasida ngicenin solusi ngeninin pikobet desain.
Prawira Isaka
Wirausahawan Desain (Konsultan Desain), prasida ngamargiang kawirausahaan miwah manajemen desain sane madasar antuk Ipteks, sarta nitenin jasa konsultan desain nganggen pendekatan interdisiplin wiadin multidisiplin. Prasida nunggalang ilmu desain sareng makudang-kudang kawentenan ring krama, ngwangun jejaring sareng mitra sane mapaikatan, tur ngeresepang dinamika ekonomi, globalisasi, miwah kawentenan persaingan sarta pikobetnyane, ngeresepang uahan parilaksana krama miwah kedeh kayun pasar (tren).
STRUKTUR ORGANISASI
Direktur Program Pascasarjana
Nyoman Dewi Pebriyani, ST., MA, Ph.D.
Koordinator Program Studi
Dr. Alit Kumala Dewi, S.Sn., M.Ds
Staf Program Studi
Dosen
Dosen
Magister Desain
