Institut Seni Indonesia Bali (ISI BALI) negesang malih kawentenannyane ring arena seni nasional antuk nyarengin Art Jakarta 2025, pameran seni bergengsi sane kamargiang ring JIExpo Kemayoran, Jakarta. Ring warsa puniki, ISI BALI ngaturang pameran “Taksa Bhiwana Taksu: Puitika Dunia Ambigu” (Puisi Dunia Ambigu) malarapan antuk Ruang Seni Nata-Citta (N-CAS), ngawit tanggal 3-5 Oktober 2025.
Pameran puniki nyihnayang karya-karya anyar seniman ISI BALI sane nglimbakang tema ambiguitas ring pengalaman manusa modern. Malarapan antuk pendekatan visual puitis lan reflektif, para seniman nyinahang patemon pribadi multi-lapis-ngambarang interaksi antara kagum lan rasa jejeh saking ngadepin jagat sane ambigu.
Kurator utama pameran punika inggih punika Warih Wisatsana miwah Bayu Segara Putra, antuk Ni Wayan Idayati sane dados rekan kurator. Seniman sane nyarengin minakadi: Wayan Kun Adnyana, Ketut Muka Pendet, Made Jodog, Wayan Sujana Suklu, Wayan Setem, Made Bendi Yudha, Made Suparta, Ida Bagus Candrayana, Ida Ayu Gede Artayani, Gede Jaya Putra, miwah I Made Hendra Pramaysa.
Malarapan antuk “Taksa Bhiwana Taksu,” ISI BALI matetujon nyobyahang dinamis ngarereh makna ring seni rupa kontemporer Indonesia, sinarengan ngukuhang genah kampus seni sane pinih ageng ring Bali pinaka pusat kreatifitas seni lan refleksi ring panegara. (ISIBALI/Humas).
