Prof. Kun Adnyana nyihnayang Mulat Sarira 20 Warsa Makarya sajeroning Pameran ‘Parama Paraga’
Foto: Menteri Pariwisata Republik Indonesia, Widiyanti Putri Wardhana, B.Sc. nyaksiang Pameran Retrospektif Seni Lukis Kontemporer “Parama Paraga” ring Nata-Cita Art Space (N-CAS) ISI Bali, ring rahina Buda (25/3).
Pamargin lantang seni rupa kontemporer kapupulang sajeroning Pameran Retrospektif Seni Lukis Kontemporer ‘Parama Paraga’ pakaryan sang rupa taler pinaka Rektor Institut Seni Indonesia Bali (ISI BALI), Prof. Dr. Wayan Kun Adnyana, sané kamargiang ring Nata-Cita Art Space (N-CAS) ISI BALI, nuju rahina Buda (25/3) sanja.”
Pameran puniki pinaka inisiatif praragan Prof. Kun Adnyana sané nyihnayang penyingakan pamargin artistik dané langkung saking kalih dasawarsa. Pameran sané kakurasi olih Jeon Dongsu, Warih Wisatsana, miwah Alaida Niwaya puniki nampingang 88 pakaryan sané nyihnayang transformasi visuall saking uleman wangunan angga ngantos nincap dados komposisi abstrak madasar saking garis miwah warna.
Sajeroning galah piteket pangukuhan, Menteri Pariwisata Republik Indonesia, Widiyanti Putri Wardhana, B.Sc. maderbe galah rauh taler nyantenang langsung pakaryan-pakaryan sané kasajiang. Rauhné Menteri Pariwisata taler dados pahan saking parikrama pangukuhan Kalangan Widya Mahardika V, sané kamargiang ring wewidangan kampus ISI BALI.
Foto: Pameran Retrospektif Seni Lukis Kontemporer “Parama Paraga” pakaryan Prof. Kun Adnyana ring Nata-Cita Art Space (N-CAS) ISI BALI, ring rahina Buda (25/3).
Sajeroning paridarta nyané, Prof. Kun Adnyana nureksayang indik ‘Parama Paraga’ pinaka pamargin lantang sané nyuratang dinamika pangupaya artistik sané satata nincap. ‘Puniki pinaka pamargin lantang, langkung saking 20 warsa, saking uleman angga ngantos dados komposisi warna sané ning, madasar antuk garis pinaka bantang utama,’ asapunika pabaos dané.”
Guru Besar Widang Sejarah Seni puniki taler nyambungang pameran puniki antuk semangat Kalangan Widya Mahardika V sané ngunggahang unteng ‘Kirtya Jnana Kawiya’, pinaka upaya ngediyang miwah nangiang kaweruhan malarapan antuk parikrama maseni.
Pinaka genah seni sané magenah ring wewidangan kampus, Nata-Cita Art Space (N-CAS) ISI BALI dados genah strategis sajeroning nampingang parikrama seni rupa kontemporer majeng krama sareng akeh taler nyukertayang ekosistem akademik. Wentennyane pameran tunggal puniki taler nyihnayang swadharma ganda Prof. Kun Adnyana, nénten ja wantah pinaka manggala institusi, nanging taler pinaka sang rupa sané satata makarya.
Prof. Kun Adnyana ngawewuhin, parikrama puniki nénten ja wantah pameran kemanten, nanging taler dados ‘pesta seni akademika’ sané ngicénin galah majeng dosen miwah mahasisya mangda wanén nampingang raga ring panggung global. ‘Pariwisata madasar antuk budaya punika pinaka dasar sané mabuat sajeroning nincapang seni miwah budaya Bali. Punika sangkaning titiang ngaturang pakeling majeng Ibu Menteri Pariwisata pinaka pahan saking sinergi pantaraning jagat seni miwah pariwisata,’ asapunika teges dané.
Menpar Widiyanti Putri Wardhana, B.Sc. ngicénin apresiasi utama majeng pameran pakaryan Prof. Kun Adnyana sané kabaos maderbe kakuatan artistik miwah kawéntenan unteng sané akeh. Manut dané, pakaryan-pakaryan punika nénten ja wantah maderbe nilai estetika, nanging taler nagingin narasi budaya Bali ring tengahing pamargin seni kontemporer. Pameran ‘Parama Paraga’ kajadwalang mamargi ngantos tanggal 4 Mei sané jagi rauh miwah kabungkah majeng krama sareng akéh pinaka genah apresiasi majeng pamargin lantang sang rupa sajeroning nindakin pamargin seni rupa kontemporer. (ISIBALI/Humas)
Menteri Pariwisata RI Ngawedar Kalangan Widya Mahardika V
Foto: Pangukuhan Kalangan Widya Mahardika V ring Auditorium Kirtya Sabha Mahottama, Institut Seni Indonesia (ISI BALI), ring rahina Buda (25/3).
Menteri Pariwisata RI, Widiyanti Putri Wardhana, B.Sc. ngawedar parikrama Kalangan Widya Mahardika V (Pekan Kesenian Akademika) sané mamurda Kirtya-Jnana-Kawya ‘Mulia Pengetahuan Luhur’ ring Auditorium Kirtya Sabha Mahottama, Institut Seni Indonesia (ISI BALI), ring rahina Buda (25/3). Parikrama sané sampun memargi wanti warsa kaping lima puniki, malih dados genah kreatif sané nunggilang nincapang seni, kaweruhan, miwah nyukertayang nilai-nilai budaya Bali.
Sajeroning daging pabaos nyané, Widiyanti nureksayang indik uahan tren pariwisata global sané mangkin sayan nuju ring pangalaman sané langkung dalem. Manut dané, para wisatwané nénten ja wantah ngrereh genah malali-lali kemanten, nanging taler ngrereh pangalaman sané maderbe suksma.
Menpar Widiyanti ngicénin apresiasi majeng swadharma ISI BALI pinaka institusi pendidikan seni sané maderbe kaitan erat antuk ekosistem pariwisata. Dané nureksayang kontribusi sivitas akademika miwah alumni ISI BALI sampun nagingin makudang-kudang parikrama seni budaya, sajeroning tingkat lokal miwah nasional.
Kalangan Widya Mahardika sampun memargi limang warsa miwah dados genah mabuat sajeroning nampingang inovasi taler ngediyang kadiatmikan tradisi Bali,’ asapunika pabaos dané.
Foto: Menteri Pariwisata RI, Widiyanti Putri Wardhana, B.Sc. ngawedar parikrama Kalangan Widya Mahardika V ring Auditorium Kirtya Sabha Mahottama, Institut Seni Indonesia (ISI BALI), ring rahina Buda (25/3).
Dané taler nureksayang makudang-kudang pakaryan kolaboratif sané kasolahang sajeroning parikrama puniki, ngawit saking sasolahan kolosal ngantos nincapang seni tradisi sakadi drama tari Arja sané kasajiang antuk tata cara anyar.
Sajeroning galah punika, Menpar Widiyanti taler nyaksiang penandatanganan Nota Kesepahaman (Memorandum of Understanding/MoU) pantaraning ISI BALI miwah Politeknik Pariwisata Bali. Penandatanganan MoU puniki pinaka pemargi strategis sajeroning nincapang kualitas sumber daya manusia pariwisata, madasar antuk raketing pasubayan widang pariwisata miwah kebudayaan.
Rektor ISI BALI, Prof. Dr. Wayan Kun Adnyana, ngaturang rasa suksma miwah apresiasi majeng Menteri Pariwisata RI sareng jajaran taler para tokoh sané rauh miwah ngicénin panyokong majeng pamargin Kalangan Widya Mahardika V.
Sajeroning pabaos nyané, dané nlatarang suksma filosofis saking Kalangan Widya Mahardika pinaka genah aktualisasi sané nénten ja wantah artistik, nanging taler spiritual miwah intelektual. ‘Kalangan punika genah aktualisasi sané merluang pangupaya nincap sané darmaning jati, nanging Mahardika mateges kemahardikaan sané taler patut kagrayang malarapan antuk pemargi sané nénten dangan,’ asapunika pabaos dané.
Langkung saking punika, dané nureksayang indik makakalih konsep punika nyihnayang genah pangulati sané ngalangkungin kabuatan praragan. Kalangan Widya Mahardika dados genah transformasi saking tetujon praragan nuju tetujon institusi, sané salanturnyané nincap dados tetujon kebangsaan ngantos kemanusiaan sané jati.
Pinaka pamuput, Rektor nureksayang komitmen ISI BALI sajeroning nampilang pakaryan miwah pangabdian pinih becik majeng bangsa. ‘Titiang ngaturang katulusan ISI BALI majeng Indonesia,’ asapunika pabaos dané.
Foto: Pangukuhan Kalangan Widya Mahardika V ring Auditorium Kirtya Sabha Mahottama, Institut Seni Indonesia (ISI BALI), ring rahina Buda (25/3).
Kalangan Widya Mahardika V nampingang makudang-kudang sasolahan seni sané nyihnayang kasugihan ekspresi miwah inovasi sivitas akademika Institut Seni Indonesia Bali. Parikrama puniki ngranjing Gelar Pertunjukan Kolosal Intermedium sané mamurda Kirtya–Jnana–Kawya pinaka pamungkah utama, taler Pameran Retrospektif Seni Lukis Kontemporer ‘Parama Paraga’ pakaryan Rektor ISI BALI, Prof. Dr. Wayan Kun Adnyana.
Langkung saking punika, Kalangan Widya Mahardika taler nampilang Prosesi Seni Pertunjukan Ritus sané dagingnjané nagingin nilai tradisi, taler Gelar Drama Tari Luwih Arja Luh sané mamurda Ranu–Saraswati–Rasmi pinaka pahan saking nincapang seni sasolahan madasar antuk tradisi nganggen tata cara kreatif miwah kontekstual. (ISIBALI/Humas)
Prof. Kun Adnyana Showcases a Twenty-Year Reflection of Artistic Practice in the ‘Parama Paraga’ Exhibition.”
Photo: The Minister of Tourism of the Republic of Indonesia, Widiyanti Putri Wardhana, B.Sc., reviews the Retrospective Exhibition of Contemporary Painting “Parama Paraga” at Nata-Cita Art Space (N-CAS), ISI Bali, on Wednesday (March 25).
The extensive trajectory of contemporary visual art is encapsulated in the Retrospective Exhibition of Contemporary Painting “Parama Paraga” by artist and Rector of the Indonesian Institute of the Arts (ISI Bali), Prof. Dr. Wayan Kun Adnyana, held at Nata-Cita Art Space (N-CAS) ISI Bali on Wednesday (March 25) afternoon.
This exhibition represents a personal initiative by Prof. Kun Adnyana, presenting a reflection on more than two decades of his artistic practice. Curated by Jeon Dongsu, Warih Wisatsana, and Alaida Niwaya, the exhibition features 88 works that demonstrate a visual transformation—from explorations of the human body to the development of abstract compositions grounded in line and color.
At the opening, the Minister of Tourism of the Republic of Indonesia, Widiyanti Putri Wardhana, B.Sc., was in attendance and directly observed the exhibited works. Her presence also formed part of the opening series of the Fifth Widya Mahardika Kalangan, held within the ISI Bali campus environment.
Photo: The Retrospective Exhibition of Contemporary Painting “Parama Paraga” by Prof. Kun Adnyana at Nata-Cita Art Space (N-CAS), ISI Bali, Wednesday (March 25).
In his statement, Prof. Kun Adnyana emphasized that “Parama Paraga” constitutes a long-term process documenting the evolving dynamics of his artistic inquiry. “This is a long process—spanning more than 20 years—from the exploration of the body toward pure color compositions, with line as the primary foundation,” he explained.
The Professor of Art History also associated the exhibition with the spirit of the Fifth Widya Mahardika Kalangan, which carries the theme “Kirtya–Jnana–Kawya,” as an effort to explore and elevate knowledge through artistic practice.
As an art space situated within an academic environment, Nata-Cita Art Space (N-CAS) ISI Bali serves as a strategic platform for presenting contemporary visual art practices to the public while strengthening the academic ecosystem. The presence of this solo exhibition also highlights the dual role of Prof. Kun Adnyana—not only as an institutional leader but also as an actively practicing artist.
Prof. Kun Adnyana further noted that the event is not merely an exhibition, but also an “academic arts festival” that encourages lecturers and students to confidently engage on the global stage. “Cultural-based tourism is a fundamental pillar in advancing Balinese arts and culture. Therefore, we invited the Minister of Tourism as part of a synergy between the art world and the tourism sector,” he asserted.
Minister Widiyanti Putri Wardhana, B.Sc., expressed particular appreciation for the exhibition, noting its artistic strength and thematic diversity. According to her, the works not only possess aesthetic value but also enrich the cultural narrative of Bali within the development of contemporary art.
The “Parama Paraga” exhibition is scheduled to run until May 4 and is open to the public as a space for appreciating the extensive journey of an artist in responding to the evolution of contemporary visual art.
(ISI Bali/Public Relations)
REPOSITORY
- TATA KELOLA PAMERAN BALI KANDARUPA- PESTA KESENIAN BALI TAHUN 2021-2024: KEBIJAKAN, PRAKTIK KURASI, DAN APRESIASI 18 February 2026
- PENATAKELOLAAN PAGELARAN NUWUR KALANGUAN SENI BEBALI DI KECAMATAN PAYANGAN 18 February 2026
- PENATAKELOLAAN EVENT SANDIKALA NING PUTUNG, DESA DUDA TIMUR, KECAMATAN SELAT, KABUPATEN KARANGASEM. 18 February 2026