Program Pascasarjana
Magister dan Doktoral
Program Pascasarjana Institut Seni Indonesia Bali inggih punika silih sinunggil unsur pelaksana akademik sane kawangun madasar antuk Peraturan Menteri Pendidikan Tinggi, Sains dan Teknologi Republik Indonesia Nomor 28 warsa 2025 ngeninin indik Organisasi Tata Kerja Institut Seni Indonesia Bali, Pasal 11 ayat (2). Kawentenan program puniki pinaka forum pengembangan ilmiah, penciptaan karya, lan penelitian tingkat lanjut ring widang seni, desain, pendidikan seni, miwah tata kelola seni. Sane mangkin Program Pascasarjana Institut Seni Indonesia Bali maduwe nem program studi, inggih punika: Program Studi Seni Program Magister; Program Studi Desain Program Magister, Program Studi Pendidikan Seni Program Magister; Program Studi Tata Kelola Seni Program Magister; Program Studi Seni Program Doktor; miwah Program Studi Desain Program Doktor. Malarapan antuk nem program studi puniki, Program Pascasarjana Institut Seni Indonesia Bali sampun dados ruang akademik sane nenten wantah nglestariang lan nglimbakang seni tradisional kemanten, nanging taler nuntun para mahasiswa mangda prasida ngamargiang inovasi, kolaborasi, tur prasida ngembasang reriptan marupa karya cipta seni miwah penelitian sane kabuatang antuk pakibeh jagate.
VISI
Pascasarjana Institut Seni Indonesia Bali pinaka Lembaga Penyelenggara Pendidikan Tinggi Seni, Désain, Tata Kelola Seni, miwah Pendidikan Seni ring Program Magister miwah Doktor sane mabudaya, unggul, miwah bereputasi global.
MISI
- “Nyelenggarayang Pendidikan Program Magister miwah Doktor ring widang Seni, Désain, Tata Kelola Seni, miwah Pendidikan Seni nganggén pendekatan multidisiplin, interdisiplin, miwah transdisiplin sane mabudaya, unggul, miwah bereputasi global.”
- “Nyelenggarayang panaliten ring widang Seni, Désain, Tata Kelola Seni, Pendidikan Seni, miwah lingkup ilmu sane relevan, antuk keluaran sane berekognisi nasional miwah global.”
- “Nyelenggarayang pangabdian ring masyarakat ring widang Seni, Désain, Tata Kelola Seni, Pendidikan Seni, miwah lingkup ilmu sane relevan, sane wenten kemanfaatanipun ring masyarakat.”
- “Ngawangun tata kelola organisasi, aset, miwah sumber daya Pascasarjana secara transparan, efisien, akuntabel, miwah handal.”
- “Nyelenggarayang kerjasama akademik miwah nonakademik sareng ekosistem Pendidikan Program Magister lan Doktor, miwah kewirausahaan global.”
VISI
Pascasarjana Institut Seni Indonesia Bali pinaka Lembaga Penyelenggara Pendidikan Tinggi Seni, Désain, Tata Kelola Seni, miwah Pendidikan Seni ring Program Magister miwah Doktor sane mabudaya, unggul, miwah bereputasi global.
MISI
- “Nyelenggarayang Pendidikan Program Magister miwah Doktor ring widang Seni, Désain, Tata Kelola Seni, miwah Pendidikan Seni nganggén pendekatan multidisiplin, interdisiplin, miwah transdisiplin sane mabudaya, unggul, miwah bereputasi global.”
- “Nyelenggarayang panaliten ring widang Seni, Désain, Tata Kelola Seni, Pendidikan Seni, miwah lingkup ilmu sane relevan, antuk keluaran sane berekognisi nasional miwah global.”
- “Nyelenggarayang pangabdian ring masyarakat ring widang Seni, Désain, Tata Kelola Seni, Pendidikan Seni, miwah lingkup ilmu sane relevan, sane wenten kemanfaatanipun ring masyarakat.”
- “Ngawangun tata kelola organisasi, aset, miwah sumber daya Pascasarjana secara transparan, efisien, akuntabel, miwah handal.”
- “Nyelenggarayang kerjasama akademik miwah nonakademik sareng ekosistem Pendidikan Program Magister lan Doktor, miwah kewirausahaan global.”
PROGRAM STUDI
Program Studi Seni Program Magister (S2)
PS-SPM sampun polih akreditasi A saking Badan Akreditasi Nasional Perguruan Tinggi (BAN-PT). Sertifikat akreditasi puniki mamargi selami limang warsa, ngawit saking 31 Januari 2023 kantos 31 Januari 2028, pinaka bukti kualitas akademik, tata kelola, miwah kontribusi keilmuan sané utama ring widang seni.
Program Studi Desain Program Magister (S2)
Program Studi Magister Desain nyobyahang para pengajar sané madué kompetensi ring widang keahliannyané soang-soang. Pawangunan widang keilmuan desain punika kapaice antuk inklusif sané kakepah ring kurikulum sané ngicénin pangweruhan mendalam ngeninin dialektika desain.
Program Studi Pendidikan Seni Program Magister (S2)
Program Studi Pendidikan Seni Program Magister kalarang antuk nyobyahang proses kreatif, kritis, solutif, fungsional, profesional, integratif, miwah inklusif sajeroning pawangunan widang keilmuan pendidikan seni. Produk panyuud saking program Magister puniki, marupa tesis sané madasar antuk kanti/kajian fenomena pendidikan seni budaya Nusantara, miwah makudang-kudang sistem pewarisannyané.
Program Studi Tata Kelola Seni Program Magister (S2)
PSTKS nawahang kalih jalur peminatan sané kalarang madasar antuk strategi nindihin kabuatang akademik miwah profesional ring widang tata kelola seni, inggih punika Pengkajian Tata Kelola Seni miwah Penata Kelolaan Seni. Pengkajian Tata Kelola Seni punika mokusang ring pendekatan teoritis, metodologis, miwah analitis ngeninin makudang-kudang fenomena tata kelola seni, budaya, miwah tradisi, antuk tetujon ngawangun pangweruhan sané mendalam tur kritis ngeninin praktek tata kelola seni sajeroning konteks sosial, historis, miwah filosofis.
Program Studi Seni Program Doktor (S3)
Program Studi Seni Program Doktor ring ISI Denpasar magenah ring Provinsi Bali sané madué kadiatmikan seni miwah budaya pinaka dasar pawangunan pendidikan sané madasar antuk budaya lokal. Budaya toleransi sané tegeh miwah keramahtamahan krama Baliné ngicénin galah sané dangan majeng ring para peneliti sajeroning nglaksanayang riset utawi studi. Tiosan punika, Bali pinaka laboratorium hidup budaya Nusantara sané dados objek pangweruhan, penelitian, miwah pengabdian masyarakat.
Program Studi Desain Program Doktor (S3)
Program Studi Desain Program Doktor Institut Seni Indonesia Denpasar mokusang ring widang kajian miwah reka desain nganggen pendekatan multidisiplin, interdisiplin, utawi transdisiplin. Kajian miwah reka desain punika nyelehin makudang-kudang disiplin desain: desain interior, desain komunikasi visual, desain mode, desain produk, arsitektur, landscape, miwah makudang-kudang disiplin desain digital tur konvensional.