Program Studi Pendidikan Seni Pertunjukan (PSP), Fakultas Seni Pertunjukan, Institut Seni Indonesia (ISI) Bali, kaaturang melibatang diri ring kegiatan Seminar Pendidikan Seni sane nganggén tema “Seni Pertunjukan Nusantara Dados Wahana Literasi Multikultural ring Pendidikan Seni” sane kalaksanayang olih Universitas PGRI Mahadewa Indonesia ring Saniscara, 24 Januari 2026. Kegiatan puniki kalaksanayang ring Gedung Ksirarnawa Art Centre Denpasar miwah kaikutin olih mahasiswa, dosen, miwah akademisi saking tigang perguruan tinggi, inggih punika Universitas PGRI Mahadewa Indonesia, Institut Seni Indonesia Bali, miwah Universitas Hindu Indonesia.
Keikutsertaan Prodi PSP ISI Bali ring seminar puniki dados wujud komitmen institusi ring nguatang pamahaman akademik indik seni pertunjukan Nusantara sane dados bagian penting saking literasi multikultural ring pendidikan seni. Seminar puniki dados forum strategis ring ngrembug peran seni drama, tari, miwah musik ring ngembangang wawasan kebangsaan, keragaman budaya, miwah pambentukan karakter malarapan pendidikan seni.
Nganggén kegiatan puniki, para dosen miwah mahasiswa ngamolihang genah diskusi ilmiah ring tukar pikayunan indik pendekatan konseptual, metodologi pembelajaran, miwah praktik pedagogis seni pertunjukan sane kontekstual miwah relevan sareng dinamika sosial-budaya masyarakat Indonesia. Seni pertunjukan Nusantara kasengguh tan wantah dados ekspresi estetis, nanging taler dados sumber pangaweruh, nilai, miwah identitas budaya.
Salain nguatang wawasan akademik, seminar puniki taler dados sarana nguatang jejaring miwah kolaborasi antuk para akademisi miwah praktisi seni. Interaksi lintas institusi kaajap dados ngamolihang sinergi ring ngembangang pendidikan, panalungtikan, miwah pengabdian ring masyarakat ring widang seni pertunjukan.
Mahasiswa PSP dados panyaji seminar. Dokumentasi: Aditya Putra Nugraha, 2026
Ring kegiatan seminar akademik puniki, salain ngelarayang seminar akademik, taler kalaksanayang penandatanganan Perjanjian Kerjasama (PKS) miwah Implementation Arrangement (IA) antuk Fakultas Bahasa lan Seni Universitas PGRI Mahadewa Indonesia miwah Fakultas Seni Pertunjukan Institut Seni Indonesia Bali, miwah antuk Prodi Pendidikan Seni Drama, Tari, lan Musik sareng Prodi Pendidikan Seni Pertunjukan. Tujuan saking kerjasama puniki inggih punika nyokong Program Kampus Berdampak ngalanturang implementasi program sacara sasarengan malarapan kolaborasi sumber daya sane kaulapin olih prodi saking sane wenten ring masing-masing perguruan tinggi.
Penandatanganan PKS miwah IA olih Dekan Fakultas Seni Pertunjukan, Dekan Fakultas Bahasa lan Seni, Koorprodi Pendidikan Seni Pertunjukan, miwah Kaprodi Pendidikan Sendratasik. Dokumentasi: PSP, 2026
Partisipasi Prodi Pendidikan Seni Pertunjukan ISI Bali ring kegiatan puniki selaras sareng implementasi Tri Dharma Perguruan Tinggi miwah visi ISI Bali dados pusat ngembangang miwah nglestarin seni budaya Nusantara. Kegiatan puniki kaajap ngametuang kontribusi positif ring nguatang kualitas pendidikan seni sane nganggen dasar nilai-nilai budaya miwah multikulturalisme.
Institut Seni Indonesia Bali (ISI BALI) malih ngamargiang Tes Potensi Akademik (TPA) majeng ring calon mahasisya anyar Program Pascasarjana, Program Magister miwah Program Doktor (S2/S3) parekala Semester Genap Warsa Akademik 2025/2026. Tes Potensi Akademik puniki pinaka silih tunggil sarat sane patut kamargiang olih sarastha calon mahasisya Program Pascasarjana ISI BALI.
Tetujon kalaksanayang Tes Potensi Akademik puniki wantah mawiguna anggen nureksain kesiapan intelektual, kateguhan papinehan sane logis, analitis, verbal, miwah numerik para calon mahasiswa mangda manut ring pituduh pendidikan, sapunika taler wantah nyokong Program Pascasarjana ISI BALI sajeroning uger-uger seleksi, mastiyang para calon mahasiswa madue potensi jagi mupuputang paplajahan ring widang studi selanturnyane tur prasida ngalimbayang potensi akademiknyane. Pikolihan Tes Potensi Akademik puniki taler dados cihna panentu katarima utawi nenten nyane calon mahasiswa sajeroning nulusang studi ring Program Pascasarjana ISI BALI. Tes Potensi Akademik puniki kalaksanayang ring rahina Soma, 19 Januari 2026, sacara daring ring aplikasi Zoom, kakawitin saking galah 09.00 ngantos 11.00 WITA. Akeh pamilet tes puniki wantah 49 diri, rinciannyane: 15 diri majeng Program Doktor (S3) miwah 23 diri majeng Program Magister (S2). Dudonan tes kakawitin saking para calon mahasiswa ngranjing ring aplikasi Zoom sane sampun kasediayang, kalanturang antuk panyambrama pituduh teknis tes olih UPA TIK ISI BALI (Unit Pelaksana Akademik Teknologi Informasi dan Komunikasi). Kamera video patut setata kauripan selami tes mamargi tur nyawis tes punika sacara olih soang-soang pamilet. Para pamilet nyane tan kadadosang ngarekam utawi motrek cakepan soal tes. Majeng ring pamilet sane sampun puput nyawis tes, kadadosang medal saking Zoom yening sampun nanggung panyawis tes sampun ka-submit. Score record TPA jagi kakirim nuju e-mail soang-soang pamilet. Pamilet sane kaucap lulus jagi polih sertifikat saking Lembaga Penjaminan Mutu dan Pengembangan Pembelajaran ISI BALI.
Foto: Rektor ISI Bali, Prof. Dr. Wayan ‘Kun’ Adnyana, rauh nureksain Pameran Diseminasi Sesana Pamuput Fakultas Seni Rupa dan Desain ring Nata-Cita Arts Space ISI Bali, rahina Anggara (13/1).
Nénten karasa sampun nem sasih sampun kalintangin, 392 mahasiswa miwah mahasiswi Fakultas Seni Rupa dan Desain (FSRD) Institut Seni Indonesia (ISI) Bali sampun muputang sesana Tugas Akhir pinaka hasil saking diseminasi program ISI Bali Berdampak. Pamekasnyane, diseminasi saking FSRD ISI Bali galah puniki kasarengin olih calon sarjana saking program studi anyar inggih punika S1 Desain Produk miwah S1 Animasi. “Puniki pinaka lelintihan (sejarah) mungguing akeh mahasiswa sane nyarengin Tugas Akhir pinih akeh ring ISI Bali,” sapunika atur piuning saking Manggala Prawartaka Diseminasi Program ISI Bali Berdampak, taler pinaka Wakil Dekan 1 FSRD, I Made Pande Artadi.
Kapaungkayang mungguing “Vidya-Vastu-Virya” sane mateges “Nalar Berpadu, Daya Menjelma, Karya Berdampak” pinaka unteng (tema) saking papat soroh diseminasi Tugas Akhir FSRD sane kawedar marupa Pameran (13-15/1), Film Screening (18/1), Fashion Show (24-25/1), miwah Animation Screening (30/1). Unteng puniki kabaos manut pisan (relevan) ring sajeroning transformasi kampus seni sane sampun ngadeg 60 warsa suennyane, dados ISI Bali sane sayan ngulangunin tur Meraya Cita Samasta.
Yening kaselehin saking silih tunggil krunannyane, “Vidya” pinaka nalar berpadu nyihnayang nalar intelektual sane dalem; “Vastu” pinaka daya menjelma inggih punika proses kreatif sajeroning muatang ide utawi pikayunan; pamekasnyané “Virya” pinaka pangubakti kanggen ngasilang karya sane mapuara ageng ring sajeroning parajana, palemahan, miwah ekonomi. Kawagedan ilmu Seni Rupa miwah Desain dados sarana kanggen nyatuaang raga mangda prasida nincapang wates kawikanan manusa. Unteng puniki taler kaaptiang mangda prasida ngutsahayang kawentenan karya sane estetis, akeh madue pidaging, nangiang pikayunan, tur prasida mungkah genah mabaos pantaraning widang keilmuan. “Konsep unteng puniki kasusun becik pisan, madue paiketan sane raket ring sajeroning diseminasi kapertama kanggen Kurikulum ISI Bali Berdampak,” sapunika parama saking Dekan FSRD, I Nengah Sudika Negara.
Kabaosang mungguing pamilet (peserta) Tugas Akhir galah puniki akehnyane 392 diri, sane kakepah saking: 37 mahasiswa Seni Murni, 11 mahasiswa Kriya, 65 mahasiswa Desain Interior, 107 mahasiswa Komunikasi Visual, 28 mahasiswa Fotografi, 71 mahasiswa Desain Mode, 30 mahasiswa Produksi Film miwah Televisi, 22 mahasiswa Desain Produk, miwah 22 mahasiswa Animasi. Indik program sane sampun kamargiang ngranjing ring limang soroh parikrama (kegiatan) pilihan, inggih punika: Program Magang Berdampak, Studi Projek Independen Berdampak, Wirausaha Berdampak, Asistensi Mengajar Berdampak, miwah Program Magang Merdeka sane kalaksanayang olih Kemendiktisaintek.
Salanturnyane, Kurator Pameran “Vidya-Vastu-Virya”, I Nyoman Payuyasa miwah I Putu Arya Janottama maosang mungguing unteng (tema) sane kaunggahang puniki mautsaha kanggen nunggalang miwah ngerajut makudang-kudang karya sane sampun kakaryanang olih mahasisya ring FSRD. Yadiastun proses puniki kamargiang ring nem sasih pinih untat, sujatinne karya-karya puniki embas ngawit saking kapertama mahasiswa ngawit malajah ring ISI Bali. Makasami pangalaman miwah teori karajut dados asiki, sajeroning karya-karya puniki pinaka hasil saking pangalaman dane makasami, taler mapuara ageng ring sajeroning parajana, palemahan, miwah ekonomi.“Siosan punika, wenten taler paiter rasa, asil karya sane karasayang pinaka asil saking pituduh pantaraning dosen miwah mitra, sane prasida ngicenin raras ring sang sane ngaksinin,” sapunika pabaos saking perwakilan Kurator, I Nyoman Payuyasa
Pameran puniki kabungkah antuk sambrama wacana saking Rektor Prof. Dr. I Wayan ‘Kun’ Adnyana, sane micayang parama sastra miwah ngaturang suksma ring sajeroning pangubakti miwah sinergi sane becik saking makasami jajaran kantos prasida mamargi diseminasi puniki. Pamekasnyane majeng ring para mitra Program ISI Bali Berdampak sane sampun makaryamapaiketan kerjasama sareng FSRD, taler sampun ngicenin kawikanan miwah jejaring sane dahat becik pisan majeng ring para mahasiswa. Rektor negesang mungguing Tugas Akhir puniki pinaka bukti para mahasisya sayan kaakuin, dados silih tunggil capaian, taler nyunjung nindihin inovasi pinaka utsaha sajeroning kauripan sujati.“Tugas Akhir puniki nenten ja pinaka titik pamuput, nanging puniki pinaka pamargi kapertama kanggen ngwangun kontestasi miwah inovasi sane sayan sinah, tur sayan akeh tantangannyane,” sapunika pabesen saking Rektor.
Pembukaan kegiatan diseminasi Tugas Akhir kali ini didukung pula oleh mahasiswa yang baru menyelesaikan program pembelajaran pertukaran lintas fakultas di Program Studi Seni Karawitan dan Prodi Seni Tari yang menyuguhkan hasil program perkuliahan mereka berwujud Tari Cak dan Bleganjur. Pementasan ini meyakinkan bahwa pembelajaran skema kolaboratif dapat memberikan pengalaman praktik dan pengetahuan baru untuk pengembangan wawasan mahasiswa ISI Bali.
Selama Pameran “Vidya-Vastu-Virya” akan hadir berbagai Art Talk dan Pagelaran dari HMP Program Studi di FSRD. Hari ini hadir para mahasiswa Desain Produk, Arsitektur dan Mahasiswa Berprestasi. Salah dua mahasiswa Desain Produk yang ikut dalam Art Talk singkat malam ini, berbagi tentang pengalamannya menjalankan Program ISI Bali Berdampak kepada audiens. Kebetulan keduanya berkarya di Mitra yang sama yaitu Studio Banda, studio industrial design berbasis di Ubud yang telah bekerja sama dengan berbagai studio internasional. Adapun mereka berbagi tentang suka duka dalam Tugas Akhir-nya yang penuh dengan percobaan trial-error akan material-material yang digunakan. Diharapkan dari kegiatan ini dapat menambah wawasan pengalaman kepada adik-adik mahasiswa yang masih studi dan akan mengikuti Program ISI Bali Berdampak.
Pamungkah parikrama diseminasi Tugas Akhir galah puniki taler kasokong olih para mahasisya sané wawu muputang program malajah pertukaran lintas fakultas ring Program Studi Seni Karawitan miwah Prodi Seni Tari. Dané nyuguhang asil paplajahan nika marupa Tari Cak miwah Bleganjur. Sesolahan puniki nyinahang mungguing pola malajah kolaboratif prasida ngicénin pangalaman praktik miwah kawikanan anyar kanggén nincapang wawasan mahasisya ISI Bali.
Salami Pameran “Vidya-Vastu-Virya” pacang kawentenang makudang-kudang Art Talk miwah Pagelaran saking HMP Program Studi ring FSRD. Rahina puniki, rauh para mahasiswa Desain Produk, Arsitektur, miwah Mahasisya Berprestasi. Kalih diri mahasiswa Desain Produk sane nyarengin Art Talk ring wengi puniki, maosang indik pangalamannyane ngamargiang Program ISI Bali Berdampak ring ajeng pamiarsa. Sujatinne, dane sang kakalih makarya ring Mitra sane pateh inggih punika Studio Banda, silih tunggil studio industrial design ring Ubud sane sampun makarya sareng makudang-kudang studio internasional. Dane maosang indik suka duka ri kala ngamargiang Tugas Akhir sane akeh antuk paconan (trial-error) ngeninin indik pabuat (material) sane kanggen. Kaaptiang mangda parikrama puniki prasida nincapang kawikanan miwah pangalaman majeng ring adik-adik mahasiswa sane kantun malajah tur pacang nyarengin Program ISI Bali Berdampak kapungkur wekas.
Parikrama sane nyarengin ngerameang Pameran Vidya Vastu Virya kapuputang ring rahina kaping tiga antuk Art Talk miwah pagelaran seni saking Himpunan Mahasiswa Program Studi (HMP) Kriya, Desain Interior, Desain Komunikasi Visual (DKV), lan Fotografi. Soang-soang HMP nyritayang parindikan sane rame pinaka Mahasiswa ring program studi soang-soang tur nyihnayang makudang-kudang musik yadiastun kasarengin antuk sabeh.
HMP Kriya nyihnayang kalih narasumber, Suryawan miwah Naomi, Mahasiswa sane nyarengin sajeroning Pameran Desiminasi Tugas Akhir Program ISI Bali Berdampak Semester Gasal 2025/2026. Makakalih madue pengalaman sane matiosan ngeninin napi sane kakaryanin sareng mitra usaha sane kapilih. Silih tunggilnyane ngeninin indik malajah upcycling miwah warna alam. Antuk punika, pengalaman ngeninin ngolah material punika dahat mapikenoh majeng ring ipun, asapunika taler malajahin pasar sane wenten ring widang industri kriya. Yening indik pagelarannyane, sampun pastika rame pisan yadiastun patut pindah genah tur ngetis seantukan sabeh. HMP Kriya nyihnayang pagelaran ngelawang sane unik, siosan ring ngangge gamelan, ipun ngangge kulkul malakar antuk tiing sane kakaryanin niri. Punika awinane pagelaran puniki kabaos unik pisan tur bek antuk semangat sane nyarengang kirang langkung 30 Mahasiswa Program Studi Kriya.
HMP Desain Interior nyihnayang silih tunggil narasumber, Komang, Mahasiswa sane taler nyarengin Tugas Akhir. Silih tunggil pengalaman sane dahat mapikenoh majeng ring ipun wantah galah malajah nuju jaba studio. Minakadi ri kala nuju lapangan nureksain proyek sareng mitra sane nenten langsung kapolihang ri kala ngarijayang tugas ring kampus. Punika awinane galah sane kapolihang melarapan antuk Program ISI Bali Berdampak punika dados mabuat pisan sajeroning nincapang kawagedan miwah kompetensi pinaka desainer interior. Manut ipun, sampunang ngantos katinggalan sajeroning malajahin makudang-kudang skill (kemampuan) desain kalih dimensi wiadin tiga dimensi sane patut kakuasain ring Desain Interior, santukan wekas ri kala nyarengin Program ISI Bali Berdampak jagi dados galah ngangge makasami kawagedan punika. Yening sampun kulina ngangge, Mahasiswa jagi dangan ngarijayang tugas sane kaicen olih client. HMP Desain Interior raris nyihnayang band pop sane nembangang gending-gending band Indonesia sane kasub minakadi Sheila On 7 miwah Dewa 19 sane ngawinang para audiens sareng nembang.
HMP DKV nyihnayang kalih narasumber Mahasiswa sane sedek ngarijayang Tugas Akhir miwah silih tunggil narasumber Mahasiswa semester tiga. Wenten silih tunggil Mahasiswa, Candra, sane nyarengin Program ISI Bali Berdampak ring Polandia tur nyarengin ngalimbayang Taman Bali Indah sane wawu kawangun. Ring irika ipun nyarengin sasolahan seni, workshop seni, tur taler dados tim branding. Wenten makudang-kudang adaptasi sane patut kamargiang pamekasne ngeninin budaya, basa, miwah cuaca sane matiosan. Pengalaman copywriting dados mabuat pisan sajeroning wenten standar sane matiosan sareng ring Indonesia.
Siosan punika, Dayu, ngamargiang Program ISI Bali Berdampak ring Rumah Sakit Kenak Medika, Gianyar. Pengalamannyane akeh madue parindikan sane becik pamekasne uning napi sane wenten tur manajemen ring sajeroning rumah sakit. Siosan ring nindakin indik ngaryanang branding, silih tunggil pengalaman sane nenten kakenehang wantah sesi foto bayi sane wawu embas. ‘Excited, runtag taler, saantukan punika parindikan sane anyar,’ baos Dayu nyelasang.
Mahasiswa semester tiga, Dita, milih DKV saking pituduh rerama nyane sane nyingak potensi Program Studi DKV punika becik pisan. Nawangi makudang-kudang dasar ngalimbayang DKV melarapan antuk Nirmana miwah DKV Dasar dados pahan panyeledii malajahin widang puniki. Pameran-pameran dados pengalaman sane nenten laliang pamekasne pameran sane masawitra sareng S2 Tata Kelola Seni mangda prasida malajah sapunapi tatacara ngelarang pameran sinarengan. Pagelaran seni sane kasolahang olih HMP DKV wantah band musik sane nembangang gending-gending lawas pop rock jaba negeri. HMP Fotografi nyihnayang tiga Mahasiswa sane nyarengin Program ISI Bali Berdampak miwah pagelaran DJ sane nyarengin audiens ngantos wengi. Dika, Tria, miwah Bagus ngamargiang Program ISI Bali Berdampak ring tigang genah sane matiosan antuk konsentrasi sane matiosan taler, silih tunggilnyane ngeninin indik story telling, hospitality, miwah fashion modelling. Kawagedan anyar sajeroning nyepret foto sane pinih becik mungguing nenten langsung kapolihang selami program punika, nanging kawagedan mantikrama galah, ngangge lighting/pencahayaan ring sajeroning studio, miwah marketing utawi pemasaran dados parindikan sane kapelajahin langkung dalem. Momentum sane nenten laliang wantah sapunapi ngolah konsep niri mangda prasida ngasilang pakaryan fotografi sane becik, taler nampi tur malajah saking iwang sane naenin mamargi. ‘Sampunang pisan ngrasayang ajerih sane kelangkung, ajerih dados nanging setata raosang sareng atasan, pamekasne sampunang ngenehang niri ,’ baos Tria mapesen.
Foto: KegiatanDiseminasi Tugas Akhir Fakultas Seni Rupa dan Desain hari ke-2 di Bencingah Nata-Cita Arts Space ISI BALI, Rabu (14/1).
Sajeroning parikrama Vidya Vastu Virya rahina kaping kalih, siosan ring Pameran Visual sane kantun kabuka, wenten taler pidabdab parikrama saking makudang-kudang Himpunan Mahasiswa Program Studi (HMP) saking Fakultas Seni Rupa dan Desain (FSRD) ISI Bali. Rahina kaping kalih, Budha (14/1), karameang olih HMP Seni Murni, HMP Animasi, HMP Produksi Film dan Televisi, lan HMP Desain Mode
Silih tunggilne wenten orti-orti sane ngicenin inspirasi saking makudang-kudang Mahasiswa. Saking HMP Desain Mode miwah HMP Program Studi Produksi Film dan Televisi, wenten makudang-kudang Mahasiswa sane nyritayang pengalamannyane melarapan antuk Art Talk. Minakadi proses kreatif, eksplorasi ide, ngantos nilai disiplin lan konsistensi sane kapelajahin selami negepin widang puniki.
Wenten taler pagelaran seni gagendingan miwah sasolahan saking makudang-kudang Mahasiswa Desain Mode. Anggun Kristipa, silih tunggil Mahasiswa Desain Mode sane nyarengin nagingih pagelaran seni punika, maosang indik parikrama puniki dahat mapikenoh pisan. Campuhan gagendingan saking Anggun miwah timpal-timpalnyane Indah lan Anggita sane masolah ngawinang kawentenan pagelaran punika kabaos idup tur emosional. ‘Sabilang sasolahan punika silih sinunggil nagingin tur ngukuhang orti indik widang mode punika sanget mapaiketan ring ekspresi seni, rasa, lan kalulutan gerak,’ baos Anggun.
HMP Seni Murni nyihnayang parikrama live painting kasarengin narasumber Mahasiswa Tugas Akhir sajeroning Art Talk. Made Chandra nyritayang pakaryannyane sane nyihnayang pikolih pangaptine ngeninin Seni Lukis Wayang Kamasan majeng ring audiens, sapunika taler Made Nova Moyo ngunggahang indik isu lingkungan sane sayan ngusak ekosistem dunia antuk simbol makudang-kudang material miwah kedis Cendrawasih. ‘Pengalaman kawentenan tityang, kampus dados laboratori sane sinegehang, katakonang, tur genah calon seniman ngwangun sawitra seantukan kapunduhang sareng timpal-timpal saking makudang-kudang widang rumasuk SMSR,’ baos Chandra.
Makakalih madue pikayunan indik sapunapi galah Program ISI Bali Berdampak Magang wiadin Studi Independen punika wantah galah sane nenten rauh ping kalih, pamekasne majeng ring Moyo sane madue tekad mangda prasida kuliah antuk prabeya niri. Genah magang jagi dados titipan ri kala wekas medal saking kampus, asapunika taler ngajah-ajain sajeroning nincapang kateguhan Mahasiswa. ‘Satu kata, ngelindeng, yening pianak seni punika nenten ngelindeng nika nenten bebas, buntu, akehang madue timpal, relasi, pasti prasida nika, pasti!’ baos Moyo mapesen.
Saking HMP Animasi nyihnayang pagelaran musik akustik tur sajeroning Art Talk wenten Mahasiswa Semester 3 Caleb Nikao Hutabarat miwah Mahasiswa Semester 1 Putu Bagus Mas. Kawentenan industri perfilman animasi ring Indonesia sane sayan nincap dados jalaran napa awinan Program Studi Animasi puniki akeh sane nyenengin. Seantukan ipun sering nyingak kartun-kartun minakadi Boboiboy miwah Upin Ipin ngawinang ipun meled nawang sapunapi tatacara ngarya animasi. ‘Tityang mapikayun napa awinan nenten dados jadma ring ungkur layar sane prasida nagingin imajinasi sajeroning rupa kartun utawi animasi,’ baos Bagus Mas.
Yadiastun wenten pikobet ring panti krama galah makarya tur setata ngwangun komunikasi sareng timpal ngeninin proses ngarya animasi saking pra ngantos pasca produksi, Caleb miwah Bagus Mas ngerasaang tugas-tugas sane kakaryanin wekas jagi maguna. ‘Pabesen tityang setata improve ring padewekan, sampunang bes loba ring mood swing, setata makarya tur dados jadma sane mapikenoh ring masa depan,’ baos Caleb mapungkas.
Foto: Ayah-ayahan wewalen ritatkala Tawur Agung Pedanan ring Pura Dalem Puri Peliatan, Ubud Gianyar, Saniscara 11 Januari 2026
ISI Bali ngaturang ayah-ayahan wewalen ritatkala Tawur Agung Pedanan sane mapaiketan ring dudonan Karya Pedudusan Agung, Mupuk Pedagingan, Ngenteg Linggih , Ngusaba Dalem lan Ngusabe Pitra ring Pura Dalem Puri Peliatan Ubud Gianyar Saniscara 11 Januari 2026. Ayah-ayahan wewalen sane katurang ISI BALI inggih punika wilangan seni sakral minakadi sesolahan Baris Gede, Rejang, Topeng, Wayang Gedog sane kairingin barungan Gong Gede. Makasami katur pinaka ayah-ayahan lan bakti ring Ida Sang Hyang Widhi Wasa ritatkala karya agung punika.
Foto: Ayah-ayahan wewalen ritatkala Tawur Agung Pedanan ring Pura Dalem Puri Peliatan, Ubud Gianyar, Saniscara 11 Januari 2026
Parikrama ngayah punika kasarengin 80 diri sakeng mahasiswa, dosen lan tenaga kependidikan ISI BALI pinaka nyaga lan ngajegan seni tradisi Bali unteng nyane seni wali sane idup lan tumbuh ring wewidangan parikrama agama lan adat.
Parikrama ngayah puniki mapaiketan ring Bali Citta Pradesa (desiminasi hasil pembelajaran diruang sakral ) silih sinunggil parikrama sane pinih utama ring Asta Maha Citta ISI BALI. Melarapan antuk program puniki ISI BALI ngukuhan peran perguruan tinggi seni pinaka penggerak kesadaran budaya spiritualitas lan pengabdian ring Masyarakat sane meunteng kearipan loka Bali. (ISI BALI/HUMAS)
